ଆଇପିଏଲ ଫାଇନାଲ: ମ୍ୟାଚ ସରିବା ପରେ ରାତି 3:30 ରେ ପୁଣି ଗ୍ରାଉଣ୍ଡକୁ ଆସିଥିଲେ ଧୋନି, ଜାଣନ୍ତୁ କାହିଁକି...

Updated: Tuesday, May 30, 2023, 23:10 [IST]

IPL 2023 , CSK vs GT Final: ଇଣ୍ଡିଆନ ପ୍ରିମିୟର ଲିଗ୍ 2023 ର ଫାଇନାଲ ମ୍ୟାଚରେ DLS ମେଥର୍ଡ଼ ଦ୍ୱାରା 5 ୱିକେଟରେ ଗୁଜୁରାଟ ଟାଇଟନ୍ସକୁ ପରାସ୍ତ କରି ପଞ୍ଚମଥର ପାଇଁ ଚାମ୍ପିୟନ ବନିଛି ଏମଏସ୍ ଧୋନିଙ୍କ ଚେନ୍ନାଇ ସୁପର କିଙ୍ଗ୍ସ । ତେବେ ମ୍ୟାଚ ସରିବାର ବହୁ ସମୟ ପରେ ଅର୍ଥାତ୍ ରାତି 3:30 ରେ ପୁଣି ଗ୍ରାଉଣ୍ଡକୁ ଆସିଥିଲେ ଧୋନି ।

ଅନ୍ତର୍ଜାତୀୟ କ୍ରିକେଟରୁ ଅବସର ନେବା ସତ୍ତ୍ୱେ ଧୋନି ଆଇପିଏଲରେ ନିଜର ଯାଦୁ ବିସ୍ତାର କରି ଚାଲିଛନ୍ତି । ତାଙ୍କ ଅଧିନାୟକତ୍ୱରେ ମହେନ୍ଦ୍ର ସିଂ ଧୋନି ପଞ୍ଚମ ଥର ପାଇଁ ଚେନ୍ନାଇ ସୁପର କିଙ୍ଗ୍ସକୁ ଆଇପିଏଲ୍ ଟାଇଟଲ୍ ଜିତାଇଛନ୍ତି । ଚେନ୍ନାଇ ଗୁଜୁରାଟ ଟାଇଟାନ୍ସ ବିପକ୍ଷରେ ପାଞ୍ଚ ୱିକେଟ୍ ଜିତି ଏକ ସ୍ମରଣୀୟ ବିଜୟ ହାସଲ କରିଛି । ଚେନ୍ନାଇର ଏହି ଅନ୍ତିମ ମ୍ୟାଚ୍ ଦୀର୍ଘ ସମୟ ଧରି ପ୍ରଶଂସକଙ୍କ ମନରେ ସତେଜ ରହିବ ।

କାରଣ ଧୋନିଙ୍କ କ୍ରେଜ୍ ଏପରି ଥିଲା ଯେ ମ୍ୟାଚ୍ ଶେଷ ହେବା ପରେ ମଧ୍ୟ ପ୍ରଶଂସକମାନେ ଷ୍ଟାଡିୟମରେ ରହିଥିଲେ । ଚେନ୍ନାଇର ଚାମ୍ପିୟନ ହେବା ପରେ ପ୍ରଶଂସକମାନେ ଷ୍ଟାଡିୟମରେ ଧୋନି-ଧୋନି ଚିତ୍କାର କରିଥିଲେ । ଏକ ଲକ୍ଷ 32 ହଜାର ଦର୍ଶକଙ୍କ କ୍ଷମତା ବିଶିଷ୍ଟ ନରେନ୍ଦ୍ର ମୋଦି ଷ୍ଟାଡିୟମରେ ଫାଇନାଲ ଦେଖିବା ପାଇଁ ବହୁ ସଂଖ୍ୟକ ଚେନ୍ନାଇ ପ୍ରଶଂସକ ଆସିଥିଲେ ।

ଚେନ୍ନାଇ ସୁପର କିଙ୍ଗ୍ସ ଏବଂ ଧୋନିଙ୍କ ପ୍ରଶଂସକମାନେ ବହୁ ଦୂରରୁ ବହୁ ଦିନ ଯାତ୍ରା କରିବା ପରେ ଫାଇନାଲ ମ୍ୟାଚ୍ ଦେଖିବା ପାଇଁ ଅହମ୍ମଦାବାଦରେ ପହଞ୍ଚିଥିଲେ । ତେବେ ବିଳମ୍ବିତ ରାତି ପ୍ରାୟ ସାଢେ 3ଟା ବେଳକୁ ଷ୍ଟାଡିୟମରେ ତାଙ୍କୁ ଅପେକ୍ଷା କରି ରହିଥିବା ସମସ୍ତ ପ୍ରଶଂସକଙ୍କୁ ଧୋନି ହାତ ହଲାଇ ଧନ୍ୟବାଦ ଦେଇଥିଲେ ।

MS Dhoni thanks peoples & fan at 3:30 am for staying back ! 💛❤️💙 pic.twitter.com/FwhPTgmi2n
— VK (@Motera_Stadium) May 30, 2023

ଉଲ୍ଲେଖଥାଉ କି, ଫାଇନାଲ ମ୍ୟାଚରେ ଟସ୍ ହାରିବା ପରେ ଗୁଜୁରାଟ ଟାଇଟାନ୍ସ ପ୍ରଥମେ ବ୍ୟାଟିଂ କରି 214 ରନ୍ ସଂଗ୍ରହ କରି 20 ଓଭରରେ 4 ୱିକେଟ୍ ହରାଇଥିଲା । ଚେନ୍ନାଇ ସୁପର କିଙ୍ଗ୍ସ ଡକୱର୍ଥ-ଲୁଇସ୍ ପଦ୍ଧତି ଅଧୀନରେ 15 ଓଭରରେ 171 ରନ୍ ସଂଗ୍ରହ କରିଥିଲେ । ଶେଷ ଦୁଇଟି ବଲରେ ଚେନ୍ନାଇ ଜିତିବା ପାଇଁ 10 ରନ୍ ଆବଶ୍ୟକ କରିଥିଲା । ଏଭଳି ପରିସ୍ଥିତିରେ ରବିନ୍ଦ୍ର ଜାଡେଜା ଶେଷ ଦୁଇଟି ବଲରେ ଗୋଟିଏ ଛକା ଓ ଗୋଟିଏ ଚୌକା ମାରିଥିଲେ । ତେବେ ଧୋନିଙ୍କ ଅଧିନାୟକତ୍ୱରେ ରେକର୍ଡ ପଞ୍ଚମ ଟାଇଟଲ ଜିତି ଚେନ୍ନାଇ ଦଳ ବର୍ତ୍ତମାନ ମୁମ୍ବାଇ ଇଣ୍ଡିଆନ୍ସ ସହିତ ସମାନ ହୋଇଛି । ଏହି ଉଭୟ ଦଳର ବର୍ତ୍ତମାନ ଆଇପିଏଲରେ 5-5 ଟାଇଟଲ ଜିତିବାର ରେକର୍ଡ ରହିଛି ।