ଆଇପିଏଲ 2021: ସଂଧ୍ୟାରେ ରୟାଲ୍ସ ବନାମ ସୁପର କିଙ୍ଗ୍ସ ଲଢେଇ; ଦେଖନ୍ତୁ, କଣ କହୁଛି ରେକର୍ଡ
ମହେନ୍ଦ୍ର ସିଂ ଧୋନିଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗ୍ସ ଆଜି ରାଜସ୍ଥାନ ରୟାଲ୍ସ ବିପକ୍ଷରେ ତାର 3ୟ ମ୍ୟାଚ ଖେଳିବାକୁ ପଡିଆକୁ ଓହ୍ଲାଇବ ।
IPL 2021, CSK vs RR Match Preview: ମହେନ୍ଦ୍ର ସିଂ ଧୋନିଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗ୍ସ ଆଜି ରାଜସ୍ଥାନ ରୟାଲ୍ସ ବିପକ୍ଷରେ ତାର 3ୟ ମ୍ୟାଚ ଖେଳିବାକୁ ପଡିଆକୁ ଓହ୍ଲାଇବ । ରାଜସ୍ଥାନ ଅଧିନାୟକ ସଞ୍ଜୁ ସାମସନ ଧୋନିଙ୍କୁ ତାଙ୍କର ଆଦର୍ଶ ମାନନ୍ତି ଏବଂ ଆଜି ସଞ୍ଜୁଙ୍କୁ ଧୋନିଙ୍କ ସହ ସିଧାସଳଖ ମୁକାବିଲା କରିବାକୁ ପଡିବ।
head to head
ଚେନ୍ନାଇ ସୁପର କିଙ୍ଗ୍ସ ଏବଂ ରାଜସ୍ଥାନ ରୟାଲ୍ସ ଏପର୍ଯ୍ୟନ୍ତ ଆଇପିଏଲରେ 24 ଥର ଭେଟିଛନ୍ତି। ଏହି 24 ଟି ମ୍ୟାଚ୍ ମଧ୍ୟରୁ ଚେନ୍ନାଇ 14 ଟି ମ୍ୟାଚ୍ ଜିତିଥିବାବେଳେ ରାଜସ୍ଥାନ 10 ଟି ମ୍ୟାଚ୍ ଜିତିଛି ।
ଯଦିଓ ଚେନ୍ନାଇ ପୂର୍ବରୁ ରାଜସ୍ଥାନ ଉପରେ ପ୍ରାଧାନ୍ୟ ବିସ୍ତାର କରିଥିଲା, ରାଜସ୍ଥାନ ରୟାଲ୍ସ ଗତ ସିଜିନରେ ଚେନ୍ନାଇ ସୁପର କିଙ୍ଗ୍ସ ବିପକ୍ଷରେ ଉଭୟ ମ୍ୟାଚ୍ ଜିତିଥିଲା। ଗତ ବର୍ଷ ଚେନ୍ନାଇ ଦଳର ପ୍ରଦର୍ଶନ ଅତ୍ୟନ୍ତ ନୈରାଶ୍ୟଜନକ ଥିଲା। ବର୍ତ୍ତମାନ ପର୍ଯ୍ୟନ୍ତ ଦୁଇ ଦଳ ମଧ୍ୟରେ ଖେଳାଯାଇଥିବା ମ୍ୟାଚରେ ସୁରେଶ ରାଇନା ସର୍ବାଧିକ 638 ରନ୍ ସଂଗ୍ରହ କରିଛନ୍ତି। ପୂର୍ବତନ ରାଜସ୍ଥାନ ଅଧିନାୟକ ଅଜିଙ୍କ୍ୟ ରାହାଣେ ଦ୍ୱିତୀୟ ସ୍ଥାନରେ ଅଛନ୍ତି। ରାହାଣେ ପୂର୍ବରୁ ରାଜସ୍ଥାନ ରୟାଲ୍ସ ପାଇଁ ଖେଳିଥିଲେ। ସେ ରାଜସ୍ଥାନ ପାଇଁ ଖେଳୁଥିବାବେଳେ ଚେନ୍ନାଇ ବିପକ୍ଷରେ 335 ସ୍କୋର କରିଥିଲେ। ବୋଲିଂରେ ମଧ୍ୟ ଚେନ୍ନାଇ ପକ୍ଷରୁ ରବିନ୍ଦ୍ର ଜାଡେଜା ଏବଂ ଡୱେନ ବ୍ରାଭୋ ବର୍ତ୍ତମାନ ପର୍ଯ୍ୟନ୍ତ ଦୁଇ ଦଳ ମଧ୍ୟରେ ହୋଇଥିବା ମ୍ୟାଚରେ ସର୍ବାଧିକ ୱିକେଟ୍ ନେଇଛନ୍ତି। ଉଭୟ 15ଟି ଲେଖାଏଁ ୱିକେଟ୍ ନେଇଛନ୍ତି।
ତେବେ ଚଳିତ ସିଜିନରେ ଦୁହେଁ ସେମାନଙ୍କର ପ୍ରଥମ ମ୍ୟାଚ ହାରିଥିଲେ । କିନ୍ତୁ ଦ୍ୱିତୀୟ ମ୍ୟାଚରେ ଚମତ୍କାର ପ୍ରଦର୍ଶନ କରିଥିଲେ ଉଭୟ ଦଳ । ମହେନ୍ଦ୍ର ସିଂ ଧୋନିଙ୍କ ଦଳ ପ୍ରଥମ ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଠାରୁ ପରାସ୍ତ ହୋଇଥିଲା । କିନ୍ତୁ ଦ୍ୱିତୀୟ ଗେମରେ ପଞ୍ଜାବ କିଙ୍ଗ୍ସ ବିରୁଦ୍ଧରେ ଏକ ନିଶ୍ଚିତ ବିଜୟ ହାସଲ କରିଥିଲେ ଧୋନି ଧୁରନ୍ଦର । ଅନ୍ୟପଟେ ରାଜସ୍ଥାନ ଶେଷ ବଲରେ ପଞ୍ଜାବ ବିପକ୍ଷ ପ୍ରଥମ ମ୍ୟାଚରେ ହାରିଯାଇଥିବା ବେଳେ ଶେଷ ଓଭରରେ ଦିଲ୍ଲୀ ବିପକ୍ଷ ପରବର୍ତ୍ତୀ ମ୍ୟାଚରେ ବିଜୟୀ ହୋଇଥିଲା ।