ମୁଖ୍ୟମନ୍ତ୍ରୀଙ୍କୁ ମନପ୍ରୀତଙ୍କ ଧନ୍ୟବାଦ: କହିଲେ, କ୍ରିକେଟ କ୍ରେଜ ସମୟରେ ହକିକୁ ବାଛିଥିଲେ ନବୀନ
ବ୍ରୋଞ୍ଜ ପଦକ ଜିତିବା ପରେ ପ୍ରତିକ୍ରିୟା ରଖିଛନ୍ତି ଭାରତୀୟ ପୁରୁଷ ହକି ଦଳର ଅଧିନାୟକ ମନପ୍ରିତ ସିଂ । ବିଜୟ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ମନପ୍ରୀତ ।
ଭୁବନେଶ୍ୱର: ଆଜି ଅଲିମ୍ପିକ୍ସରେ ଭାରତୀୟ ପୁରୁଷ ହକି ଦଳ ବ୍ରୋଞ୍ଜ ପଦକ ଜିତିଛି । ଏହି ବ୍ରୋଞ୍ଜ ପଦକ ମ୍ୟାଚରେ ଭାରତ ଜର୍ମାନୀକୁ 5-4 ଗୋଲରେ ପରାସ୍ତ କରିଛି। 41 ବର୍ଷ ପରେ ଅଲିମ୍ପିକ୍ ପଦକ ଜିତି ଇତିହାସକୁ ପୁନଃଲିଖନ କରିଛି ଭାରତୀୟ ହକି ଦଳ । ବ୍ରୋଞ୍ଜ ପଦକ ଜିତିବା ପରେ ପ୍ରତିକ୍ରିୟା ରଖିଛନ୍ତି ଭାରତୀୟ ପୁରୁଷ ହକି ଦଳର ଅଧିନାୟକ ମନପ୍ରିତ ସିଂ । ବିଜୟ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି ମନପ୍ରୀତ ।
ମନପ୍ରୀତ ସୋସିଆଲ ମିଡିଆରେ ଓଡିଶାର ମୁଖ୍ୟମନ୍ତ୍ରୀ ତଥା ହକି ଇଣ୍ଡିଆର ପ୍ରାୟୋଜକ ଓଡିଶା ସରକରାଙ୍କୁ ଧନ୍ୟବାଦ ଜଣାଇଛନ୍ତି । ଏହି ସଫଳତାର ଶ୍ରେୟ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦେଇଛନ୍ତି । ମୁଖ୍ୟମନ୍ତ୍ରୀଙ୍କ ପ୍ରୋତ୍ସାହନ ଫଳରେ ଦେଶ ପାଇଁ ଏଭଳି ସଫଳତା ହାସଲ କରିଥିବା ନିଜ ପ୍ରତିକ୍ରିୟାରେ ପ୍ରକାଶ କରିଛନ୍ତି ମନପ୍ରୀତ ସିଂ । ସେ କହିଛନ୍ତି ଦେଶରେ କ୍ରିକେଟର କ୍ରେଜ ଥିବା ବେଳେ ହକିକୁ ବାଛିଥିଲେ ଓଡିଶା ମୁଖ୍ୟମନ୍ତ୍ରୀ । ଆଉ ଯାହାର ଫଳ ଆଜି ଆମେ ଅଲିମ୍ପିକ୍ସରେ ପାଇଛୁ ।
This dream won’t be possible without the encouragement & vision of Hon’ble Chief Minister of Odisha Shri Naveen Patnaik ji @CMO_Odisha @sports_odisha who has been supporting us throughout this journey - thank you so much sir from the team and I 🙏🏼 #OdishaCelebratesOlympicGlory pic.twitter.com/WkdNxPiGk2
— Manpreet Singh (@manpreetpawar07) August 5, 2021
ସୂଚନାଥାଉ କି, 2018ରୁ ଜାତୀୟ ହକି ଦଳ ପ୍ରାୟୋଜକ ରହିଛନ୍ତି ରାଜ୍ୟ ସରକାର । ଦଳର ଏହି ଐତିହାସିକ ବିଜୟରେ ଖୁସ ବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ । ଦଳକୁ ଶୁଭେଚ୍ଛା ଜଣାଇବା ସହ ଆସନ୍ତା 16 ତାରିଖରେ ଦଳକୁ ଭୁବନେଶ୍ୱରରେ ଭବ୍ୟ ସ୍ବାଗତ କରାଯିବ ବୋଲି କହିଛନ୍ତି ।
1980 ମସିହାରେ ଭାରତ ସ୍ୱର୍ଣ୍ଣ ଜିତିଥିଲା । ସେହି ଦିନଠାରୁ ଭାରତରେ ହକିର ମାନ ସମାନ ନଥିଲା ଏବଂ ଆମେ କେବଳ ଅଲିମ୍ପିକ୍ ପଦକକୁ ଅପେକ୍ଷା କରିଥିଲୁ। କିନ୍ତୁ ବର୍ତ୍ତମାନ ପୁଣି ସମାନ କ୍ରେଜ୍, ସମାନ ଯାଦୁ ପୁଣି ଥରେ ଦେଖାଯିବା ଆରମ୍ଭ ହୋଇଛି । ଏହି ବ୍ରୋଞ୍ଜ ପଦକ ମ୍ୟାଚରେ ଭାରତ ଜର୍ମାନୀକୁ 5-4 ଗୋଲରେ ପରାସ୍ତ କରିଛି।
Click it and Unblock the Notifications
Sign in with Google