ଆଇପିଏଲ୍ ୨୦୨୪: ଶୁଭମାନ ଗିଲ ହେଲେ ଗୁଜୁରାଟ ଟାଇଟାନ୍ସର ଅଧିନାୟକ, ମୁମ୍ୱାଇରେ ହାର୍ଦ୍ଦିକ
ଗୁଜୁରାଟ ଟାଇଟାନ୍ସ ଦଳ ଆଇପିଏଲ୍ ୨୦୨୪ ପାଇଁ ନୂତନ ଅଧିନାୟକ ଘୋଷଣା କରିଛି । ଭାରତୀୟ ଦଳର ଯୁବ ଓପନିଂ ବ୍ୟାଟ୍ସମ୍ୟାନ୍ ଶୁବମାନ ଗିଲଙ୍କୁ ଗୁଜୁରାଟ ଟାଇଟାନ୍ସର ନୂତନ ଅଧିନାୟକ ଘୋଷିତ କରାଯାଇଛି । ୨୦୨୪ ଆଇପିଏଲରେ ଶୁଭମାନ ଗିଲ ଗୁଜୁରାଟର ଅଧିନାୟକ ନଜର ଆସିବେ । ଶୁଭମାନ ଗିଲଙ୍କ ପୂର୍ବରୁ ଗୁଜୁରାଟ ଟାଇଟାନ୍ସର ଅଧିନାୟକତ୍ଵ ହାର୍ଦ୍ଦିକ ପାଣ୍ଡ୍ୟାଙ୍କ ହାତରେ ଥିଲେ । ହାର୍ଦ୍ଦିକ ପାଣ୍ଡ୍ୟା ତାଙ୍କ ଅଧିନାୟକତ୍ୱରେ ଗୁଜୁରାଟ ଟାଇଟାନ୍ସକୁ ଥରେ ଚାମ୍ପିୟନ କରିବାର ସଫଳତା ହାସଲ କରିଛନ୍ତି ।
ଶୁଭମାନ ଗିଲ ନୂତନ ଅଧିନାୟକ ହୋଇଛନ୍ତି: ହାର୍ଦ୍ଦିକ ପାଣ୍ଡ୍ୟା ଟ୍ରେଡ ହେବା ପରେ ମୁମ୍ବାଇ ଇଣ୍ଡିଆନସ ଯାଇଛନ୍ତି । ମୁମ୍ବାଇ ଯିବା ପରେ ଗୁଜୁରାଟ ଟାଇଟାନ୍ସ ଦଳ ଶୁଭମାନ ଗିଲଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରିଛନ୍ତି । ପାଣ୍ଡ୍ୟାଙ୍କୁ ନେଇ ଚାରିଆଡୁ ଆଲୋଚନା ଚାଲିଥିଲା। ୨୭ ନଭେମ୍ବରରେ ଗୁଜୁରାଟ ଟାଇଟନସ ଦଳ ନିଶ୍ଚିତ କରିଛନ୍ତି ଯେ ହାର୍ଦ୍ଦିକ ପାଣ୍ଡ୍ୟା ସେମାନଙ୍କ ଦଳର ଅଂଶ ନୁହଁନ୍ତି ।
ଗୁଜୁରାଟ ପାଣ୍ଡ୍ୟାଙ୍କୁ ହରାଇବ: ଗୁଜୁରାଟ ଟାଇଟାନ୍ସ ଦଳ ନିଶ୍ଚିତ ଭାବେ ଏହାର ମ୍ୟାଚ୍ ବିଜେତା ଖେଳାଳିଙ୍କୁ ହରାଇବ । ଉଭୟ ବଲ ଏବଂ ବ୍ୟାଟ୍ ସହ ହାର୍ଦ୍ଦିକ ପାଣ୍ଡ୍ୟା ଦଳ ପାଇଁ ଗୁରୁତ୍ୱପୂର୍ଣ୍ଣ ଅବଦାନ ଦେଇଛନ୍ତି । ଅଧିନାୟକ ଭାବରେ ତାଙ୍କର ରେକର୍ଡ ମଧ୍ୟ ଉତ୍କୃଷ୍ଟ ହୋଇଛି । ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ ଗୁଜୁରାଟ ଟାଇଟାନ୍ସ ଦଳ ଥରେ ଟାଇଟଲ ଜିତିବାରେ ସଫଳ ହୋଇଥିଲା ଏବଂ ଦ୍ୱିତୀୟ ଥର ଫାଇନାଲରେ ପ୍ରବେଶ କରିଥିଲା। ଗୁଜୁରାଟ ଟାଇଟାନ୍ସ ଦଳ ବର୍ତ୍ତମାନ ହାର୍ଦ୍ଦିକ ପାଣ୍ଡ୍ୟାଙ୍କ ସ୍ଥାନରେ ଏକ ନୂଆ ଅଲରାଉଣ୍ଡର ଖୋଜିବ ।
ମୁମ୍ବାଇର ଶକ୍ତି ଦ୍ୱିଗୁଣିତ ହୋଇଛି: ଅନ୍ୟପଟେ ମୁମ୍ବାଇ ଇଣ୍ଡିଆନ୍ସ ଦଳରେ ହାର୍ଦ୍ଦିକ ପାଣ୍ଡ୍ୟାଙ୍କ ଆଗମନ ସହିତ ଦଳର ଶକ୍ତି ବୃଦ୍ଧି ପାଇଛି। ମଧ୍ୟମ କ୍ରମରେ ବ୍ୟାଟିଂ କରିବା ସହିତ ହାର୍ଦ୍ଦିକ ପାଣ୍ଡ୍ୟା ବଲ ସହିତ ଚମତ୍କାର କରିବେ। ପାଣ୍ଡ୍ୟା ମୁମ୍ବାଇ ଇଣ୍ଡିଆନ୍ସଙ୍କ ସହ ଆଇପିଏଲ୍ କ୍ୟାରିଅର୍ ଆରମ୍ଭ କରିଥିଲେ । ସେ ପୁଣି ଥରେ ମୁମ୍ବାଇ ଇଣ୍ଡିଆନ୍ସକୁ ଫେରିଛନ୍ତି। ମୁମ୍ବାଇ ଇଣ୍ଡିଆନ୍ସ ଦଳ ହାର୍ଦ୍ଦିକ ପାଣ୍ଡ୍ୟାଙ୍କ ପାଇଁ ବଡ ଟଙ୍କା ଖର୍ଚ୍ଚ କରିଛି । ହାର୍ଦ୍ଦିକ ପାଣ୍ଡ୍ୟା ମୁମ୍ବାଇ ଆସିବା ସହିତ ଦଳର ସନ୍ତୁଳନ ବହୁତ ଭଲ ଦେଖାଯାଉଛି ।
Click it and Unblock the Notifications
Sign in with Google