ଓଡ଼ିଶାକୁ ଅନୁକରଣ କରୁ ପୂରା ଦେଶ: ରାନୀ ରାମପାଲ
ଭାରତୀୟ ମହିଳା ହକି ଦଳର ଅଧିନାୟିକା ରାନୀ ରାମପାଲ କହିଛନ୍ତି ଯେ, କ୍ରୀଡା କ୍ଷେତ୍ରରେ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ଉଦ୍ୟମ ଜାରି ରଖିଛନ୍ତି, ତାହା ଦେଶର ସମସ୍ତ ରାଜ୍ୟ ଆପଣାଇବା କଥା ।
ଭୁବନେଶ୍ୱର: ଟୋକିଓ ଦେଶର ଟେକ ରଖିଲା ପରେ ଓଡିଶାକୁ ନିମନ୍ତ୍ରୀତ ଅତିଥୀ ହୋଇ ଆସିଛନ୍ତି ଭାରତୀୟ ହକି ଦଳ (ପୁରୁଷ ଓ ମହିଳା) । ଟୋକିଓ ବିଜୟ ପରେ ହକି ଟିମକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡିଶା ନିମନ୍ତ୍ରଣ କରିଥିଲେ । ତେବେ ଓଡିଶାରେ ପହଞ୍ଚିବା ପରେ ଆଜି ପ୍ରେସମିଟ୍ କରିଛନ୍ତି ଖେଳାଳିମାନେ ।
ଜଣେ ସାମ୍ବାଦିକଙ୍କ ପ୍ରଶ୍ନର ଉତ୍ତର ରଖି ଭାରତୀୟ ମହିଳା ହକି ଦଳର ଅଧିନାୟିକା ରାନୀ ରାମପାଲ କହିଛନ୍ତି ଯେ, କ୍ରୀଡା କ୍ଷେତ୍ରରେ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯେଉଁ ଉଦ୍ୟମ ଜାରି ରଖିଛନ୍ତି, ତାହା ଦେଶର ସମସ୍ତ ରାଜ୍ୟ ଆପଣାଇବା କଥା । ସେ କହିଛନ୍ତି, ପ୍ରତି ରାଜ୍ୟ ଗୋଟିଏ ଗୋଟିଏ କ୍ରୀଡା ଆପଣାଇବା ସହ ପୋତ୍ସାହନ ଦେଲେ ଦେଶରେ କ୍ରୀଡାର ବିକାଶ ହେବ । କ୍ରୀଡାର ବିକାଶ ପାଇଁ ନବୀନ ଯେଉଁ ପ୍ରତିବଦ୍ଧତା ଦେଖାଇଛନ୍ତି ତାହା ବେଶ ପ୍ରଂଶସନୀୟ ବୋଲି କହିଛନ୍ତି ରାନୀ ।
ଗତ କିଛି ବର୍ଷ ହେବ ଓଡ଼ିଶାରେ ଉଭୟ ହକି ଓ ହକି ଖେଳାଳୀଙ୍କୁ ଯେଉଁ ଭଲପାଇବା ମିଳିଛି ତାହା ଅତୁଳନୀୟ । ଓଡ଼ିଶାବାସୀଙ୍କ ହୃଦୟରେ ହକି ରହିଛି । ହକି ବାବଦରେ ଏତେଟା ଜାଣିନଥିବା ଲୋକ ବି ଟିମକୁ ଚିୟରଅପ କରିବାକୁ ଷ୍ଟାଡିୟମକୁ ଆସୁଛନ୍ତି । ଯାହା ଅନ୍ୟ କେଉଁଠି ଦେଖିବାକୁ ମିଳେ ନାହିଁ । ଆଉ ଷ୍ଟାଡିୟମରେ ଓଡ଼ିଶାର ଲୋକଙ୍କ ଏଭଳି ଚିୟର ଅପ୍ ଖେଳାଳୀଙ୍କ ମନୋବଳକୁ ବଢାଇବା ସହ ଦମଦାର ପ୍ରଦର୍ଶନ ପାଇଁ ଜୋସ ଭରିଥାଏ ବୋଲି କହିଛନ୍ତି ରାନୀ ।
ଉଲ୍ଲେଖଥାଉ କି, ଓଡିଶା ପ୍ରଥମ ରାଜ୍ୟ ଭାବେ ଉଭୟ ପୁରୁଷ ଓ ମହିଳା ହକି ଦଳର ପ୍ରାୟୋଜକ ଭାର 2018ରୁ 5 ବର୍ଷ ପାଇଁ ବହନ କରିଛି । ଖାସକରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହକିର ଉନ୍ନତି ପାଇଁ ବିଭିନ୍ନ ପଦକ୍ଷେପ ନେଇଛନ୍ତି । ସେହିପରି ପ୍ରଥମ ରାଜ୍ୟ ଭାବେ ଓଡ଼ିଶା ଉଭୟ ପୁରୁଷ ଓ ମହିଳା ହକି ଦଳକୁ ଡାକି ସମ୍ବର୍ଦ୍ଧିତ କରିବାକୁ ନିଷ୍ପତ୍ତି ନେଇଛି । ଆଉ ଏଭଳି ନିଷ୍ପତ୍ତି ନେଇ ଅନ୍ୟ ରାଜ୍ୟ ପାଇଁ ଉଦାହରଣ ସୃଷ୍ଟି କରିଛନ୍ତି ନବୀନ ।
Click it and Unblock the Notifications
Sign in with Google