IPL Mega Auction: କେଉଁ ଦଳକୁ ଗଲେ କେଉଁ ଖେଳାଳି, ପ୍ରଥମ ଦିନର ଲିଷ୍ଟ

Published: Monday, November 25, 2024, 14:28 [IST]

IPL ମହାନିଲାମୀର ପ୍ରଥମ ଦିନରେ ଅନେକ ରେକର୍ଡ । ବିଦେଶୀ ଖେଳାଳିଙ୍କ ବଦଳରେ ଭାରତୀୟ ଖେଳାଳିଙ୍କୁ ଦଳରେ ସାମିଲ କରାଇବାକୁ ଜୋର୍ ଲଗାଇଥିଲେ ଫ୍ରାଞ୍ଚାଇଜି । ଫଳରେ ସର୍ବକାଳୀନ ରେକର୍ଡ କରି ଲକ୍ଷ୍ନୌ ସୁପରଜାଏଣ୍ଟସରେ ସାମିଲ ହୋଇଛନ୍ତି ଋଷଭ ପନ୍ତ । ସେ ୨୭ ଟଙ୍କାରେ ଦଳରେ ସାମିଲ ହୋଇଛନ୍ତି । ସେହିଭଳି ପଞ୍ଜାବ କିଙ୍ଗ୍ସ ଶ୍ରେୟସ ଆୟରଙ୍କୁ ଦଳରେ ସାମିଲ କରିଛି ।

ସବୁଠୁ ଦାମୀ ଖେଳାଳି ପନ୍ତ-

ଭାରତୀୟ ବିସ୍ଫୋରକ, ଷ୍ଟାଇଲିସ୍ ତଥା ଷ୍ଟାର ଓ୍ବିକେଟ ବ୍ୟାଟର ରିଷଭ ପନ୍ତ ଆଜିର ଆଇପିଏଲ୍ ନିଲାମୀରେ 27 କୋଟିରେ ଲକ୍ଷ୍ନୌ ଟିମକୁ ବିକ୍ରି ହୋଇଛନ୍ତି । ଫଳରେ ପନ୍ତ ଆଇପିଏଲ ଇତିହାସରେ ସବୁଠୁ ଦାମୀ ଖେଳାଳି ଭାବେ ଉଭା ହୋଇଛନ୍ତି । ଆଜି ସାଉଦି ଆରବର ଜେଦାହରେ ଚାଲିଛି ଆଇପିଏଲ 2025 ମେଗା ଅକ୍ସନ ।

ଆୟର ଦ୍ବିତୀୟ ସବୁଠୁ ଦାମୀ ଖେଳାଳି-

ପନ୍ତଙ୍କ ପୂର୍ବରୁ ଆଇପିଏଲର ସବୁଠୁ ଦାମୀ ଖେଳାଳି କିଛି ସମୟ ପାଇଁ ହୋଇଥିଲେ ଶ୍ରେୟସ ଆୟାର । ତାଙ୍କୁ ପଞ୍ଜାବ କିଙ୍ଗ୍ସ 26.75 କୋଟି ଟଙ୍କାରେ କିଣିଛି । ଗତ ଥର ଆଇପିଏଲରେ ଆୟର କ୍ୟାପଟେନ ଭାବେ କେକେଆରକୁ ବିଜୟୀ କରିଥିଲେ । ଏହା ପୂର୍ବରୁ ସବୁଠୁ ଦାମି ଖେଳାଳି ଥିଲେ ଅଷ୍ଟ୍ରେଲିଆର ଷ୍ଟାର ବୋଲର ମିଚେଲ ଷ୍ଟାର୍କ । ତାଙ୍କୁ ଗତଥର କେକେଆର 24.75 କୋଟିରେ କିଣିଥିଲା । ତେବେ ଦିଲ୍ଲୀ କ୍ୟାପିଟାଲ୍ସ ପନ୍ତଙ୍କୁ ଛାଡିବା ପରେ ପନ୍ତଙ୍କୁ ବର୍ତ୍ତମାନ କିଣିଛି ଲକ୍ଷ୍ନୌ ।

ନିଲାମୀ ସ୍ଥାନ ଏବଂ ପ୍ରକ୍ରିୟା-

ଦୁଇ ଦିନ ଧରି ସାଉଦି ଆରବର ଜେହାଦରେ ଚାଲିବ ଭାରତୀୟ ପ୍ରିମିୟର ଲିଗ ଆଇପିଏଲ 2025ର ମେଗା ନିଲାମୀ । ଯେଉଁଥିରେ 577 ଖେଳାଳିଙ୍କ ଲାଗିବ ନିଲାମୀ ବୋଲି । 367 ଜଣ ଭାରତୀୟ ଖେଳାଳି ଏବଂ 210 ଜଣ ବିଦେଶୀ ଖେଳାଳି ମେଗା ଅକ୍ସନରେ ସାମିଲ ହେବେ ।

ତେବେ ସମୁଦାୟ 1577 ଜଣ ଖେଳାଳି ଆଇପିଏଲ 2025 ମେଗା ଅକ୍ସନରେ ସାମିଲ ହେବା ପାଇଁ ପଞ୍ଜିକରଣ କରିଥିଲେ । ଏପଟେ 10 ଟିମ୍ ପାଖରେ ସାମୁହିକ ଭାବେ ରହିଛି 204ଟି ଖାଲି ସ୍ଲଟ୍ । ଏଥିରେ 70 ଜଣ ବିଦେଶୀ ଖେଳାଳିଙ୍କ ପାଇଁ ସ୍ଲଟ୍ ଖାଲି ରହିଛି ।