ଆଇପିଏଲ 2023: ଏଥର ଜଲୱା ଦେଖାଇବେ ଏହି ପାଞ୍ଚ ଯୁବ ଖେଳାଳି

Updated: Monday, March 27, 2023, 22:03 [IST]

Five Young Players in IPL 2023: ଆଇପିଏଲ ମହାକୁମ୍ଭକୁ ଆଉ ମାତ୍ର କେଇଟା ଦିନ ବାକି । କୋଭିଡ଼ ମହାମାରୀର ବିଭିନ୍ନ ବାଧାବିଘ୍ନ ପରେ ଚଳିତ ବର୍ଷ ବହୁ ପ୍ରତୀକ୍ଷା ଅନ୍ତ ଘଟାଇ ସାରା ଦେଶରେ ଇଣ୍ଡିଆନ ପ୍ରିମିୟର ଲିଗର ଚଳିତ ସଂସ୍କରଣ (ଆଇପିଏଲ 2023) ଆରମ୍ଭ ହେବାକୁ ଯାଉଛି ।

ଭାରତରେ କ୍ରିକେଟ୍ ପର୍ବ ଭାବେ ପରିଗଣିତ ଆଇପିଏଲ 16ର ପ୍ରଥମ ମ୍ୟାଚ ଆସନ୍ତା ମାର୍ଚ୍ଚ 31 ଖେଳାଯିବ । ଚେନ୍ନାଇ ସୁପର କିଙ୍ଗ୍ସ ନରେନ୍ଦ୍ର ମୋଦୀ ଷ୍ଟାଡିୟମରେ ସିଜିନର ପ୍ରଥମ ମ୍ୟାଚରେ ଡିଫେଣ୍ଡିଂ ଚାମ୍ପିଅନ୍ସ ଗୁଜୁରାଟ ଟାଇଟାନ୍ସକୁ ଭେଟିବ । ମେ 28 ରେ ଆଇପିଏଲ ଫାଇନାଲ ଅନୁଷ୍ଠିତ ହେବ ।

ଆପଣ ଜାଣନ୍ତି କି, ଆଇପିଏଲର ଦୃଷ୍ଟିକୋଣ କଣ ? ଆଇପିଏଲ ଟ୍ରଫି ତଳେ ଲେଖା ହୋଇଥାଏ କଣ ? ଏଠି ଆମେ କହି ରଖୁ କି, ଆଇପିଏଲର ଦୃଷ୍ଟିକୋଣ ହେଉଛି 'ଯତ୍ର ପ୍ରତୀଭା ଅବସରା ପ୍ରପୋନ୍ନତିହିଃ', ଯାହାର ଅର୍ଥ ହେଉଛି 'ଯେଉଁଠାରେ ପ୍ରତିଭା ସୁଯୋଗ ସହ ମିଶେ ' ।

ତେବେ ଆଇପିଏଲର ଏହି ମହତ୍ୱକାଂକ୍ଷା ପ୍ରତି ସଂସ୍କରଣରେ ପୂରଣ ହୋଇଥାଏ । ଅର୍ଥାତ ପ୍ରତି ବର୍ଷ ଆଇପିଏଲରୁ ନୂଆ ନୂଆ ଯୁବ ପ୍ରତିଭାଙ୍କ ଆବିଷ୍କାର ହୋଇଥାଏ । ଗତ 15 ବର୍ଷ ମଧ୍ୟରେ ଆଇପିଏଲର ପ୍ରତିଟି ଋତୁରେ ପ୍ରତିଭାର ପ୍ରଚୁର ଆବିର୍ଭାବ ହୋଇଛି । ଆପଣ ଭାରତୀୟ ସ୍ପିଡ ଷ୍ଟାର ଜସପ୍ରୀତ ବୁମରାଙ୍କ କଥା କୁହନ୍ତୁ... କି 360 ସୂର୍ଯ୍ୟକୁମାର ଯାଦବଙ୍କ କଥା କୁହନ୍ତୁ । ଏହି ଖେଳାଳିମାନଙ୍କ ଭାଗ୍ୟ ଆଇପିଏଲ ହିଁ ଖୋଲିଛି । ଏହି ପରିଭାବେ ଚଳିତଥର ଚମକିବାକୁ ଥିବା ପାଞ୍ଚ ଜଣ ଭାରତୀୟ ଯୁବ ଖେଳାଳିଙ୍କ ବିଷୟରେ କଥା ହେବା....

