'ଦୂର ହେବ CSKର ସଂକଟ, ଯଦି ଓପନିଂ କରିବେ ଧୋନି'
କ୍ରିକବଜ୍ ସହିତ କଥାବାର୍ତ୍ତା କରି ପାର୍ଥିବ ପଟେଲ କହିଛନ୍ତି, ଧୋନି ହେଉଛନ୍ତି ସେହି ଖେଳାଳି ଯିଏକି ବର୍ଷ ବର୍ଷ ଧରି CSK କୁ ଶକ୍ତିଶାଳୀ ରଖିଛନ୍ତି । ସେ ଓପନର୍ ବ୍ୟାଟ୍ସମ୍ୟାନ୍ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ । ତେବେ ସେମାନେ ନିଜ କ୍ୟାରିୟର ଶେଷରେ କ
ନୂଆଦିଲ୍ଲୀ: ଜଣେ ଅଧିନାୟକ ଭାବରେ ଏମଏସ୍ ଧୋନି ଆଇପିଏଲରେ ସର୍ବାଧିକ ମ୍ୟାଚ୍ ଜିତିଛନ୍ତି। ଗତ ସିଜନରେ ସେ ଚେନ୍ନାଇ ସୁପର କିଙ୍ଗ୍ସ (CSK) କୁ ଚତୁର୍ଥ ଥର ପାଇଁ ଟାଇଟଲ ବିଜୟୀ କରାଇଥିଲେ । କିନ୍ତୁ ଚଳିତ ସିଜିନ ଆରମ୍ଭ ପୂର୍ବରୁ ସେ ଅଧିନାୟକତ୍ୱ ଛାଡିଥିଲେ। ତାଙ୍କ ସ୍ଥାନରେ ରବିନ୍ଦ୍ର ଜାଡେଜା ଦଳର ନୂତନ ଅଧିନାୟକ ହୋଇଥିଲେ। କିନ୍ତୁ ଦଳ ଖରାପ ପ୍ରଦର୍ଶନ ସହ ସଂଘର୍ଷ କରୁଛି ଏବଂ ଚାରିଟି ମ୍ୟାଚ୍ ହାରିଛି।
ଆଜି ଚେନ୍ନାଇର 5ମ ମ୍ୟାଚ ଆରସିବି (CSK vs RCB) ବିପକ୍ଷରେ ଖେଳାଯିବ । ଏଭଳି ପରିସ୍ଥିତିରେ ପୂର୍ବତନ ଭାରତୀୟ ୱିକେଟ୍ କିପର ପାର୍ଥିବ ପଟେଲ ଧୋନିଙ୍କୁ ପରାମର୍ଶ ଦେଇଛନ୍ତି ଏବଂ ଦଳ ପାଇଁ ସେ ଓପନିଂ କରିବା ଉଚିତ ବୋଲି କହିଛନ୍ତି।
କ୍ରିକବଜ୍ ସହିତ କଥାବାର୍ତ୍ତା କରି ପାର୍ଥିବ ପଟେଲ କହିଛନ୍ତି, ଧୋନି ହେଉଛନ୍ତି ସେହି ଖେଳାଳି ଯିଏକି ବର୍ଷ ବର୍ଷ ଧରି CSK କୁ ଶକ୍ତିଶାଳୀ ରଖିଛନ୍ତି । ସେ ଓପନର୍ ବ୍ୟାଟ୍ସମ୍ୟାନ୍ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ । ତେବେ ସେମାନେ ନିଜ କ୍ୟାରିୟର ଶେଷରେ କାହିଁକି କରିପାରିବେ ନାହିଁ ? ସେ କହିଛନ୍ତି ଯେ, ବର୍ତ୍ତମାନ ସେ 7 ନମ୍ବରରେ ବ୍ୟାଟିଂ କରୁଛନ୍ତି ଏବଂ 10 ରୁ 15 ଟି ବଲ ଖେଳି ପାରୁ ନାହାନ୍ତି । ତେବେ କାହିଁକି ସେ ନମ୍ବର-3, ନମ୍ବର-4 କିମ୍ବା ଓପନିଂ କରିବାକୁ ଆସୁ ନାହାନ୍ତି । ଯଦି ସେ 14-15 ଓଭର ବ୍ୟାଟିଂ କରନ୍ତି । ତେବେ କିଛି ବି ହୋଇପାରେ ବୋଲି ପାର୍ଥିବ ପଟେଲ କହିଛନ୍ତି ।
ଏମଏସ ଧୋନି ଚଳିତ ଋତୁରେ ଏକ ଅର୍ଦ୍ଧ ଶତକରୁ ସିଜିନ ଆରମ୍ଭ କରିଥିଲେ । ସେ କେକେଆର ବିପକ୍ଷରେ 38 ଟି ବଲରେ 50 ରନ୍ ସଂଗ୍ରହ କରିଥିଲେ। ତା'ପରେ ଲକ୍ଷ୍ନୌ ବିପକ୍ଷ ଦ୍ୱିତୀୟ ମ୍ୟାଚରେ ସେ 6 ଟି ବଲରେ 16 ରନ୍ ସଂଗ୍ରହ କରିଥିଲେ। ସେ ଏପର୍ଯ୍ୟନ୍ତ 4 ଇନିଂସରେ 92 ରନ୍ ସଂଗ୍ରହ କରିଛନ୍ତି। CSK ବ୍ୟତୀତ 5 ଥର ଚାମ୍ପିଅନ୍ ଦଳ ମୁମ୍ବାଇ ଇଣ୍ଡିଆନ୍ସ ମଧ୍ୟ ଲଗାତାର 4 ଟି ମ୍ୟାଚ୍ ହାରିଛି ।
Click it and Unblock the Notifications
Sign in with Google