ଟେଷ୍ଟ ଚାମ୍ପିୟନଶିପ ଫାଇନାଲ: କାହାକୁ ମିଳିବ କେତେ ଟଙ୍କା ପୁରଷ୍କାର ? ଭାରତ ନା ଅଷ୍ଟ୍ରେଲିଆ, କାହାକୁ ମିଳିବ ଅଧିକ ?

Published: Wednesday, June 7, 2023, 14:40 [IST]

India vs Australia WTC Final 2023: ଆଜି (ଜୁନ୍ 7) ଠାରୁ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଇଂଲଣ୍ଡର ଓଭାଲ ଗ୍ରାଉଣ୍ଡରେ WTC ଫାଇନାଲ ମ୍ୟାଚ ଆରମ୍ଭ ହେବାକୁ ଯାଉଛି । ଭାରତୀୟ ସମୟ ଅପରାହ୍ନ 3ଟାରୁ ମ୍ୟାଚ୍ ଆରମ୍ଭ ହେବ । ଏହି ଫାଇନାଲ ଜିତି ଆଇସିସି ଟ୍ରଫି ଦଶନ୍ଧିର ମରୁଡ଼ିକୁ ଶେଷ କରିବାକୁ ଚେଷ୍ଟା କରିବ ଭାରତ ।

ତେବେ ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲ ଜୁନ୍ 11 ତାରିଖ ପର୍ଯ୍ୟନ୍ତ ଚାଲିବାକୁ ଥିବା ବେଳେ 12 ତାରିଖକୁ ରିଜର୍ଭ ଡେ ରଖାଯାଇଛି । ଫାଇନାଲ ପାଇଁ ପୁରସ୍କାର ପୂର୍ବରୁ ରାଶି ଘୋଷଣା କରିଥିଲା ଆଇସିସି । ଅଫିସିଆଲ୍ ୱେବସାଇଟରେ ପୁରସ୍କାର ରାଶି ଉଲ୍ଲେଖ ରହିଛି ।

କାହାକୁ ମିଳିବ କେତେ ?

ତେବେ ଯେଉଁ ଦଳ ଟାଇଟଲ୍ ଜିତିବ ତାଙ୍କୁ ପୁରସ୍କାର ରାଶି ଭାବରେ 13.24 କୋଟି ଟଙ୍କା ଦିଆଯିବ । ଫାଇନାଲରେ ହାରିଥିବା ଦଳ 6.5 କୋଟି ଟଙ୍କା ପାଇବ। ଏହା ବ୍ୟତୀତ ନବମ ସ୍ଥାନ ପର୍ଯ୍ୟନ୍ତ ରହିଥିବା ସମସ୍ତ ଦଳ ପୁରସ୍କାର ରାଶି ଭାବରେ କିଛି ପାଇବେ । ତୃତୀୟ ସ୍ଥାନରେ ଥିବା ଦଳ 3.6 କୋଟି ଟଙ୍କା, ଚତୁର୍ଥ ସ୍ଥାନରେ ଥିବା ଦଳ 2.8 କୋଟି ଟଙ୍କା ଏବଂ ପଞ୍ଚମ ସ୍ଥାନରେ ଥିବା ଦଳ 1.6 କୋଟି ଟଙ୍କା ପାଇବ।

ଦକ୍ଷିଣ ଆଫ୍ରିକାର ଦଳ ଏହାକୁ ତୃତୀୟ ସ୍ଥାନରେ, ଇଂଲଣ୍ଡ ଚତୁର୍ଥ ଏବଂ ଶ୍ରୀଲଙ୍କା 5 ନମ୍ବରରେ ସ୍ଥାନିତ କରିଛି । ଷଷ୍ଠରୁ ନବମ ସ୍ଥାନକୁ ପ୍ରତ୍ୟେକ ଦଳକୁ 82-82 ଲକ୍ଷ ଟଙ୍କା ଦିଆଯିବ। ନ୍ୟୁଜିଲାଣ୍ଡ ଦଳ ଷଷ୍ଠ ସ୍ଥାନରେ ରହିଛି । ପାକିସ୍ତାନ 7 ନମ୍ବରରେ, ୱେଷ୍ଟଇଣ୍ଡିଜ୍ ଅଷ୍ଟମ ସ୍ଥାନରେ ଏବଂ ବାଂଲାଦେଶ 9 ନମ୍ବରରେ ରହିଛି।

