ଆଇପିଏଲ 2021: ଧୱନଙ୍କ ଧମକା, ପଞ୍ଜାବକୁ 6 ୱିକେଟରେ ମାତ୍ ଦେଲା ଦିଲ୍ଲୀ
ପ୍ରଥମେ ବ୍ୟାଟିଂ କରୁଥିବା ପଞ୍ଜାବ ଦଳ ଏହି ମ୍ୟାଚରେ 4 ୱିକେଟ୍ ହରାଇ 195 ରନ୍ ସ୍କୋର କରିଥିଲା। ଏହାର ଜବାବରେ ଦିଲ୍ଲୀ ଦଳ 18.2 ଓଭରରେ ଏହି ଲକ୍ଷ୍ୟ ହାସଲ କରି 6 ୱିକେଟରେ ମ୍ୟାଚ ଜିତିଥିଲା।
IPL 2021, DC vs PBKS Match Report: ଇଣ୍ଡିଆନ ପ୍ରିମିୟର ଲିଗର ( ଆଇପିଏଲ 2021) 14 ତମ ସିଜିନର ଏକାଦଶ ମ୍ୟାଚ୍ ୱାଙ୍ଖଡେ ଗ୍ରାଉଣ୍ଡରେ ଦିଲ୍ଲୀ କ୍ୟାପିଟାଲ୍ସ ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ଖେଳାଯାଇଥିଲା । ଯେଉଁଠାରେ ଅଧିନାୟକ ଋଷଭ ପନ୍ତ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ପ୍ରଥମେ ବ୍ୟାଟିଂ କରୁଥିବା ପଞ୍ଜାବ ଦଳ ଏହି ମ୍ୟାଚରେ 4 ୱିକେଟ୍ ହରାଇ 195 ରନ୍ ସ୍କୋର କରିଥିଲା। ଏହାର ଜବାବରେ ଦିଲ୍ଲୀ ଦଳ 18.2 ଓଭରରେ ଏହି ଲକ୍ଷ୍ୟ ହାସଲ କରି 6 ୱିକେଟରେ ମ୍ୟାଚ ଜିତିଥିଲା।
ଚଳିତ ସିଜିନରେ ଦ୍ୱିତୀୟ ବିଜୟ ହାସଲ କରି ଦିଲ୍ଲୀ ଦଳ ଟେବୁଲର ଦୁଇ ନମ୍ବର ସ୍ଥାନରେ ପହଞ୍ଚିଛି। 196 ରନ୍ ପଛରେ ଗୋଡାଇ ଓପନର୍ ପୃଥ୍ବୀ ଶ (35) ଏବଂ ଶିଖର ଧୱନ (92) ଦିଲ୍ଲୀ କ୍ୟାପିଟାାଲ୍ସ ଦଳ ପାଇଁ ଜବରଦସ୍ତ ଆରମ୍ଭ କରିଥିଲେ ଏବଂ ପ୍ରଥମ ୱିକେଟ୍ ପାଇଁ 59 ରନ୍ ଭାଗିଦାରୀ ବାଣ୍ଟିଥିଲେ। ଏହା ପରେ ଧୱନ ଷ୍ଟିଭ ସ୍ମିଥଙ୍କ ସହ ଇନିଂସକୁ ଆଗକୁ ବଢାଇଥିଲେ ଏବଂ 48 ରନ୍ ସହଭାଗୀତା ବାଣ୍ଟିଥିଲେ।
ଧାୱନ ତୃତୀୟ ୱିକେଟ୍ ପାଇଁ ଋଷଭ ପନ୍ତ (15) ଙ୍କ ସହ 43 ରନ୍ ଭାଗିଦାରୀ ବାଣ୍ଟିଥିଲେ ଏବଂ ଶେଷରେ ମାର୍କସ୍ ଷ୍ଟୋନିସ୍ (27) ଏବଂ ଲଲିତ ଯାଦବ (12) ଙ୍କ ଭାଗୀଗାରୀ ବଳରେ ଦିଲ୍ଲୀ ସହଜରେ ଜିତିଥିଲା । ଶିଖର ଧାୱନ 49 ବଲରୁ 92 ରନ ସଂଗ୍ରହ କରି 13 ଚୌକା ଓ ଦୁଇଟି ଛକା ସହ ପଞ୍ଜାବ ଦଳକୁ ମ୍ୟାଚରୁ ସମ୍ପୂର୍ଣ୍ଣ ଭାବେ ବହିଷ୍କାର କରିଥିଲେ ।
ଏହାପୂର୍ବରୁ ପଞ୍ଜାବ କିଙ୍ଗ୍ସ ଦଳ ପ୍ରଥମେ ଚମତ୍କାର ବ୍ୟାଟିଂ କରି ପ୍ରଥମ ୱିକେଟ୍ ପାଇଁ ଏକ ଶକତୀୟ ଭାଗିଦାରୀ ସ୍ଥାପନ କରିଥିଲା। ମୟଙ୍କ ଅଗ୍ରୱାଲ ମାତ୍ର 27 ବଲରେ ଅର୍ଦ୍ଧଶତକ ପୂରଣ କରିଥିବାବେଳେ କେଏଲ୍ ରାହୁଲ ମଧ୍ୟ 45 ବଲରେ ଅର୍ଦ୍ଧଶତକ ହାସଲ କରିଥିଲେ। ଏହି ଯୋଡି ପ୍ରଥମ ୱିକେଟ୍ ପାଇଁ 122 ରନ୍ ଭାଗିଦାରୀ ବାଣ୍ଟିଥିଲେ । କେଏଲ ରାହୁଲ 51 ବଲରେ 61 ରନ ସଂଗ୍ରହ କରିଥିବାବେଳେ ମାୟାନକ ଅଗ୍ରୱାଲ 36 ବଲରେ 69 ରନ ସ୍କୋର କରିଥିଲେ। ଦୀପକ ହୁଡା 2 ଟି ଛକା ସହାୟତାରେ 13 ବଲରେ 22 ରନ ସ୍କୋର କରିଥିବାବେଳେ ଶାହରୁଖ ଖାନ 5 ବଲରେ 15 ରନ୍ କରିଥିଲେ। ଏହି ଖେଳାଳିଙ୍କ ଆଧାରରେ ପଞ୍ଜାବ କିଙ୍ଗ୍ସ ଦଳ 195 ରନ୍ ସ୍କୋର କରି 20 ଓଭରରେ 4 ୱିକେଟ୍ ହରାଇଥିଲା।