IPL 2025: ରାହୁଲଙ୍କୁ କୋହଲି ଶକ୍ତ ଜବାବ, କହିଲେ,'ଦିସ୍ ଇଜ୍ ମାଇ ଗ୍ରାଉଣ୍ଡ'

ରବିବାର ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ଖେଳାଯାଇଥିବା ଆଇପିଏଲ ୨୦୨୫ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଦିଲ୍ଲୀ କ୍ୟାପିଟାଲ୍ସକୁ ୬ ୱିକେଟରେ ପରାସ୍ତ କରିଛି। ୧୬୩ ରନର ପିଛା କରୁଥିବା ସମୟରେ ବିରାଟ କୋହଲି ୪୭ ବଲରୁ ୫୧ ରନ କରିଥିଲେ ଏବଂ କୃଣାଲ ପାଣ୍ଡ୍ୟା (୪୭ ବଲରୁ ୭୩ ରନ) ସହିତ ଚତୁର୍ଥ ୱିକେଟ ପାଇଁ ୧୧୯ ରନ ଯୋଡିଥିଲେ। କ୍ରିଜରେ ରହିବା ସମୟରେ କୋହଲି ୪ଟି ଚୌକା ମାରିଥିଲେ। ଆଇପିଏଲ ୨୦୨୫ରେ ଆରସିବିର ସପ୍ତମ ବିଜୟରେ ୫୧ ରନ କରିବା ପରେ, କୋହଲି କେଏଲ ରାହୁଲଙ୍କୁ 'ଦିସ୍ ଇଜ୍ ମାଇ ଗ୍ରାଉଣ୍ଡ' ସେଲିବ୍ରେସନ୍ ସହିତ ଚିଡ଼ାଇଥିଲେ।

କୋଟଲାରେ ଡିସି-ଆରସିବି ମ୍ୟାଚ୍ ସମାପ୍ତ ହେବା ପରେ ଇଣ୍ଟରନେଟରେ ଭାଇରାଲ ହେଉଥିବା ଏକ ଭିଡିଓରେ କୋହଲି ରାହୁଲଙ୍କ ସହ ଚାଟ୍ କରୁଥିବା ଏବଂ ତାଙ୍କ ଭାଇରାଲ ସେଲିବ୍ରେସନକୁ କପି କରୁଥିବାର ଦେଖିବାକୁ ମିଳୁଛି। ରବିବାର ଦିଲ୍ଲୀରେ ୫୧ ରନର ଇନିଂସ ଖେଳି କୋହଲିଙ୍କୁ IPL ୨୦୨୫ରେ ସର୍ବାଧିକ ରନ ସଂଗ୍ରହକାରୀଙ୍କ ତାଲିକାରେ ନମ୍ବର ୧ ସ୍ଥାନ ହାସଲ କରିବାରେ ସାହାଯ୍ୟ କରିଥିଲା। ଚଳିତ ବର୍ଷ RCB ପାଇଁ ୧୦ଟି ମ୍ୟାଚରେ କୋହଲି ୬ଟି ଅର୍ଦ୍ଧଶତକ ସହାୟତାରେ ୪୪୩ ରନ କରିଛନ୍ତି। ଅରେଞ୍ଜ କ୍ୟାପ୍ ଲିଡରବୋର୍ଡରେ ତାଙ୍କ ପରେ ମୁମ୍ବାଇ ଇଣ୍ଡିଆନ୍ସ ବ୍ୟାଟର ସୂର୍ଯ୍ୟକୁମାର ଯାଦବ ଅଛନ୍ତି। MI ପାଇଁ ୧୦ଟି ମ୍ୟାଚରେ ସୂର୍ଯ୍ୟ ମୋଟ ୪୨୭ ରନ ସଂଗ୍ରହ କରିଛନ୍ତି। ସୂଚନାଥାଉ କି, ଏପ୍ରିଲ ୧୦ ତାରିଖରେ ବେଙ୍ଗାଲୁରୁର ଏମ୍ ଚିନ୍ନାସ୍ୱାମୀ ଷ୍ଟାଡିୟମରେ RCB-DC IPL 2025 ମ୍ୟାଚ୍ ପରେ, ରାହୁଲ 'ଦିସ୍ ଇଜ୍ ମାଇ ଗ୍ରାଉଣ୍ଡ' ସେଲିବ୍ରେସନ୍ କରିଥିଲେ ଏବଂ ଏହାର ଅନେକ ଭିଡିଓ ଇଣ୍ଟରନେଟରେ ଭାଇରାଲ ହୋଇଥିଲା।

