'ଆସେସ୍‌ ଠାରୁ ବଡ଼ ଭାରତ-ପାକିସ୍ତାନ ମ୍ୟାଚ୍'

India vs Pakistan Rivalry: ଏସିଆ କପ୍ 2023 ଆଜିଠୁ ଆରମ୍ଭ ହେଉଛି । ତେବେ ସମସ୍ତ ପ୍ରଶଂସକ ଉତ୍ସାହର ସହିତ 2 ସେପ୍ଟେମ୍ବର ତାରିଖକୁ ଅପେକ୍ଷା କରିଛନ୍ତି । କାରଣ 2019 ଦିନିକିଆ ବିଶ୍ୱକପ ପରେ ଏହି ଦିନ ଭାରତ ଏବଂ ପାକିସ୍ତାନର ଦଳ 50 ଓଭର ଫର୍ମାଟରେ ପ୍ରଥମ ଥର ପରସ୍ପର ବିପକ୍ଷରେ ଖେଳିବେ । ଏହି ମ୍ୟାଚ୍ ବିଷୟରେ ଏକ ବଡ଼ ବିବୃତ୍ତି ଦେଇ ଅଷ୍ଟ୍ରେଲିଆର ପୂର୍ବତନ ଖେଳାଳି ଟମ୍ ମୁଡି ଏହାକୁ ଆଶେସ ଅପେକ୍ଷା ଏକ ବଡ଼ ପ୍ରତିଦ୍ୱନ୍ଦ୍ୱିତା ବୋଲି କହିଛନ୍ତି ।

ସୂଚନାଥାଉକି, ଭାରତ ଏବଂ ପାକିସ୍ତାନ ମଧ୍ୟରେ ଏସିଆ କପ୍ ଗ୍ରୁପ୍ ପର୍ଯ୍ୟାୟ ମ୍ୟାଚ୍ ଶନିବାର ସେପ୍ଟେମ୍ୱର 2ରେ ଖେଳାଯିବ । ଏହା ଏପରି ଏକ ମୁକାବିଲା ଯାହା କିଛି ଦିନରେ ଦୁଇ ଥର ହୋଇପାରେ । କାରଣ ଛଅ ଟିମ୍‌ଙ୍କ ଏହି ଟୁର୍ଣ୍ଣାମେଣ୍ଟରେ ଦୁଇ ଟିମ୍ ସୁପର ୪ ଏବଂ ଫାଇନାଲରେ ମଧ୍ୟ ମୁହାଁମୁହିଁ ହୋଇ ପାରନ୍ତି । ଅକ୍ଟୋବରରେ, ଉଭୟ ଟିମ୍ ଅହମଦାବାଦରେ ଏକ ଲକ୍ଷରୁ ଅଧିକ କ୍ଷମତା ବିଶିଷ୍ଟ ନରେନ୍ଦ୍ର ମୋଦି ଷ୍ଟାଡିୟମରେ ଦିନିକିଆ ବିଶ୍ୱ କପରେ ପରସ୍ପରକୁ ଭେଟିବେ ।

ତେବେ ଅଷ୍ଟ୍ରେଲିଆର ପୂର୍ବତନ କ୍ରିକେଟର ଟମ୍ ମୁଡି କହିଛନ୍ତି, ଏଥିରେ କୌଣସି ସନ୍ଦେହ ନାହିଁ ଯେ ଏହା ବିଶ୍ୱ କ୍ରିକେଟରେ ସବୁଠୁ ବଡ଼ କ୍ରିକେଟ୍ ମୁକାବିଲା । ଏହା ଆସେସଠୁ ମଧ୍ୟ ଉପରେ । ଯଦିଓ ସବୁଠୁ ପୁରୁଣା ଟେଷ୍ଟ କ୍ରିକେଟରେ ପ୍ରତିଦ୍ୱନ୍ଦ୍ୱିତା ଇଂଲଣ୍ଡରେ 2-2ରେ ରୋମାଞ୍ଚକର ସିରିଜ ଖେଳିଥିଲେ ।

ଷ୍ଟାର ସ୍ପୋର୍ଟ୍ସକୁ ପ୍ରତିକ୍ରିୟା ଦେଇ ଅଷ୍ଟ୍ରେଲିଆର ପୂର୍ବତନ କ୍ରିକେଟର ଟମ ମୁଡି କହିଛନ୍ତି ଯେ, 'ମୁଁ ଅନୁଭବ କରୁଛି ଯେ ଏହି ମ୍ୟାଚ୍ ଆସେସକୁ ପଛରେ ପକାଇବ । ଉଭୟ ଚମତ୍କାର କ୍ରିକେଟ୍ ଖେଳୁଥିବା ଦେଶ । ଦୁଇ ଟିମ ଏବଂ ଖେଳାଳିଙ୍କୁ ଦେଖି ସେ କହିଛନ୍ତି, 'ପାକିସ୍ତାନୀ ଟିମରେ ମଧ୍ୟରେ ଅନେକ ପ୍ରତିଭା ଅଛନ୍ତି ।'

ଏହାସହ ସେ କହିଛନ୍ତି, 2021 ର ଟି -20 ବିଶ୍ୱକପରେ ଶାହିନ୍ ଆଫ୍ରିଦିଙ୍କ ଚମତ୍କାର ବୋଲିଂ ହେତୁ ପାକିସ୍ତାନ ଦଳ ଭାରତକୁ 10 ୱିକେଟରେ ପରାସ୍ତ କରିଛି। ତେବେ ଗତ ଟି -20 ବିଶ୍ୱକପରେ ଆଫ୍ରିଦି ଏହି ସଫଳତା କରିବାରେ ସଫଳ ହୋଇପାରି ନଥିଲେ । ଏହା ସତ୍ତ୍ୱେ ସେ ଆଗାମୀ ଏସିଆ କପରେ ନୂଆ ବଲ ସହିତ ଭାରତୀୟ ଦଳ ପାଇଁ ସବୁଠାରୁ ବଡ ବିପଦ ବୋଲି କୁହାଯାଉଛି । ଟମ ମୁଡି ଏ ସମ୍ପର୍କରେ କହିଛନ୍ତି ଯେ ଯଦି ଆଫ୍ରିଦି ନୂଆ ବଲ ସହ ୱିକେଟ୍ ନେବାରେ ସଫଳ ହୁଅନ୍ତି, ତେବେ ଏହା ଭାରତୀୟ ଦଳର ମଧ୍ୟମ ଅର୍ଡର ଉପରେ ସ୍ପଷ୍ଟ ଭାବେ ଚାପ ପକାଇବ ।

English summary

India vs Pakistan Rivalry Is Bigger Then Ashes: Tom Moody