ଆଇପିଏଲ 2023: କଷି ଦେଲେ କନୱେ, ବିଶାଳ ବିଜୟ ଲକ୍ଷ୍ୟ ଠିଆ କଲା CSK
IPL 2023, RCB vs CSK: ଇଣ୍ଡିଆନ ପ୍ରିମିୟର ଲିଗର ଚଳିତ ସଂସ୍କରଣର 24ତମ ମୁକାବିଲାରେ ବିଶାଳ ବିଜୟ ଲକ୍ଷ୍ୟ ଠିଆ କଲା ଧୋନିଙ୍କ ଚେନ୍ନାଇ । ଓପନର ଡେଭିନ କନୱେଙ୍କ ଧମାକେଦାର୍ 83 ରନର ପାଳି ଓ ଯୁବ ଅଲରାଉଣ୍ଡର ଶିବମ୍ ଦୁବେଙ୍କ ଅର୍ଦ୍ଧଶତକ ବଳରେ ନିର୍ଦ୍ଧାରିତ 20 ଓଭରରେ 6 ୱିକେଟ୍ ହରାଇ 226 ରନ ସ୍କୋର କରିଛି ଚେନ୍ନାଇ ସୁପର କିଙ୍ଗ୍ସ ।
ଏହି ମ୍ୟାଚରେ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ ଆରସିବି ଅଧିନାୟକ ଫାଫ୍ ଡୁପଲେସିସ୍ । ଫଳରେ ବ୍ୟାଟିଂ ପ୍ରଥମ ଆମନ୍ତ୍ରଣ ପାଇଥିବା ସିଏସକେ ଭଲ ଆରମ୍ଭ କରିଥିଲା । ଋତୁରାଜ ଗାଇକ୍ୱାର୍ଡ ଶୀଘ୍ର ପାଭିଲିୟନ ଫେରିବା ପରେ ବିସ୍ଫୋରକ ଇଂନିସ୍ ଆରମ୍ଭ କରିଥିଲେ ଅନ୍ୟତମ ଓପନର ଡେଭିନ୍ କନୱେ ଓ ଆଜିଙ୍କ୍ୟ ରାହାଣେ । କନୱେ 45 ବଲରୁ 6 ଛକା ଓ 6 ଚୌକା ସହ ଦୃତ 83 ରନ୍ ସ୍କୋର କରିଥିଲେ ।
ସେହିପରି CSK ପାଇଁ ତିନି ନମ୍ବରରେ ବ୍ୟାଟିଂ କରିବାକୁ ଆସିଥିବା ଅଜିଙ୍କ୍ୟ ରାହାଣେ ତୋଫାନି ପାଳି ଖେଳିଥିଲେ । ସେ 2ଟି ଛକା ଓ 2 ଚୌକା ସହାୟତାରେ 38 ରନ୍ ସ୍କୋର କରିଥିଲେ । ତେବେ ରାହାନେ ତାଙ୍କ ଅର୍ଦ୍ଧଶତକ ପୂରଣ କରିବା ପୂର୍ବରୁ ୱାନେନ୍ଦୁ ହସରାଙ୍ଗା ତାଙ୍କୁ ଆଉଟ୍ କରିଥିଲେ ।
ତେବେ ରାହାଣେଙ୍କ ପରେ ଡେଭିନ୍ କନୱେ ଏବଂ ଶିବମ୍ ଦୁବେ ସ୍କୋର ବୋର୍ଡକୁ ଦୃତ ଗତିରେ ଆଗକୁ ନେଇଥିଲେ । ଚେନ୍ନାଇ ସୁପର କିଙ୍ଗ୍ସକୁ 15 ଓଭର ପରେ 165 ରନ୍ ସ୍କୋର କରି ସାରିଥିଲା ।
କନୱେ ଏବଂ ଅଜିଙ୍କ୍ୟ ରାହାଣେଙ୍କ ପରେ ଶିବମ୍ ଦୁବେଙ୍କ 2 ଚୌକା ଓ 5 ଛକା ସହାୟତାରେ 27 ବଲରେ ଏକ ଚମତ୍କାର 52 ରନ୍ ସ୍କୋର କରିଥିଲେ ।
ତେବେ ଚେନ୍ନାଇ ସୁପର କିଙ୍ଗ୍ସକୁ 178 ରନ୍ ବେଳେ ଡୁବେଙ୍କ ଆକାରରେ ଚତୁର୍ଥ ଝଟକା ଲାଗିଥିଲା । 18 ତମ ଓଭରରେ 198 ସ୍କୋରରେ ଚେନ୍ନାଇ ସୁପର କିଙ୍ଗ୍ସ ଅମ୍ବାତି ରାଇଡୁଙ୍କ ରୂପରେ ପଞ୍ଚମ ଝଟକା ପାଇଥିଲେ । 6 ବଲରେ 14 ରନ୍ ସ୍କୋର କରିବା ପରେ ରାୟିଡୁ ଆଉଟ୍ ହୋଇଥିଲେ । ଫଳରେ ଏବେ RCB କୁ 227 ରନ୍ ଟାର୍ଗେଟ୍ ମିଲିଛି ।
Click it and Unblock the Notifications
Sign in with Google