ଭାରତୀୟ କ୍ରିକେଟର୍ ଅଭିଷେକ ଶର୍ମା ହସ୍ପିଟାଲରେ ଭର୍ତ୍ତି

T20 ବିଶ୍ୱକପ୍ 2026 ମଧ୍ୟରେ ଟିମ୍ ଇଣ୍ଡିଆ ପାଇଁ ଚିନ୍ତା ବଢ଼ିଯାଇଛି । ପେଟ ସଂକ୍ରମଣ ଯୋଗୁଁ ଓପନର ଅଭିଷେକ ଶର୍ମାଙ୍କୁ ହସ୍ପିଟାଲରେ ଭର୍ତ୍ତି ହେବାକୁ ପଡ଼ିଛି । ତାଙ୍କର ହଠାତ୍ ସ୍ୱାସ୍ଥ୍ୟାବସ୍ଥା ଖରାପ ହେବା ଦଳ ପରିଚାଳନାକୁ ସତର୍କ କରିଦେଇଛି, ବିଶେଷକରି ଭାରତକୁ ପରବର୍ତ୍ତୀ ମ୍ୟାଚ୍ ରେ ନାମ୍ବିଆ ସହିତ ମୁକାବିଲା କରିବାକୁ ପଡୁଥିବାରୁ। ପୂର୍ବରୁ, ଟିମ୍ ଇଣ୍ଡିଆର ସହାୟକ ପ୍ରଶିକ୍ଷକ ରିଆନ୍ ଟେନ୍ ଡୋଇସଚେଟ୍ ସୂଚନା ଦେଇଥିଲେ ଯେ ଅଭିଷେକ 'ପେଟ ଖରାପ'ରେ ପୀଡିତ, ଯାହା ଯୋଗୁଁ ସେ ନାମ୍ବିଆ ମ୍ୟାଚ୍ ପୂର୍ବରୁ ଅରୁଣ ଜେଟଲି ଷ୍ଟାଡିୟମରେ ଦଳର ପ୍ରଶିକ୍ଷଣ ଅଧିବେଶନରେ ଯୋଗ ଦେଇପାରିଲେ ନାହିଁ ।

ମ୍ୟାଚ୍ ପୂର୍ବରୁ ସାମ୍ବାଦିକ ସମ୍ମିଳନୀରେ ଟେନ୍ ଡୋଇସଚେଟ୍ ଅଭିଷେକଙ୍କ ସୁସ୍ଥତା ବିଷୟରେ ଆଶାବାଦୀ ଥିଲେ। ସେ କହିଛନ୍ତି ଯେ ଅଭିଷେକଙ୍କ ପେଟ ସମସ୍ୟା ଅଛି, କିନ୍ତୁ ଆମେ ଆଶା କରୁଛୁ ଯେ ସେ ଦୁଇ ଦିନ ମଧ୍ୟରେ ମ୍ୟାଚ୍ ଖେଳିବା ପାଇଁ ଉପଲବ୍ଧ ହେବେ। ଟି-୨୦ ବିଶ୍ୱକପରେ ଆମେରିକା ବିପକ୍ଷରେ ଭାରତର ପ୍ରଥମ ମ୍ୟାଚ୍ ସମୟରେ ଅଭିଷେକ ଶର୍ମା ମଧ୍ୟ ଅସୁସ୍ଥ ଥିଲେ। ଏହା ସତ୍ତ୍ୱେ, ସେ ମୁମ୍ବାଇରେ ମ୍ୟାଚ୍ ଖେଳିଥିଲେ। ତଥାପି, ତାଙ୍କ ସ୍ୱାସ୍ଥ୍ୟାବସ୍ଥା ଖରାପ ହେବାରୁ ସେ ତାଙ୍କର ଖାତା ଖୋଲିପାରି ନଥିଲେ ଏବଂ ଫିଲ୍ଡିଂ ମଧ୍ୟ କରିପାରି ନଥିଲେ। ଭାରତକୁ ପ୍ରଥମ ଏବଂ ଦ୍ୱିତୀୟ ମ୍ୟାଚ୍ ମଧ୍ୟରେ ପାଞ୍ଚ ଦିନର ବିରତି ମିଳିଥିଲା, କିନ୍ତୁ ତାଙ୍କ ସ୍ୱାସ୍ଥ୍ୟାବସ୍ଥା ଆଶାନୁରୂପ ଉନ୍ନତି ହୋଇନାହିଁ।

English summary

Indian cricketer Abhishek Sharma admitted to hospital