ଆଜି ହେବ କଡ଼ା ଟକ୍କର: ଭାରତ-ପାକିସ୍ତାନ ମଧ୍ୟରେ ହାଇଭୋଲଟେଜ୍ ମ୍ୟାଚ୍
IND vs PAK: ଟି-୨୦ ବିଶ୍ୱକପରେ ଆଜି ନ୍ୟୁୟର୍କରେ ଭାରତ-ପାକିସ୍ତାନ ମଧ୍ୟରେ ଖେଳାଯିବ ହାଇଭୋଲଟେଜ୍ ମ୍ୟାଚ୍ । ଯାହାକୁ ନେଇ ଆଜି କ୍ରିକେଟ୍ ପ୍ରେମୀଙ୍କ ମଧ୍ୟରେ ଉତ୍ସାହ ବୃଦ୍ଧି ପାଇଛି । ରବିବାର ନ୍ୟୁୟର୍କର ନାସାଉ କାଉଣ୍ଟି ଇଣ୍ଟରନ୍ୟାସନାଲ ଷ୍ଟାଡିୟମରେ ରୋହିତ ଶର୍ମାଙ୍କ ନେତୃତ୍ୱାଧୀନ ଭାରତୀୟ ଟିମ ପାକିସ୍ତାନ ବିପକ୍ଷରେ ମ୍ୟାଚ୍ ଖେଳିବାକୁ ଯାଉଛି । ଭାରତୀୟ ସମୟ ରାତି 8 ଟାରୁ ମ୍ୟାଚ୍ ଆରମ୍ଭ ହେବ ।
ତେବେ ସମାନ ଗ୍ରାଉଣ୍ଡରେ ଆୟର୍ଲାଣ୍ଡ ବିପକ୍ଷରେ ଭାରତ ଶେଷ ମ୍ୟାଚ ଜିତିଥିବାବେଳେ ପାକିସ୍ତାନକୁ ଆମେରିକାର ଅପମାନଜନକ ପରାଜୟର ସାମ୍ନା କରିବାକୁ ପଡିଥିଲା । ଏହି ସିରିଜରେ ଉଭୟ ଦଳ ପୂର୍ବରୁ ଗୋଟିଏ ଲେଖାଏଁ ମ୍ୟାଚ୍ ଖେଳିସାରିଛି । ଆୟର୍ଲାଣ୍ତ-ଇଣ୍ତିଆ ମ୍ୟାଚରେ ଓପନିଂ କରିଥିଲେ ରୋହିତ ଶର୍ମା ଏବଂ ବିରାଟ କୋହଲି ଏହି ମ୍ୟାଚରେ ଅର୍ଥାତ୍ ପାକିସ୍ତାନ ବିପକ୍ଷରେ ମଧ୍ୟ ଓପନିଂ କରିବେ ବୋଲି ସୂଚନା ରହିଛି ।
Click it and Unblock the Notifications
Sign in with Google