RCB ଶୀର୍ଷରେ: ଫିରୋଜ ଶାହ କୋଟଲା ଗ୍ରାଉଣ୍ଡରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ବିଜୟ RCBକୁ IPL 2025 ପଏଣ୍ଟ ଟେବୁଲରେ ନମ୍ବର 1 ସ୍ଥାନ ହାସଲ କରିବାରେ ସାହାଯ୍ୟ କରିଥିଲା। ବେଙ୍ଗାଲୁରୁ-ଭିତ୍ତିକ ଫ୍ରାଞ୍ଚାଇଜ୍ ୧୦ ମ୍ୟାଚ୍ ପରେ ୧୪ ପଏଣ୍ଟ ପାଇଛି। ଯଦି ରଜତ ପତିଦାରଙ୍କ ଦଳ ସେମାନଙ୍କର ବାକି ଚାରୋଟି ମ୍ୟାଚ୍ ମଧ୍ୟରୁ ଅତି କମରେ ଗୋଟିଏ ଜିତି ନିଅନ୍ତି ତେବେ ସେମାନେ ଲଗାତାର ଦ୍ୱିତୀୟ ସିଜିନ୍ ପାଇଁ ପ୍ଲେଅଫ୍ ପାଇଁ ଯୋଗ୍ୟତା ଅର୍ଜନ କରିବା ନିଶ୍ଚିତ।

ରାହୁଲଙ୍କ ଫ୍ଲପ୍ ଶୋ-ରବିବାର ଦିନ RCB ବିପକ୍ଷରେ ରାହୁଲଙ୍କଠାରୁ ପ୍ରଶଂସକମାନେ ବହୁତ ଆଶା ରଖିଥିଲେ । କିନ୍ତୁ ୩୨ ବର୍ଷୀୟ ୱିକେଟକିପର-ବ୍ୟାଟସମ୍ୟାନ୍ ତାଙ୍କ ବ୍ୟାଟିଂରେ ପ୍ରଭାବିତ କରିପାରିଲେ ନାହିଁ। ସେ ୩୯ ବଲ୍ ସାମ୍ନା କରିଥିଲେ ଏବଂ ତିନୋଟି ଚୌକା ସାହାଯ୍ୟରେ ୪୧ ରନ୍ କରିଥିଲେ। ଯଦିଓ ରାହୁଲ କୋଟଲାରେ ତୃତୀୟ IPL 2025 ମ୍ୟାଚ୍ ରେ ଅକ୍ଷର ପଟେଲଙ୍କ ନେତୃତ୍ୱାଧୀନ ଦଳ ପାଇଁ ସର୍ବାଧିକ ସ୍କୋର କରିଥିଲେ । ସେ ଦ୍ରୁତ ଗତିରେ ରନ କରିବାରେ ବିଫଳ ହୋଇଥିଲେ ଯାହା ଅନ୍ୟ DC ବ୍ୟାଟରଙ୍କ ଉପରେ ଚାପ ସୃଷ୍ଟି କରିଥିଲା । ଫଳସ୍ୱରୂପ, ସେମାନେ ମଧ୍ୟ ବଡ଼ ରନ କରିବାରେ ବିଫଳ ହୋଇଥିଲେ।