ଦୁଇ ମାସ ନୁହେଁ, ଏଣିକି ଅଢେଇ ମାସ ଚାଲିବ ଆଇପିଏଲ ଟୁର୍ଣ୍ଣାମେଣ୍ଟ
ଚଳିତ ବର୍ଷଠାରୁ ଇଣ୍ଡିଆନ୍ ପ୍ରିମିୟର ଲିଗର କାର୍ଯ୍ୟସୂଚୀ ବିସ୍ତାର ହେବାକୁ ଯାଉଛି । ଆଇପିଏଲ 2022 (IPL 2022) ରେ, 10ଟି ଦଳ ଅଂଶଗ୍ରହଣ କରିଥିଲେ ଏବଂ ନୂତନ ଦଳ ଗୁଜୁରାଟ ଟାଇଟାନ୍ସ ଟାଇଟଲ୍ ଜିତିଥିଲା ।
ମୁମ୍ବାଇ: ଚଳିତ ବର୍ଷଠାରୁ ଇଣ୍ଡିଆନ୍ ପ୍ରିମିୟର ଲିଗର କାର୍ଯ୍ୟସୂଚୀ ବିସ୍ତାର ହେବାକୁ ଯାଉଛି । ଆଇପିଏଲ 2022 (IPL 2022) ରେ, 10ଟି ଦଳ ଅଂଶଗ୍ରହଣ କରିଥିଲେ ଏବଂ ନୂତନ ଦଳ ଗୁଜୁରାଟ ଟାଇଟାନ୍ସ ଟାଇଟଲ୍ ଜିତିଥିଲା ।
10ଟି ଦଳର ଆଗମନ ହେତୁ ବର୍ତ୍ତମାନ ଆଇପିଏଲ୍ ମ୍ୟାଚରେ ବୃଦ୍ଧି ଘଟିବ ଏବଂ କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) ସଚିବ ଜୟ ଶାହା ନିଜର ରଣନୀତି ପ୍ରକାଶ କରି କହିଛନ୍ତି ଯେ, ସେ ଅଢେଇ ମାସର ୱିଣ୍ଡୋ ଉପରେ ବିଚାର କରୁଛନ୍ତି। ଆଇପିଏଲ ବିଷୟରେ ଆଇସିସି ସହିତ କଥା ସରିଛି । ବିସିସିଆଇ ଦ୍ବାରା ଏହା ଗ୍ରହଣ କରାଯାଇଛି ଏବଂ ଆଇପିଏଲ୍ ପାଇଁ ଭବିଷ୍ୟତ କାର୍ଯ୍ୟକ୍ରମରେ ଏକ ବିସ୍ତୃତ ୱିଣ୍ଡୋ ଦିଆଯାଇଛି । ଯାହା ଦ୍ବାରା ଅଧିକରୁ ଅଧିକ ଆନ୍ତର୍ଜାତୀୟ କ୍ରିକେଟର ଏହି ଲିଗରେ ଖେଳିପାରିବେ।
ପରବର୍ତ୍ତୀ ଋତୁରୁ, ଆଇପିଏଲ୍ ଅଢେଇ ମାସର ଲିଗ୍ ହେବ । ଏଥିପାଇଁ ଅନୁମୋଦନ ଦିଆଯାଇଛି। ଆଇପିଏଲ ସାଧାରଣତ ମାର୍ଚ୍ଚର ଶେଷ ସପ୍ତାହ ଏବଂ ଏପ୍ରିଲ୍ ଆରମ୍ଭରୁ ଆରମ୍ଭ ହୋଇ ମେ'ର ଶେଷ ସପ୍ତାହ କିମ୍ବା ଜୁନ୍ ପ୍ରଥମ ସପ୍ତାହ ପର୍ଯ୍ୟନ୍ତ ଚାଲିଥାଏ । ଏବେ ଏହାର ସମୟ ସ୍ଲଟ୍ ଦୁଇ ସପ୍ତାହ ବୃଦ୍ଧି କରାଯାଇଛି ।
ଆଇସିସିର ଏକ ନୂତନ FTP ପ୍ରାୟ ଚୂଡାନ୍ତ ହୋଇସାରିଛି । ଏଥିରେ ନୂତନ ପରିବର୍ତ୍ତନ ବିଷୟରେ ସୂଚନା ଦିଆଯାଇଛି । ଅନ୍ତର୍ଜାତୀୟ କ୍ରିକେଟ୍ ମେ 2023 ରୁ ଏପ୍ରିଲ୍ 2027 ମଧ୍ୟରେ ଖେଳାଯିବ । ଯାହାକୁ ଦୁଇ ଭାଗରେ ବିଭକ୍ତ କରାଯାଇଛି - ବିଶ୍ୱ ଟେଷ୍ଟ ଚାମ୍ପିଅନସିପ୍ ଏବଂ ସୀମିତ ଓଭର ଦ୍ୱିପାକ୍ଷିକ ସିରିଜ୍ । କିନ୍ତୁ ସେମାନଙ୍କ ମଧ୍ୟରେ ବ୍ୟବଧାନରେ ପ୍ରତିବର୍ଷ ମାର୍ଚ୍ଚର ଶେଷ ସପ୍ତାହ ଏବଂ ଜୁନ୍ ପ୍ରଥମ ସପ୍ତାହର ୱିଣ୍ଡୋ ଆଇପିଏଲ୍ ପାଇଁ ସ୍ଥିର କରାଯାଇଛି । ପରବର୍ତ୍ତୀ ଚାରି ବର୍ଷ ମଧ୍ୟରେ ଏହି ସମୟ ମଧ୍ୟରେ ବହୁତ କମ୍ ଆନ୍ତର୍ଜାତୀୟ କ୍ରିକେଟ୍ କାର୍ଯ୍ୟକ୍ରମ ରଖାଯାଇଛି ।
ଏଥର ମଧ୍ୟ 10ଟି ଦଳ ଖେଳିବେ । 10 ଟି ଦଳ ହେତୁ ଆଇପିଏଲ୍ 2022 ରେ ମୋଟ 74 ଟି ମ୍ୟାଚ୍ ଖେଳାଯାଇଥିଲା । ବିସିସିଆଇ ଆସନ୍ତା ପାଞ୍ଚ ବର୍ଷ ପାଇଁ ଆଇପିଏଲ୍ ମିଡିଆ ଅଧିକାର ନିଲାମ କରିଛି। ଏହି ସମୟରେ ବିସିସିଆଇ ମ୍ୟାଚ୍ ସଂଖ୍ୟା ବିଷୟରେ କହିଥିଲା। 2023 ଏବଂ 24 ରେ 74 ଟି ମ୍ୟାଚ୍ ଖେଳାଯିବ ବୋଲି ବିସିସିଆଇ କହିଛି । ଏଥି ସହିତ 2025 ଏବଂ 26 ରେ 84 ଟି ମ୍ୟାଚ୍ ଖେଳାଯିବ । 2027 ରେ ଆଇପିଏଲରେ 94 ଟି ମ୍ୟାଚ୍ ଖେଳାଯିବ ।
Click it and Unblock the Notifications
Sign in with Google