ପିଚ ରିପୋର୍ଟ

ଏହି ମ୍ୟାଚ୍ ଲଣ୍ଡନର ଓଭାଲ ଗ୍ରାଉଣ୍ଡରେ ଖେଳାଯିବ । ଏଠାରେ ୱିକେଟରେ ଭଲ ବାଉନ୍ସ ହୋଇଥାଏ । ଦ୍ରୁତ ବୋଲରମାନଙ୍କୁ ଏଠାରେ ଲାଭ ଉଠାଇଥାନ୍ତି । କିନ୍ତୁ ମ୍ୟାଚ୍ ଆଗେଇବା ପରେ ପିଚ୍ ସ୍ପିନ୍ ବୋଲରମାନଙ୍କୁ ବେସ ସୁହାଇଥାଏ । ପ୍ରାୟ ତୃତୀୟ ଦିନ ସ୍ପିନରମାନେ ଆଧିପତ୍ୟ ବିସ୍ତାର କରିଥାନ୍ତି । ଦ୍ରୁତ ବୋଲରଙ୍କ ସ୍ୱିଙ୍ଗ୍ ପାଣିପାଗ ଉପରେ ନିର୍ଭର କରେ। ନିକଟରେ ସାମ୍ନାକୁ ଆସିଥିବା ଚିତ୍ରରେ ପିଚ ବେଶ କଅଁଳ ଘାସରେ ଆଛାଦିତ ଥିବା ଦେଖିବାକୁ ମିଳିଥିଲା । ଏଭଳି ପିଚ ପେସର ଓ ସୀମର ବୋଲରଙ୍କୁ ବେସ ସୁହାଇଥାଏ ।

ପୂର୍ବ ରେକର୍ଡ

ଲଣ୍ଡନର ଓଭାଲ ଗ୍ରାଉଣ୍ଡରେ ଅଷ୍ଟ୍ରେଲିଆ ୩୮ଟି ଟେଷ୍ଟ ଖେଳିଛି, ଯେଉଁଥିରେ ଦଳ ୭ଟି ଜିତିଛି । ସେହିଭଳି ଭାରତ ୧୪ଟି ମ୍ୟାଚ ମଧ୍ୟରୁ ୨ଟି ଜିତିଛି । ଏଭଳି ପରିସ୍ଥିତିରେ ଉଭୟ ଦଳ ମଧ୍ୟରେ ଆକର୍ଷଣୀୟ ପ୍ରତିଯୋଗିତା ଦେଖିବାକୁ ମିଳେ । ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଏପର୍ଯ୍ୟନ୍ତ ମୋଟ ୧୦୬ ଟେଷ୍ଟ ମ୍ୟାଚ୍ ଖେଳାଯାଇଛି ଯେଉଁଥିରେ ଅଷ୍ଟ୍ରେଲିଆ ୪୪ଟି ବିଜୟ ସହ ନିଜର ପ୍ରାଧାନ୍ୟ ବଜାୟ ରଖିଛି । ଏଥିରେ ଭାରତ ୩୨ଟି ମ୍ୟାଚ୍ ଜିତିଛି । ୨୦୨୧ ମସିହାରେ ଭାରତ ଏହି ଗ୍ରାଉଣ୍ଡରେ ଶେଷ ଟେଷ୍ଟ ଖେଳିଥିଲା ଯେଉଁଥିରେ ଦଳ ଜିତିଥିଲା ।

ଦୁଇ ଦଳର ସମ୍ଭାବ୍ୟ ଏକାଦଶ

ଭାରତର ସମ୍ଭାବ୍ୟ ଏକାଦଶ: ରୋହିତ ଶର୍ମା, ଶୁବମନ ଗିଲ, ଚେତେଶ୍ୱର ପୂଜାରା, ବିରାଟ କୋହଲି, ଆଜିଙ୍କ୍ୟ ରାହାଣେ, କେଏସ ଭରତ, ରବିନ୍ଦ୍ର ଜାଡ଼େଜା, ରବିଚନ୍ଦ୍ରନ ଅଶ୍ୱିନ, ମହମ୍ମଦ ଶାମୀ, ମହମ୍ମଦ ସିରାଜ, ଶାର୍ଦ୍ଦୁଲ ଠାକୁର ।
ଅଷ୍ଟ୍ରେଲିଆ ସମ୍ଭାବ୍ୟ ଏକାଦଶ: ଡେଭିଡ଼ ଓ୍ୱାର୍ଣ୍ଣର, ଉସମାନ ଖ୍ୱାଜା, ମାର୍ନସ ଲାବୁସେନ, ଷ୍ଟିଭ ସ୍ମିଥ, ଟ୍ରେଭିସ ହେଡ଼ କ୍ୟାମେରୁନ ଗ୍ରୀନ, ଏଲେକ୍ସ କ୍ୟାରୀ, ମିଶେଲ ଷ୍ଟାର୍କ, ପ୍ୟାଟ କମିନ୍ସ, ନାଥନ ଲିଓନ, ସ୍କାଟ ବୋଲେଣ୍ଡ ।

Published On June 7, 2023