IPL 2021: ଆଇପିଏଲ ପୁର୍ବରୁ ଧୋନିଙ୍କ ଧମାକା, 6ଟି ଛକା ସହ ଖେଳିଲେ 60ରନର ପାଳି

ଚେନ୍ନାଇ: ବର୍ତ୍ତମାନ ମହେନ୍ଦ୍ର ସିଂ ଧୋନିଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗ୍ସର ଦଳ ପ୍ରଶିକ୍ଷଣ ଅଧିବେଶନରେ ବହୁ ଝାଳ ବୁହାଉଛି । ଗତ ସିଜନରେ ଲିଗ୍ ପର୍ଯ୍ୟାୟରେ 7 ନମ୍ବର ସ୍ଥାନ ପାଇଥିବା ଏହି ଦଳ ଆଇପିଏଲ୍ 2021 ପାଇଁ ପ୍ରସ୍ତୁତି ଆରମ୍ଭ କରି ଦେଇଛି ।

ତେବେ କ୍ରିକେଟ୍ ଉପରେ କଡା ନଜର ରଖିଥିବା କିଛି ଟ୍ୱିଟର ହ୍ୟାଣ୍ଡେଲ ଅନୁଯାୟୀ ଧୋନି ଅଭ୍ୟାସ ମ୍ୟାଚ୍ ସମୟରେ 13 ଓଭର ପାଇଁ ବ୍ୟାଟିଂ କରି 6ଟି ଛକା ସହ 60ରୁ ଅଧିକ ରନ ସଂଗ୍ରହ କରିଛନ୍ତି। ଏହି ମ୍ୟାଚରେ 22 ବର୍ଷୀୟ ଯୁବ ବୋଲର ହରିଶଙ୍କର ରେଡ୍ଡୀ ଧୋନିଙ୍କୁ ବୋଲିଂ କରିଥିଲେ। ଯାହାଙ୍କ ବୋଲିଂ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି ଧୋନି ବୋଲି ସୂଚନା ରହିଛି । ଏହି ଯୁବକଙ୍କୁ ତାଙ୍କ ମୂଳ ମୂଲ୍ୟରେ 20 ଲକ୍ଷ ଟଙ୍କା କିଣିଛି ଚେନ୍ନାଇ ।

The King 👑 and his #Anbuden Kingdom 🏟️ !! Memoirs of #Yellove when the whistles roared! #WhistlePodu 💛 🦁 @msdhoni pic.twitter.com/TeDbwQbvzA

— Chennai Super Kings (@ChennaiIPL) March 17, 2021

ଅନ୍ୟପକ୍ଷରେ ଚେନ୍ନାଇ ସୁପର କିଙ୍ଗ୍ସ ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଧୋନି ବ୍ୟାଟିଂ କରିବାକୁ ଯାଉଥିବା ବେଳର ଏକ ଭିଡିଓ ମଧ୍ୟ ସେୟାର କରିଛି । ଯେଉଁଥିରେ ଉପ-ଅଧିନାୟକ ସୁରେଶ ରାଇନା ମଧ୍ୟ ଅଛନ୍ତି । ଚେନ୍ନାଇ ସୁପର କିଙ୍ଗ୍ସ ଅଧିକ ଯୁବ ଖେଳାଳିଙ୍କ ସହ ଚଳିତ ସିଜିନକୁ ପଡିଆକୁ ଓହ୍ଲାଇବ ।

English summary

IPL 2021: Dhoni's show in CSK practice match, hit 6 sixes