ଆଇପିଏଲ 2022: ଚେନ୍ନାଇ ନା କୋଲକାତା ? ୱାଙ୍ଖଡେରେ କାହାର ପଲ୍ଲା ଭାରି ?

ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ 2022) ର 15 ତମ ସିଜନ୍ ପାଇଁ ଅପେକ୍ଷା ଶେଷ ହେବାକୁ ଯାଉଛି । ଚେନ୍ନାଇ ସୁପର କିଙ୍ଗ୍ସ 26 ମାର୍ଚ୍ଚ ଶନିବାର ଦିନ ଲିଗର ଉଦଘାଟନୀ ମ୍ୟାଚରେ କୋଲକାତା ନାଇଟ୍ ରାଇଡର୍ସକୁ (CSK vs KKR) ଭେଟିବ ।

Published: Friday, March 25, 2022, 19:56 [IST]

ମୁମ୍ବାଇ: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ 2022) ର 15 ତମ ସିଜନ୍ ପାଇଁ ଅପେକ୍ଷା ଶେଷ ହେବାକୁ ଯାଉଛି । ଚେନ୍ନାଇ ସୁପର କିଙ୍ଗ୍ସ 26 ମାର୍ଚ୍ଚ ଶନିବାର ଦିନ ଲିଗର ଉଦଘାଟନୀ ମ୍ୟାଚରେ କୋଲକାତା ନାଇଟ୍ ରାଇଡର୍ସକୁ (CSK vs KKR ) ଭେଟିବ । ଗତ ବର୍ଷ ମଧ୍ୟ ସମାନ ଦୁଇଟି ଦଳ ଫାଇନାଲ ଖେଳିଥିଲେ । ଯେଉଁଠି ମହେନ୍ଦ୍ର ସିଂ ଧୋନିଙ୍କ ଅଧିନାୟକତ୍ୱରେ ସିଏସକେ କୋଲକାତାକୁ ପରାସ୍ତ କରି ଚତୁର୍ଥ ଥର ପାଇଁ ଟାଇଟଲ ଜିତିଥିଲା । କିନ୍ତୁ ବର୍ତ୍ତମାନ ଆରମ୍ଭ ନୂଆ। ଏହି ଦୁଇ ଦଳ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ପ୍ରତିଦ୍ୱନ୍ଦ୍ୱିତା କରିବେ। ଏଭଳି ପରିସ୍ଥିତିରେ ଆସନ୍ତୁ ଜାଣିବା, ଚେନ୍ନାଇ ସୁପର କିଙ୍ଗ୍ସ ନା କୋଲକାତା ନାଇଟ୍ ରାଇଡର୍ସ, କାହାର ପଲ୍ଲା ଭାରି ରହିଛି ।

ଚେନ୍ନାଇ ସୁପର କିଙ୍ଗ୍ସ ଗତ 14 ବର୍ଷ ଧରି ଧୋନିଙ୍କ ଅଧିନାୟକତ୍ୱରେ ଖେଳୁଥିଲା । କିନ୍ତୁ IPL 2022 ରୁ ଦଳର ଇତିହାସରେ ଏକ ନୂତନ ଅଧ୍ୟାୟ ଆରମ୍ଭ ହେଉଛି । ରବିନ୍ଦ୍ର ଜାଡେଜା ଦଳର ଅଧିନାୟକ ନଜର ଆସିବେ। ତେବେ ଦଳ ପାଇଁ ଭଲ କଥା ହେଉଛି ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଏହାର ଏକ ବଡ଼ ରେକର୍ଡ ରହିଛି। ଏହି ଗ୍ରାଉଣ୍ଡରେ ଦଳ ଏପର୍ଯ୍ୟନ୍ତ 19ଟି ମ୍ୟାଚ ଖେଳିଛି । ଏଥିରୁ ସେ 12ଟି ଜିତିଛି । ଯେତେବେଳେ କି 7ଟିରେ ତାକୁ ପରାଜୟର ସାମ୍ନା କରିବାକୁ ପଡିଛି । ଅର୍ଥାତ୍ ଚେନ୍ନାଇ ଏହି ଗ୍ରାଉଣ୍ଡରେ 50 ପ୍ରତିଶତରୁ ଅଧିକ ମ୍ୟାଚ୍ ଜିତିଛି ।

