ଜୁନିୟର ହକି ବିଶ୍ୱକପ, କ୍ୱାର୍ଟର ଫାଇନାଲ ଲାଇନ୍-ଅପ: ଶେଷ ମ୍ୟାଚରେ ବେଲଜିୟମକୁ ଭେଟିବ ଭାରତ

| Published: Monday, November 29, 2021, 21:48 [IST]

ଭୁବନେଶ୍ବର: ଶେଷ ହୋଇଛି ହକି ମହାକୁମ୍ଭର ଲିଗ୍ ପର୍ଯ୍ୟୟ ମ୍ୟାଚ । ଡିସେମ୍ବର ୧ରେ ଖେଳାଯିବ କ୍ୱାର୍ଟର ଫାଇନାଲ ଟକ୍କର । ଗୋଟିଏ ଦିନରେ ହିଁ ଚାରୋଟି କ୍ୱାର୍ଟର ଫାଇନାଲ ମ୍ୟାଚ ଖେଳାଯିବ ।

ଏଥିପାଇଁ କ୍ୱାର୍ଟର ଫାଇନାଲ ଲାଇନ୍-ଅପ ଚୁଡାନ୍ତ ହୋଇସାରିଛି । ଜର୍ମାନୀ, ସ୍ପେନ୍ ଏବଂ ନେଦରଲ୍ୟାଣ୍ଡ ଅନ୍ତିମ ଦିନରେ ବଡ଼ ବିଜୟ ସହିତ କ୍ୱାର୍ଟର ଫାଇନାଲରେ ପ୍ରବେଶ କରିଥିଲେ । ସେହିପରି କର ବା ମର ମ୍ୟାଚରେ କାନାଡାକୁ ହରାଇ କ୍ୱାର୍ଟର ଫାଇନାଲରେ ସ୍ଥାନ ପକ୍କା କରିଥିଲା ଭାରତ । ବୁଧାବାର ଖେଳଯିବାକୁ ଥିବା ଶେଷ କ୍ବାର୍ଟର ପାଇନାଲ ମ୍ୟାଚରେ ବେଲଜିୟମ ଭେଟିବ ଭାରତ ।

ତେବେ ରବିବାର ଖେଳାଯାଇଥିବା ହାଇଭୋଲ୍ଟେଜ୍ ମ୍ୟାଚରେ କ୍ୱାର୍ଟର ଫାଇନାଲ ଟିକେଟ୍ ହାତେଇ ପାରି ନଥିଲା ପାକିସ୍ତାନ ଦଳ । ସେହିପରି ଜର୍ମାନୀ ସେମାନଙ୍କର ଅନ୍ତିମ ଗ୍ରୁପ୍ ମ୍ୟାଚରେ ଇଜିପ୍ଟକୁ 11-0ରେ ପରାସ୍ତ କରି ଆର୍ଜେଣ୍ଟିନାଠାରୁ ଆଗରେ ଥିବା ପୁଲ୍ ଡିରେ ଟ୍ସ ସ୍ପଟ ହାତେଇଥିଲା । ଅନ୍ୟପଟେ ଆମେରିକାରୁ ବଡ ବ୍ୟବଧାନରେ ମାତ୍ ଦେଇଥିବା
ନେଦରଲ୍ୟାଣ୍ଡ ପୁଲ୍ ସି ଶୀର୍ଷ ସ୍ଥାନରେ ଲିଗ୍ ପର୍ୟ୍ୟୟ ସମାପ୍ତ କରିଥିଲା ।