ଆଇପିଏଲ 2022: ସାମସନଙ୍କ ଅର୍ଦ୍ଧଶତକ, ହାଇଦ୍ରାବାଦ ଆଗରେ ୨୧୧ ରନ୍ର ଟାର୍ଗେଟ
ଅଧିନାୟକ ସଞ୍ଜୁ ସାମସନଙ୍କ ଅର୍ଦ୍ଧଶତକ ସାଙ୍ଗଙ୍କୁ ଅନ୍ୟ ବ୍ୟାଟରଙ୍କ ବିସ୍ଫୋରକ ବ୍ୟାଟିଂ ବଳରେ ରାଜସ୍ଥାନ ନିର୍ଦ୍ଧାରିତ ୨୦ ଓଭର୍ରେ ୬ ୱିକେଟ ହରାଇ ବିଶାଳ ୨୧୦ ରନ୍ କରିଛି। ଫଳରେ ଆଇପିଏଲ ସିଜନର ପ୍ରଥମ ମ୍ୟାଚ୍ ଜିତିବାକୁ ହାଇଦ୍ରାବାଦକୁ ୨୧୧ ରନର ଟାର୍ଗେଟ ମିଳିଛ
ପୁଣେ: ସନରାଇଜର୍ସ ହାଇଦ୍ରାବାଦ ବିପକ୍ଷରେ ରାଜସ୍ଥାନ ରୟାଲ୍ସ ଦମଦାର ବ୍ୟାଟିଂ କରିଛି। ଅଧିନାୟକ ସଞ୍ଜୁ ସାମସନଙ୍କ ଅର୍ଦ୍ଧଶତକ ସାଙ୍ଗଙ୍କୁ ଅନ୍ୟ ବ୍ୟାଟରଙ୍କ ବିସ୍ଫୋରକ ବ୍ୟାଟିଂ ବଳରେ ରାଜସ୍ଥାନ ନିର୍ଦ୍ଧାରିତ ୨୦ ଓଭର୍ରେ ୬ ୱିକେଟ ହରାଇ ବିଶାଳ ୨୧୦ ରନ୍ କରିଛି। ଫଳରେ ଆଇପିଏଲ ସିଜନର ପ୍ରଥମ ମ୍ୟାଚ୍ ଜିତିବାକୁ ହାଇଦ୍ରାବାଦକୁ ୨୧୧ ରନର ଟାର୍ଗେଟ ମିଳିଛି।
ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ଖେଳୁଥିବା ରାଜସ୍ଥାନ ପାଇଁ ବ୍ୟାଟିଂ ଆରମ୍ଭ କରିଥିଲେ ଅଭିଜ୍ଞ ଜସ୍ ବଟଲର ଓ ଯୁବ ବ୍ୟାଟିଂ ଷ୍ଟାର ଜଶଶ୍ବୀ ଜୟଶ୍ବାଲ । ଉଭୟ ପ୍ରଥମ ୱିକେଟ ଯୋଡିରେ ୫୮ ରନ୍ ଯୋଡିଥିଲେ । ବଟଲ୍ର ୨୮ ବଲ୍ରୁ ୩ଟି ଚୌକା ଓ ୩ଟି ଛକା ସହାୟତାରେ ୩୫ ରନ୍ର ଇଂନିସ ଖେଳିଥିଲେ । ସେହିପରି ଜୟଶ୍ବାଲ ୨୦ ରନ୍ କରି ଆଉଟ୍ ହୋଇଥିଲେ । ଏହାପରେ ବ୍ୟାଟିଂ ଭାର ସମ୍ଭାଳିଥିଲେ କ୍ୟାପଟେନ ସଞ୍ଜୁ ସାମସନ ।ମାତ୍ର ୨୭ ବଲ୍ରୁ ୩ଟି ଚୌକା ଓ ୫ଟି ଛକା ସହାୟତାରେ ୫୫ ରନ୍ର ବିସ୍ଫୋରକ ଅର୍ଦ୍ଧଶତକୀୟ ଇଂନିସ ଖେଳିଥିଲେ ସାମସନ । ଦେବଦତ୍ତ ପାଦିକ୍କଲ ୪୧ ଓ ରିଆନ ପରାଗ ୧୨ ରନ୍ କରିଥିଲେ । ଶେଷ ଭାଗରେ ୱେଷ୍ଟଇଣ୍ଡିଜ ପାୱରହିଟର ସିମ୍ରନ ହେଟମେୟର ୧୩୨ ବଲ୍ରୁ ଦ୍ରୁତ ୩୨ ରନ୍ର ଇଂନିସ ଖେଳିବା ପରେ ରାଜସ୍ଥାନ ୨୦୦ ରନ୍ ପାର୍ କରିଥିଲା ।
ହାଇଦ୍ରାବାଦ ପକ୍ଷରୁ ଉମରାନ ଓ ନଟରାଜନ ୨ଟି ଲେଖାଏ ୱିକେଟ ନେଇଥିବା ବେଳେ ଭୁବନେଶ୍ୱର କୁମାର ଓ ଶେଫର୍ଡ ଗୋଟିଏ ଲେଖାଏ ସଫଳତା ପାଇଛନ୍ତି।
Click it and Unblock the Notifications
Sign in with Google