ଅନ୍ୟପକ୍ଷରେ, ଯଦି ଆମେ କୋଲକାତା ନାଇଟ୍ ରାଇଡର୍ସ ବିଷୟରେ କଥା ହେବା, ତେବେ ଏହି ଦଳର ରେକର୍ଡ ପଡ଼ିଆରେ ବହୁତ ଖରାପ ଅଟେ । ଦଳ ୱାଙ୍ଖଡେ ଷ୍ଟାଡିୟମରେ ଏପର୍ଯ୍ୟନ୍ତ 12 ଟି ମ୍ୟାଚ୍ ଖେଳିଛି ଏବଂ ଏଥିରୁ 11ଟିରେ ହାରିଛି । ଯେକୌଣସି ନିରପେକ୍ଷ ଗ୍ରାଉଣ୍ଡରେ ଏହା ଦଳର ସବୁଠାରୁ ଖରାପ ରେକର୍ଡ ।

ୱାଙ୍ଖଡେ ଷ୍ଟାଡିୟମରେ କେକେଆରର ଖରାପ ରେକର୍ଡ

ୱାଙ୍ଖଡେ ଷ୍ଟାଡିୟମରେ କେକେଆର୍ ପାଇଁ ଏକମାତ୍ର ବିଜୟ 2012 ରେ ହୋଇଥିଲା । ଅର୍ଥାତ୍ ସେ ଏହି ଗ୍ରାଉଣ୍ଡ୍ ଜିତିବାର 10 ବର୍ଷ ବିତିଗଲାଣି । ତେବେ ଏହି ବିଜୟ ଗୌତମ ଗମ୍ଭୀରଙ୍କ ଅଧିନାୟକତ୍ୱରେ ମିଳିଥିଲା । ଯେତେବେଳେ କେକେଆରର140 ରନକୁ ପିଛା କରି ମୁମ୍ବାଇ ଇଣ୍ଡିଆନ୍ସ ମାତ୍ର 108 ରନ୍ ସଂଗ୍ରହ କରିଥିଲା। ସେହି ମ୍ୟାଚରେ ସୁନୀଲ ନାରିନ 15 ରନ୍ ପାଇଁ 4 ୱିକେଟ୍ ନେଇଥିଲେ।

ଚେନ୍ନାଇ ୱାଙ୍ଖଡେ ଷ୍ଟାଡିୟମରେ ଆଇପିଏଲ ଟାଇଟଲ ଜିତିଛି

ଚେନ୍ନାଇ ସୁପର କିଙ୍ଗ୍ସ ୱାଙ୍ଖଡେ ଷ୍ଟାଡିୟମରେ 2018 ରେ ଆଇପିଏଲ୍ ଟାଇଟଲ୍ ଜିତିଛି । ସେ ଏହି ଗ୍ରାଉଣ୍ଡରେ ଅନୁଷ୍ଠିତ ଫାଇନାଲରେ ସନରାଇଜର୍ସ ହାଇଦ୍ରାବାଦକୁ 8 ୱିକେଟରେ ପରାସ୍ତ କରିଥିଲେ । ୱାଙ୍ଖଡେ ଷ୍ଟାଡିୟମ ହେଉଛି ମୁମ୍ବାଇ ଇଣ୍ଡିଆନ୍ସର ହୋମ ଗ୍ରାଉଣ୍ଡ । ଯଦିଓ ସିଏସକେ ଏହି ଗ୍ରାଉଣ୍ଡରେ ସେମାନଙ୍କର 50 ପ୍ରତିଶତରୁ ଅଧିକ ମ୍ୟାଚ୍ ଜିତିଛି । କିନ୍ତୁ ଏହି ଗ୍ରାଉଣ୍ଡରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ତାଙ୍କର ରେକର୍ଡ ବହୁତ ଭଲ ନୁହେଁ।

ମୁମ୍ବାଇ ବିପକ୍ଷରେ ଚେନ୍ନାଇ ଏହି ଗ୍ରାଉଣ୍ଡରେ 6 ଟି ମ୍ୟାଚ୍ ହାରିଥିବାବେଳେ ତିନିଟି ମ୍ୟାଚ ଜିତିଛି। ଗତଥର ଯେତେବେଳେ ଉଭୟ ଦଳ ଏହି ଗ୍ରାଉଣ୍ଡରେ ମୁହାଁମୁହିଁ ହୋଇଥିଲେ, ଧୋନିଙ୍କ ସେନା 18 ରନରେ ଜିତିଥିଲା । ଏହା ପରେ କରୋନା କାରଣରୁ ଲିଗ୍ ୟୁଏଇକୁ ସ୍ଥାନାନ୍ତରିତ ହେବାକୁ ପଡିଲା ।

Published On March 25, 2022