Ind vs Eng: ମାଇଲ ଖୁଣ୍ଟ ଅତିକ୍ରମ କଲେ ଇଶାନ୍ତ ଶର୍ମା
ଇଶାନ୍ତ ଶର୍ମା 300 ଟେଷ୍ଟ ୱିକେଟ୍ ନେଇ ଟେଷ୍ଟ ସ୍ପେସାଲିଷ୍ଟଙ୍କ ଏଲିଟ କ୍ଲବରେ ସାମିଲ ହୋଇଛନ୍ତି ।
ଚେନ୍ନାଇ: ସ୍ଥାନୀୟ ଏମ ଚିଦାମ୍ୱରମ ଷ୍ଟାଡିମୟରେ ଚାଲିଥିବା ଭାରତ ବନାମ ଇଂଲଣ୍ଡ ଟେଷ୍ଟ ସିରିଜର ପ୍ରଥମ ମ୍ୟାଚରେ ଏକ ନୂଆ କୀର୍ତ୍ତିମାନ ରଚିଛନ୍ତି ଭାରତୀୟ ଦୃତ ବୋଲର ଇଶାନ୍ତ ଶର୍ମା । ସେ 300 ଟେଷ୍ଟ ୱିକେଟ୍ ନେଇ ଟେଷ୍ଟ ସ୍ପେସାଲିଷ୍ଟଙ୍କ ଏଲିଟ କ୍ଲବରେ ସାମିଲ ହୋଇଛନ୍ତି ।
ରେଡ-ବଲ କ୍ରିକେଟରେ ଷଷ୍ଠ ଭାରତୀୟ ବୋଲର ଭାବେ ସେ ଏହି ମାଇଲ ଖୁଣ୍ଟ ଅତିକ୍ରମ କରିଛନ୍ତି । ଆଜି ମ୍ୟାଚରେ ଇଶାନ୍ତ ଇଂଲଣ୍ଡର ଦ୍ୱିତୀୟ ଇନିଂସର 16 ତମ ଓଭରରେ ଇଂଲଣ୍ଡ ବ୍ୟାଟ୍ସମ୍ୟାନ୍ ଡାନ ଲରେନ୍ସଙ୍କୁ ଆଉଟ କରି ଏହି ସଫଳତା ହାସଲ କରିଛନ୍ତି । ତେବେ ଏମିତି କରିବାରେ ସେ କେବଳ 3ୟ ଭାରତୀୟ ଦୃତ ବୋଲର ହୋଇଛନ୍ତି । ଆଉ ସବୁଠି ଧିମା ବୋଲର ଭାବେ ସେ ଏହି ରେକର୍ଡ କରିଛନ୍ତି ।
3️⃣0️⃣0️⃣ 🎆
Congratulations @ImIshant. He becomes the third Indian fast bowler to take 300 Test wickets. He traps Lawrence in the front as England lose their third wicket. #TeamIndia #INDvENG pic.twitter.com/fgKJnae4nm
— BCCI (@BCCI) February 8, 2021
ପୂର୍ବତନ ଲେଗ ସ୍ପିନର ଅନିଲ କୁମ୍ବଲେ (619) କପିଲ ଦେବ (434), ହରଭଜନ ସିଂ (417), ରବିଚନ୍ଦ୍ରନ ଅଶ୍ୱିନ (382), ଜାହିର ଖାନ (311) ଏହି ତାଲିକାରେ ପୂର୍ବରୁ ସାମିଲ ଅଛନ୍ତି । ପିଠିରେ ଆଘାତ ହେତୁ ଅଷ୍ଟ୍ରେଲିୟ ଗସ୍ତରୁ ବଞ୍ଚିତ ହେବା ପରେ ଇଶାନ୍ତ ଏହି ସିରିଜ୍ ପାଇଁ ଟେଷ୍ଟ ଦଳକୁ ଫେରିଥିଲେ । ସେହିପରି ସେ ଆଇପିଏଲ୍ 2020 ରେ ଦିଲ୍ଲୀ ରାଜଧାନୀ ପାଇଁ କେବଳ ଗୋଟିଏ ମ୍ୟାଚ୍ ଖେଳିଥିଲେ।
Click it and Unblock the Notifications
Sign in with Google