1. ୟଶ ଧୁଲ୍ (ଦିଲ୍ଲୀ କ୍ୟାପିଟାଲ୍ସ)

ଗତ ବର୍ଷ ଦିଲ୍ଲୀ କ୍ୟାପିଟାଲ୍ସ ୟଶ ଧୁଲଙ୍କୁ ମିନି ଅକ୍ସନରେ କିଣିଥିଲା । କିନ୍ତୁ ସେ 2022 ମସିହାରେ ଗୋଟିଏ ବି ମ୍ୟାଚ ଖେଳି ନଥିଲେ । ଏହି ଯୁବ ତାରକା 2022 ମସିହାରେ ଭାରତକୁ ଅଣ୍ଡର-19 ବିଶ୍ୱକପ ଜିତାଇ ଥିଲେ । ଏତି ସହିତ ସେ ଚଳିତ ସିଜନରେ ଘରୋଇ କ୍ରିକେଟରେ ଭଲ ପ୍ରଦର୍ଶନ କରିଛନ୍ତି । ଧୁଲ୍ ତାଙ୍କ କ୍ୟାରିୟରରେ 8 ଟି-20 ଖେଳିଛନ୍ତି ଏବଂ ହାରାହାରି 72 ଏବଂ ଷ୍ଟ୍ରାଇକ୍ ହାର 131ରେ ମୋଟ୍ 363 ରନ୍ ସ୍କୋର କରିଛନ୍ତି ।

2. ହର୍ଷିତ ରାଣା (କୋଲକାତା ନାଇଟ୍ ରାଇଡର୍ସ)

ହର୍ଷିତ ରାଣା ହେଉଛନ୍ତି ଅନ୍ୟ ଜଣେ ଖେଳାଳି ଯିଏ ଆଇପିଏଲ ରେ ଦୁଇଟି ମ୍ୟାଚ ଖେଳିଛନ୍ତି । କିନ୍ତୁ ଏହି ସିଜନରେ ନିଜକୁ ପ୍ରତିଷ୍ଠିତ କରିବାର ଅଧିକ ସୁଯୋଗ ପାଇବେ ସେ । ଦିଲ୍ଲୀର ଜନ୍ମିତ ବୋଲର ଗତ ଦୁଇ ଋତୁରୁ କେକେଆର୍ ସହିତ ଅଛନ୍ତି ଏବଂ ଚଳିତ ସିଜନରେ ଘରୋଇ କ୍ରିକେଟରେ ସମସ୍ତଙ୍କୁ ପ୍ରଭାବିତ କରିଛନ୍ତି ।

ରଣଜୀ ଟ୍ରଫିରେ ସେ ଦିଲ୍ଲୀ ପାଇଁ 21 ୱିକେଟ୍ ନେଇଥିଲେ ଏବଂ ବ୍ୟାଟ୍ ସହିତ କିଛି ରନ୍ ସଂଗ୍ରହ କରିଥିଲେ । ଶିବମ ମାଭି କେକେଆର ଛାଡିବା ପରେ ରାଣାଙ୍କ ପାଖରେ ଏହି ସିଜନରେ ଭରପୁର ସୁଯୋଗ ରହିଛି । ତେବେ ଏହି 21 ବର୍ଷୀୟ ବୋଲର କେକେଆର୍ ପେସ୍ ଆଟାକ୍ ଲାଇନ ଅପରେ ଭେଟେରାନ୍ ଉମେଶ ଯାଦବଙ୍କ ସହ ବୋଲିଂ ଭାର ସମ୍ଭାଳିବେ ।

3. ବିଦୱାଥ କାଭେରପ୍ପା (ପଞ୍ଜାବ କିଙ୍ଗ୍ସ)

ନିଲାମରେ 20 ଲକ୍ଷ ମୂଲ୍ୟର କର୍ଣ୍ଣାଟକ ପେସ୍ ଷ୍ଟାର ବିଦୱାଥ କାଭେରାପ୍ପାଙ୍କୁ ପଞ୍ଜାବ କିଙ୍ଗ୍ସ କିଣିଥିଲା । ଗତ ବର୍ଷ ମାର୍ଚ୍ଚରେ ଡେବ୍ୟୁ ହେବା ଦିନଠାରୁ କାଭେରାପ୍ପାଙ୍କ ପ୍ରଦର୍ଶନ କେବଳ ଏକ ବୃଦ୍ଧି ପାଇ ଚାଲିଛି । ଗତ ସିଜନରେ ଟି-20 ଫର୍ମାଟରେ ଏହି ପେସ ଷ୍ଟାର୍ 18ଟି ୱିକେଟ୍ ନେଇଥିଲେ । ସେହିପରି ରଣଜୀ ଟ୍ରଫି ଚଳିତ ସିଜନରେ ସେ କର୍ଣ୍ଣାଟକ ପାଇଁ 30 ୱିକେଟ୍ ନେଇ ପଞ୍ଜାବ କିଙ୍ଗ୍ସକୁ ନିଶ୍ଚିତ ଭାବେ ଖୁସି କରି ଦେଇଛନ୍ତି । ନୂତନ ବଲ ସହିତ ୱିକେଟ୍ ଉଠାଇବାର କ୍ଷମତା ଏବଂ ଶୃଙ୍ଖଳିତ ଡେଥ୍ ବୋଲିଂ ତାଙ୍କୁ ଚଳିତ ବର୍ଷ ପଞ୍ଜାବ ଦଳ ପାଇଁ ଏକ ଶକ୍ତି କରିପାରେ ।

