ICCର ଅଧ୍ୟକ୍ଷ ପଦ ପାଇଁ ନିର୍ବାଚନ ଲଢ଼ିପାରନ୍ତି ଜୟ ଶାହା
ବିସିସିଆଇର ସଚିବ ଜୟ ଶାହା ଆଇସିସି ଅଧ୍ୟକ୍ଷ ପଦ ଲାଗି ନିର୍ବାଚନରେ ଭାଗ ନେଇପାରନ୍ତି । ନଭେମ୍ବର ମାସରେ ଆଇସିସି ଅଧ୍ୟକ୍ଷ ପଦ ଲାଗି ନିର୍ବାଚନରେ ହେବ ।
ଯଦି ଭବିଷ୍ୟତରେ ଜୟ ଶାହା ନିର୍ବାଚନ ଲଢୁଛନ୍ତି । ତେବେ ତାଙ୍କର ବିଜୟ ଏକପ୍ରକାର ସୁନିଶ୍ଚିତ । ଏହାସହିତ ଜୟ ଶାହା ବିସିସିଆଇ ଏବଂ ଏସିସି ପଦରୁ ଇସ୍ତଫା ଦେବେ । କାହିଁକି ନା ଆଇସିସି ଅଧ୍ୟକ୍ଷ ପଦ ଏକ ସ୍ୱତନ୍ତ୍ର ।
ବିସିସିଆଇ ସଚିବ ଜୟ ଶାହା ବର୍ତ୍ତମାନ୍ ଏସିଆନ୍ କ୍ରିକେଟ୍ କାଉନସିଲ୍ (ACC)ର ଅଧ୍ୟକ୍ଷ ଅଛନ୍ତି । ଚଳିତବର୍ଷ ACCର ଏଜିଏମ୍ ବୈଠକ ଇଣ୍ଡୋନେସିଆରେ ହେବାକୁ ଯାଉଛି । ଯେଉଁଥିରେ ଜୟ ଶାହା ଆଇସିସିର ଅଧ୍ୟକ୍ଷ ପଦ ଲଢିବା ଉପରେ ଚର୍ଚ୍ଚା ହେବାର ସମ୍ଭାବନା ରହିଛି । ଯଦି ଆଲୋଚନା ସଫଳ ହୁଏ । ତେବେ ଜୟ ଶାହା ଏସିସିର ଅଧ୍ୟକ୍ଷରୁ ଇସ୍ତଫା ଦେବେ ଏବଂ ଆଗାମୀ ନଭେମ୍ବରରେ ହେବାକୁ ଥିବା ଆଇସିସିର ମୁଖ୍ୟ ପଦ ଲାଗି ନାମାଙ୍କନ ଭରିବେ ।
ସୂଚନାଯୋଗ୍ୟ ଯେ, ନଭେମ୍ବର ୨୦୨୨ରେ ହୋଇଥିବା ନିର୍ବାଚନରେ ଗ୍ରେଗ୍ ଓ୍ୱାର୍କେଲ ବିଜୟୀ ହୋଇଥିଲେ । ଏହାସହିତ ଆଇସିସିର ନୂତନ ଅଧ୍ୟକ୍ଷ ଭାବେ ଦାୟିତ୍ୱ ସମ୍ଭାଳିଥିଲେ । ଗ୍ରେଗ୍ଙ୍କ କାର୍ଯ୍ୟକାଳ ଆସନ୍ତା ନଭେମ୍ବରରେ ଶେଷ ହେଉଛି । ତେଣୁ ତାପୂର୍ବରୁ ନୂତନ ଭାବେ ନିର୍ବାଚନ ହୋଇ ନୂଆ ଅଧ୍ୟକ୍ଷ ଚୟନ କରାଯିବାର ନିୟମ ରହିଛି ।
ସେପଟେ ଇଂଲଣ୍ଡ ବିପକ୍ଷ ପ୍ରଥମ ଟେଷ୍ଟରେ ଭାରତୀୟ ଦଳକୁ ୨୮ ରନରେ ପରାଜୟର ସମ୍ମୁଖୀନ ହେବାକୁ ପଡିଥିଲା । ଏହି ବିଜୟ ପରେ ଇଂଲଣ୍ଡ ସିରିଜରେ ୧-୦ ରେ ଆଗୁଆ ରହିଛି । ଏଭଳି ପରିସ୍ଥିତିରେ ଭାରତ ବଡ଼ ବ୍ୟବଧାନରେ ଦ୍ୱିତୀୟ ଟେଷ୍ଟ ଜିତିବାକୁ ନଜର ରଖିବ । ଏଥିପାଇଁ ଅଧିନାୟକ ରୋହିତ ଶର୍ମା ଖେଳ ଏକାଦଶରେ ବଡ଼ ପରିବର୍ତ୍ତନ କରିପାରିବେ ।
ଦ୍ୱିତୀୟ ଟେଷ୍ଟ ପାଇଁ ଭାରତର ଏକାଦଶ: ରୋହିତ ଶର୍ମା (ଅଧିନାୟକ), ଯଶସ୍ୱୀ ଜୟସୱାଲ, ସରଫରାଜ ଖାନ, ରଜତ ପାଟିଦାର, ଶ୍ରେୟସ୍ ଆୟର, କେ.ଏସ୍ ଭରତ, ଆର ଅଶ୍ୱିନ୍, ଅକ୍ସର ପଟେଲ, ଜସପ୍ରୀତ ବୁମରା, ମହମ୍ମଦ ସିରାଜ, ୱାଶିଂଟନ୍ ସୁନ୍ଦର
Click it and Unblock the Notifications
Sign in with Google