ଆଇପିଏଲ 2021: ମୋଦି ଷ୍ଟାଡିୟମରେ ପ୍ରଥମେ ବୋଲିଂ କରିବ କୋଲକତା
ମ୍ୟାଚରେ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି କୋଲକତା ଅଧିନାୟକ ଇୟନ ମୋର୍ଗାନ ।
ଅହମ୍ମଦାବାଦ: ଆଜି ଆଇପିଏଲର 21 ତମ ମ୍ୟାଚ ସ୍ଥାନୀୟ ନରେନ୍ଦ୍ର ମୋଦି ଇଣ୍ଟରନ୍ୟାସନାଲ ଷ୍ଟାଡିୟମରେ ଖେଳଯିବ । ମ୍ୟାଚରେ ପଞ୍ଜାବ କିଙ୍ଗ୍ସ ଆଜି କୋଲକତା ନାଇଟ ରାଇଡର୍ସକୁ ଭେଟୁଛି । ତେବେ ମ୍ୟାଚରେ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି କୋଲକତା ଅଧିନାୟକ ଇୟନ ମୋର୍ଗାନ ।
ଉଲ୍ଲେଖଯୋଗ୍ୟ ଯେ, ପଞ୍ଜାବ ତାର ଶେଷ ମ୍ୟାଚରେ ମୁମ୍ବାଇଠାରୁ ବିଜୟ ପାଇ ଆତ୍ମବିଶ୍ବାସରେ ଭରପୁର ରହିଛି । ଅନ୍ୟପଟେ ଚଳିତ ଟୁର୍ଣ୍ଣାମେଣ୍ଟରେ କେବଳ ଗୋଟିଏ ବିଜୟରେ ସୀମିତ ଥିବା କେକେଆର ବିଜୟ ଭୋକରେ ଘାଇଲା ସିଂହ ପରି ରହିଛି । ଫଳରେ ଆଜି ମ୍ୟାଚରେ ରୋମାଞ୍ଚ ଭରପୁର ରହିବ । ତେବେ ଗତ ମ୍ୟାଚର ଚୁଡାନ୍ତ ଏକାଦଶକୁ ପୁର୍ନାବୃତ୍ତି କରିଛନ୍ତି ଉଭୟ ଦଳ ।
- ପଞ୍ଜାବ କିଙ୍ଗ୍ସ ଏକାଦଶ: କେଏଲ୍ ରାହୁଲ (ୱିକେଟକିପର / ଅଧିନାୟକ), ମୟଙ୍କ ଅଗ୍ରୱାଲ, କ୍ରିସ ଗେଲ, ଦୀପକ ହୁଡା, ନିକୋଲାସ ପୁରାନ, ମୋଇସ ହେନ୍ରିକ୍ସ, ଶାହାରୁଖ ଖାନ, କ୍ରିସ ଜୋର୍ଡାନ, ମହମ୍ମଦ ଶାମି, ରବି ବିଷ୍ଣୋଇ, ଅର୍ଶଦୀପ ସିଂ ।
- କୋଲକାତା ନାଇଟ୍ ରାଇଡର୍ସ ଏକାଦଶ: ନୀତୀଶ ରାଣା, ଶୁଭମନ ଗିଲ, ରାହୁଲ ତ୍ରିପାଠୀ, ସୁନୀଲ ନାରିନ, ଇଓନ ମୋର୍ଗାନ (ଅଧିନାୟକ), ଦିନେଶ କାର୍ତ୍ତିକ (ୱିକେଟକିପର), ଆଣ୍ଡ୍ରେ ରସେଲ, ପ୍ୟାଟ କମିନ୍ସ, ଶିବମ ମାଭି, ପ୍ରସାଦ କୃଷ୍ଣ, ବରୁଣ ଚକ୍ରବର୍ତ୍ତୀ ।
Click it and Unblock the Notifications
Sign in with Google