4. ସାଇ ସୁଦର୍ଶନ (ଗୁଜୁରାଟ ଟାଇଟାନ୍ସ)

ଗତ ବର୍ଷ ଗୁଜୁରାଟ ଟାଇଟାନ୍ସ ପାଇଁ ସାଇ ସୁଦର୍ଶନ ଆଇପିଏଲରେ ଏକ କେମୋ ଭୂମିକା ଗ୍ରହଣ କରିଥିଲେ। 21 ବର୍ଷୀୟ ବ୍ୟାଟ୍ସମ୍ୟାନ ପାଞ୍ଚଟି ମ୍ୟାଚ୍ ଖେଳିଥିଲେ ଏବଂ ସେହି ସୀମିତ ସଂଖ୍ୟକ ସୁଯୋଗରେ ମଧ୍ୟ ତାଙ୍କ କ୍ଲାସ୍ ଦେଖାଇ ଥିଲେ । ସେ ସେହି ପାଞ୍ଚଟି ମ୍ୟାଚରେ 145 ରନ୍ ସଂଗ୍ରହ କରିଥିଲେ ଏବଂ 65 ରନର ଚମତ୍କାର ଇଂନିସ ଖେଳିଥିଲେ। କିନ୍ତୁ ଏହି ବର୍ଷ ଖେଳାଳି ଅଧିକ ଶକ୍ତିଶାଳୀ ଏବଂ ସାଂଘାତିକ ହୋଇଛନ୍ତି । ସେ ଘରୋଇ ଲିଗରେ ତାମିଲନାଡୁ ସହିତ ଚମତ୍କାର ପ୍ରଦର୍ଶନ କରିଛନ୍ତି । ସେ ରଣଜୀ ଟ୍ରଫିରେ 572 ରନ୍ ସଂଗ୍ରହ କରିଛନ୍ତି ।

5. ଅଥର୍ଭ ଟାଇଡ୍ (ପଞ୍ଜାବ କିଙ୍ଗ୍ସ)

ଭାରତୀୟ କ୍ରିକେଟରେ ଅଥର୍ଭ ଟାଇଡ୍ ଆଉ ଏକ ଉଜ୍ଜ୍ୱଳ ଆଶା । ଏହି 22 ବର୍ଷିୟ ବିଦର୍ଭ ପାଇଁ ଘରୋଇ କ୍ରିକେଟରେ ଅନେକ ମ୍ୟାଚ ଖେଳିବା ସହ ଏକ ସୁନାମ ଅର୍ଜନ କରିଛନ୍ତି । ଗତ ବର୍ଷ ଆଇପିଏଲ 2022 ନିଲାମରେ ପଞ୍ଜାବ କିଙ୍ଗ୍ସ ତାଙ୍କୁ କ୍ରୟ କରିଥିଲା । ସେ ମୁଖ୍ୟତଃ ଜଣେ ବ୍ୟାଟ୍ସମ୍ୟାନ୍ କିନ୍ତୁ ତାଙ୍କ ବାମହାତୀ ସ୍ପିନ୍ ସହିତ ୱିକେଟ୍ ଉଠାଇବାର କ୍ଷମତା ରଖିଛନ୍ତି ।

ଟାଇଡ୍ ଟି-20 କ୍ରିକେଟରେ 120 ଷ୍ଟ୍ରାଇକ୍ ହାରରେ 741 ରନ୍ ସଂଗ୍ରହ କରିଛନ୍ତି ଏବଂ ମଧ୍ୟମ କ୍ରମରେ ବିଦର୍ଭଙ୍କ ପାଇଁ ଏକ ନିର୍ଭରଯୋଗ୍ୟ ବ୍ୟାଟ୍ସମ୍ୟାନ୍ ଭାବେ ପରିଗଣିତ ହୁଅନ୍ତି । ଜାନୁଆରୀରେ ସେ ପଞ୍ଜାବ ବିପକ୍ଷରେ ନିଜର ପ୍ରଥମ ରଣଜୀ ଶତକ ସଂଗ୍ରହ କରିଥିଲେ ଏବଂ ଘରୋଇ ଋତୁରେ ମଧ୍ୟ ଭଲ ପ୍ରଦର୍ଶନ କରିଥିଲେ ।