ପ୍ରଥମ ସିଙ୍ଗାପୁର ଓପନ୍ସ ଟାଇଟଲ ଜିତିଲେ ପିଭି ସିନ୍ଧୁ
ସିଙ୍ଗାପୁର ଓପନ୍ସ ମହିଳା ସିଙ୍ଗଲ୍ସରେ ଐତିହାସିକ ବିଜୟ ହାସଲ କଲେ । ଫାଇନାଲରେ ଚୀନ ଖେଳାଳି ୱଙ୍ଗ ଝିଙ୍କୁ ୨୧-୯, ୧୧-୨୧ ଓ ୨୧-୧୫ରେ ହରାଇଛନ୍ତି ସିନ୍ଧୁ ।
ସିଙ୍ଗାପୁର: ଇତିହାସ ରଚିଲେ ଭାରତୀୟ ଷ୍ଟାର ବ୍ୟାଡମିଣ୍ଟନ ଖେଳାଳି ପିଭି ସିନ୍ଧୁ । ସିଙ୍ଗାପୁର ଓପନ୍ସ ମହିଳା ସିଙ୍ଗଲ୍ସରେ ଐତିହାସିକ ବିଜୟ ହାସଲ କଲେ । ଫାଇନାଲରେ ଚୀନ ଖେଳାଳି ୱଙ୍ଗ ଝିଙ୍କୁ ୨୧-୯, ୧୧-୨୧ ଓ ୨୧-୧୫ରେ ହରାଇଛନ୍ତି ସିନ୍ଧୁ । ତେବେ ଏହି ସିନ୍ଧୁଙ୍କ ପ୍ରଥମ ସିଙ୍ଗାପୁର ଓପନ୍ସ ଟାଇଟଲ ।
ପ୍ରଥମ ସେଟରେ ସିନ୍ଧୁ ଜବରଦସ୍ତ ପ୍ରଦର୍ଶନ କରି ୱାଙ୍ଗଙ୍କୁ ହରାଇଥିଲେ । ମାତ୍ର ଦ୍ୱିତୀୟ ସେଟରେ ୱାଙ୍ଗ ବିଜୟୀ ହୋଇ ମ୍ୟାଚରେ ରୋମାଞ୍ଚ ଭରି ଦେଇଥିଲେ । ନିର୍ଣ୍ଣାୟକ ସେଟରେ ସିନ୍ଧୁ ୨୧-୧୫ରେ ବିଜୟୀ ହୋଇଥିଲେ । ଚଳିତ ବର୍ଷ ସିନ୍ଧୁଙ୍କ ଏହା ତୃତୀୟ ଟାଇଟଲ । ସେ ଏହା ପୂର୍ବରୁ କୋରିଆ ଓପନ ଓ ସୁଇସ ଓପନରେ ଚାମ୍ପିୟନ ହୋଇ ସାରିଛନ୍ତି ।
ସିନ୍ଧୁ ଚଳିତ ବର୍ଷ ଏହି ପ୍ରଥମ ସୁପର-୫୦୦ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟ ଜିତିଛନ୍ତି। ଏହା ପୂର୍ବରୁ ସିନ୍ଧୁ ଦୁଇଟି ସୁପର-୩୦୦ ଟୁର୍ଣ୍ଣାମେଣ୍ଟ ସୟଦ ମୋଦୀ ଇଣ୍ଟରନ୍ୟାସନାଲ ଏବଂ ସ୍ୱିସ୍ ଓପନ୍ ଟାଇଟଲ୍ ଜିତିଥିଲେ। ସିନ୍ଧୁ ସିଙ୍ଗାପୁର ଓପନ୍ ଜିତି ରାଜ୍ୟଗୋଷ୍ଠୀ କ୍ରୀଡାରେ ମଧ୍ୟ ସ୍ୱର୍ଣ୍ଣ ଦାବିକୁ ମଜବୁତ କରିଛନ୍ତି।
Click it and Unblock the Notifications
Sign in with Google