ଆଇପିଏଲ୍ 2021: ଚତୁର୍ଥଥର ଟ୍ରଫି ଟେକିଲା ଚେନ୍ନାଇ

ବ୍ୟାଟ୍ସମ୍ୟାନଙ୍କ ମିଳିତ ପ୍ରୟାସ ଓ ବୋଲର ଚମତ୍କରା ବୋଲିଂ ସହ ଆଇପିଏଲରେ ଚତୁର୍ଥଥର ପାଇଁ ଟାଇଟଲ ବିଜୟୀ ହେଲା ଚେନ୍ନାଇ ସୁପର କିଙ୍ଗ୍ସ । କୋଲକତା ନାଇଟ୍ ରାଇଡର୍ସକୁ 27 ରନରେ ପରାସ୍ତ କଲା ଚେନ୍ନାଇ ।

Updated: Sunday, October 17, 2021, 11:59 [IST]

ଦୁବାଇ: ପ୍ରଥମ, ଦ୍ୱିତୀୟ, ତୃତୀୟ ନୁହେଁ ଚତୁର୍ଥଥର ଟାଇଟଲ ଟେକିଲା ଚେନ୍ନାଇ । ବ୍ୟାଟ୍ସମ୍ୟାନଙ୍କ ମିଳିତ ପ୍ରୟାସ ଓ ବୋଲର ଚମତ୍କରା ବୋଲିଂ ସହ ଆଇପିଏଲରେ ଚତୁର୍ଥଥର ପାଇଁ ଟାଇଟଲ ବିଜୟୀ ହେଲା ଚେନ୍ନାଇ ସୁପର କିଙ୍ଗ୍ସ । କୋଲକତା ନାଇଟ୍ ରାଇଡର୍ସକୁ 27 ରନରେ ପରାସ୍ତ କଲା ଚେନ୍ନାଇ ।

ଟସ ହାରି ବ୍ୟାଟିଂ ପାଇଁ ଆମନ୍ତ୍ରଣ ପାଇଥିବା ଚେନ୍ନାଇ କେକେଆର ସାମ୍ନାରେ 193 ରନର ବିଜୟ ଲକ୍ଷ୍ୟ ରଖିଥିଲା । ଯାହାର ଜବାବରେ କୋଲକାତା ନାଇଟ୍ ରାଇଡର୍ସ 9 ୱିକେଟ୍ ହରାଇ 165 ରନ୍ କରିପାରିଥିଲା ଏବଂ 27 ରନରେ ମ୍ୟାଚ ଜିତି ନେଲା ଚେନ୍ନାଇ ।

ଚେନ୍ନାଇ ସୁପର କିଙ୍ଗ୍ସ ଦଳ ପାଇଁ ଏହି ମ୍ୟାଚରେ ଫାଫ୍ ଡୁ ପ୍ଲେସିସ୍ 86 ରନ୍ ସଂଗ୍ରହ କରିଥିବାବେଳେ ଋତୁରାଜ ଗାଇକୱାଡ୍ (32), ରବିନ୍ ଉଥାପ୍ପା (31) ଏବଂ ମୋଏନ୍ ଅଲ୍ଲୀ (37) ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ ।

ଏହାର ଉତ୍ତରରେ ଶୁବମାନ ଗିଲ (51) ଏବଂ ଭେଙ୍କଟେଶ ଆୟର (50) କୋଲକାତା ନାଇଟ୍ ରାଇଡର୍ସ ଦଳ ପାଇଁ ବିସ୍ଫୋରକ ଆରମ୍ଭ ଦେଇଥିଲେ । ମାତ୍ର 10.4 ଓଭରରେ 91 ରନ୍ ଯୋଡିଥିଲେ କେକେଆର ଦୁଇ ଓପନର । ଏହି ସମୟରେ ଲାଗୁଥିଲା ଯେ ଏହି ବ୍ୟାଟ୍ସମ୍ୟାନ୍ ସହଜରେ କୋଲକାତା ନାଇଟ୍ ରାଇଡର୍ସ ଦଳକୁ ବିଜୟ ପ୍ରଦାନ କରିବେ। ତେବେ, ପରେ ଲର୍ଡ ଶାର୍ଦ୍ଦୁଲ ଠାକୁର ସିଏସକେ ପାଇଁ ଆସିଥିଲେ ଯିଏ ସମାନ ଓଭରରେ 2 ୱିକେଟ୍ ନେଇ ନିଜ ଦଳକୁ ମ୍ୟାଚରେ ଫେରାଇ ଆଣିଥିଲେ।

ଚତୁର୍ଥ ବଲରେ ଶାର୍ଦ୍ଦୁଲ ଠାକୁର ଭେଙ୍କଟେଶ ଆୟରଙ୍କୁ ରବିନ୍ଦ୍ର ଜାଡେଜାଙ୍କ ଦ୍ବାରା କ୍ୟାଚ ଆଉଟ୍ କରାଇଥିଲେ । ପରେ ପରେ ଶେଷ ବଲରେ ନୀତୀଶ ରାଣା ଡୁପଲେସିସଙ୍କ ଦ୍ବାରା ଧରା ପକାଇଥିଲେ ଏବଂ କେକେଆରକୁ ଦ୍ୱିତୀୟ ଝଟକା ଦେଇଥିଲେ। ପରବର୍ତ୍ତୀ ଓଭରରେ ଜୋଶ ହାଜଲେଉଡ୍ ସୁନୀଲ ନାରିନଙ୍କୁ ଜାଡେଜାଙ୍କ ଦ୍ବାରା କ୍ୟାଚ କରାଇ ମ୍ୟାଚରେ ସିଏସକେର ସ୍ଥିତିକୁ ମଜବୁତ କରିଥିଲେ । ଏହା ପରେ ଦୀପକ ଚହର 14 ତମ ଓଭରରେ ଶୁଭମନ ଗିଲଙ୍କୁ ଆଉଟ୍ କରିଥିଲେ ।

କୋଲକାତା ନାଇଟ୍ ରାଇଡର୍ସ ଦଳ ଉପରେ ଲଗାତାର ଚାପ ପଡୁଥିଲା ଏବଂ ତାଙ୍କ ଅବଶିଷ୍ଟ ଆଶାକୁ ମଧ୍ୟ ଧୂଳିସାଥ କରିଥିଲେ ରବିନ୍ଦ୍ର ଜାଡେଜା । ଜାଡେଜା 15ତମ ଓଭରରେ ପ୍ରଥମେ ଦିନେଶ କାର୍ତ୍ତିକ ଓ ଶାକିବ ଅଲ ହାସନଙ୍କୁ ପାଭିଲିଅନ ପଠାଇଥିଲେ । ଶାର୍ଦ୍ଦୁଲ ଠାକୁର ରାହୁଲ ତ୍ରିପାଠୀଙ୍କୁ ବରଖାସ୍ତ କରିଥିବାବେଳେ ଇଓନ୍ ମୋର୍ଗାନଙ୍କୁ ହାଜଲେଉଡ୍ ବରଖାସ୍ତ କରିଛନ୍ତି। 8 ୱିକେଟ୍ ହରାଇବା ପରେ ଶିବମ୍ ମାଭି (20) ଏବଂ ଲକି ଫର୍ଗୁସନ୍ (17) 39 ରନ୍ ଭାଗିଦାରୀ ସ୍ଥାପନ କରିଥିଲେ ।