ଶ୍ରେୟସ ଆୟରଙ୍କ ଶତକ ବଳରେ ଜିତିଲା ଭାରତ, ସିରିଜ 1-1ରେ ବରାବର
ଭାରତ ବନାମ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ଦ୍ୱିତୀୟ ମ୍ୟାଚରେ ଚମତ୍କାର ବିଜୟ ହାସଲ କରିଛି ଘରୋଇ ଭାରତୀୟ ଦଳ । କର ବା ମର ମ୍ୟାଚରେ 7 ୱିକେଟରେ ବିଜୟ ହୋଇ ସିରିଜକୁ 1-1ରେ ବରାବର କରିଛି ଟିମ ଇଣ୍ଡିଆ ।
India vs South Africa, 2nd ODI: ଭାରତ ବନାମ ଦକ୍ଷିଣ ଆଫ୍ରିକା ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ଦ୍ୱିତୀୟ ମ୍ୟାଚରେ ଚମତ୍କାର ବିଜୟ ହାସଲ କରିଛି ଘରୋଇ ଭାରତୀୟ ଦଳ । କର ବା ମର ମ୍ୟାଚରେ 7 ୱିକେଟରେ ବିଜୟ ହୋଇ ସିରିଜକୁ 1-1ରେ ବରାବର କରିଛି ଟିମ ଇଣ୍ଡିଆ । ଦଳ ବିଜୟର ଶ୍ରେୟ ଶ୍ରେୟସ ଆୟର ଓ ଯୁବ ଇଶାନ କିଷାନଙ୍କୁ ଯାଉଛି ।
ଦକ୍ଷିଣ ଆଫ୍ରିକା ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ମନୋନୀତ ହୋଇଥିଲା। ପ୍ରଥମେ ବ୍ୟାଟିଂ କରି 50 ଓଭରରେ 7ଟି ୱିକେଟ ହରାଇ 278 ସ୍କୋର କରିଥିଲା ଭ୍ରମଣକାରୀ ଦଳ । ଜବାବରେ ଭାରତ 3ଟି ୱିକେଟ୍ ହରାଇ 45.5 ଓଭରରେ ଟାର୍ଗେଟକୁ ପଛରେ ପକାଇ ଦେଇଥିଲା। ଏହି ମ୍ୟାଚରେ ଶ୍ରେୟସ୍ ଆୟର ସର୍ବାଧିକ ଅପରାଜିତ 113 ରନ୍ ସ୍କୋର କରିଥିଲେ। ସଞ୍ଜୁ ସାମସନ ମଧ୍ୟ ଦଳ ପାଇଁ ଅପରାଜିତ 30 ସ୍କୋର କରିଥିଲେ।
279 ରନ୍ ପଛରେ ଗୋଡାଇ ଭାରତୀୟ ଦଳର ଆରମ୍ଭ ଆଉ ଭଲ ନଥିଲା । କ୍ୟାପଟେନ ଶିଖର ଧୱନଙ୍କ ବ୍ୟାଟ୍ ପୁଣି ଥରେ ଚୁପ୍ ରହିଥିଲା । 20 ଟି ବଲରେ 13 ରନ୍ ସ୍କୋର କରିବା ପରେ ୱେନ ପାର୍ନେଲଙ୍କ ଦ୍ୱାରା ଧୱନ ଆଉଟ୍ ହୋଇଥିଲେ । ପରେ ଦ୍ୱିତୀୟ ଓପନର୍ ଶୁବମାନ ଗିଲ ମଧ୍ୟ ଶୀଘ୍ର ପାଭିଲିୟନକୁ ଫେରିଥିଲେ। ଶୁବମାନ ଗିଲ 26 ବଲରେ 28 ରନ ସ୍କୋର କରିଥିଲେ ।
ଦୁଇଟି ୱିକେଟ୍ ଶୀଘ୍ର ଖସିଯିବା ପରେ ଶ୍ରେୟସ୍ ଆୟର ଏବଂ ଇଶାନ୍ କିଶନ ଏକ ବଡ଼ ଭାଗିଦାରୀ ଖେଳିଥିଲେ। ଶ୍ରେୟସ୍ ଆୟର 103 ଟି ବଲରେ ନିଜର ଦିନିକିଆ କ୍ୟାରିୟରର ପ୍ରଥମ ଶତକ ସ୍କୋର କରିଥିଲେ । ଉଭୟ ବ୍ୟାଟ୍ସମ୍ୟାନ୍ ତୃତୀୟ ୱିକେଟ୍ ପାଇଁ 161 ରନ୍ ବାଣ୍ଟିଥିଲେ ଏବଂ ମ୍ୟାଚ୍କୁ ଭାରତ ସପକ୍ଷରେ ଆଣିଥିଲେ। ଏହି ସମୟରେ, ଇଶାନ କିଶନ ତାଙ୍କ ଦିନିକିଆ କ୍ୟାରିୟରର ପ୍ରଥମ ଶତକରୁ ବଞ୍ଚିତ ହୋଇଥିଲେ । ସେ 93 ରନ୍ ସ୍କୋର କରିବା ପରେ ପାଭିଲିୟନକୁ ଫେରିଥିଲେ।
ଏହା ପୂର୍ବରୁ ଟସ୍ ଜିତିବା ପରେ ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରିକା 7 ୱିକେଟ୍ ହରାଇ 278 ରନ୍ ସଂଗ୍ରହ କରିଥିଲା। ଆଫ୍ରିକା ପାଇଁ ରେଜା ହେଣ୍ଡ୍ରିକ୍ସ ଏବଂ ଆଡେନ ମାର୍କ୍ରାମ ଅର୍ଦ୍ଧଶତକ ହାସଲ କରିଥିଲେ। ଭାରତ ପରି ଆଫ୍ରିକୀୟମାନେ ମଧ୍ୟ ଭଲ ଆରମ୍ଭ କରିନଥିଲେ। ଆଫ୍ରିକା 40 ଟି ୱିକେଟ୍ ହରାଇଥିଲା। କିନ୍ତୁ ରେଜା ହେଣ୍ଡ୍ରିକ୍ସ ଏବଂ ଆଡେନ ମାର୍କ୍ରାମ 129 ରନ୍ ସ୍କୋର କରି ଏକ ସମ୍ମାନଜନକ ସ୍କୋରରେ ପହଞ୍ଚିବା କାର୍ଯ୍ୟ କରିଥିଲେ।
Click it and Unblock the Notifications
Sign in with Google