ଆୟର୍ଲାଣ୍ଡ ସହ ଦୁଇଟି ସୀମିତ ଓଭର ମ୍ୟାଚ୍‌ ଖେଳିବ ଭାରତ

ଭାରତୀୟ ଦଳ ଆସନ୍ତା ଜୁନ ମାସ ଶେଷଭାଗରେ ଆୟର୍ଲାଣ୍ଡ ଗସ୍ତ କରି ଦୁଇଟି ସୀମିତ ଓଭର ମ୍ୟାଚ୍‌ ଖେଳିବ। ମ୍ୟାଚ୍‌ର ଫର୍ମାଟ୍‌ ଚୂଡ଼ାନ୍ତ ହୋଇନଥିଲେ ମଧ୍ୟ ସମ୍ଭବତଃ ଟ୍ବେଣ୍ଟି-୨୦ ଖେଳାଯିବାର ସମ୍ଭାବନା ରହିଛି। ଏ ନେଇ ଖୁବଶୀଘ୍ର ବିସିସିଆଇ ପକ୍ଷରୁ ଘୋଷଣା କରାଯିବ। ଆୟର୍ଲାଣ୍ଡ ବିପକ୍ଷ ଏହି ଶୃଙ୍ଖଳା ଭାରତୀୟ ଦଳର ଆଫଗାନିସ୍ତାନ ବିପକ୍ଷ ଶୃଙ୍ଖଳା ପରେ ଓ ଇଂଲଣ୍ଡ ବିପକ୍ଷ ଶୃଙ୍ଖଳା ପୂର୍ବରୁ ହେବ।

ଜୁନ ମାସରେ ଭାରତ ଆଫଗାନିସ୍ତାନ ବିପକ୍ଷରେ ଗୋଟିଏ ଟେଷ୍ଟ ଓ ତିନିଟି ଦିନିକିଆ ଖେଳିବ। ଏହି ଶୃଙ୍ଖଳାର ଶେଷ ଦିନିକିଆ ଜୁନ ୨୦ରେ ଖେଳାଯିବ। ସେହିପରି ଜୁଲାଇରେ ଭାରତୀୟ ଦଳ ଇଂଲଣ୍ଡ ଗସ୍ତ କରି ପାଞ୍ଚଟି ଟ୍ବେଣ୍ଟି-୨୦ ଓ ତିନିଟି ଦିନିକିଆ ଖେଳିବ। ୨୦୧୮, ୨୦୨୨ ଓ ୨୦୨୩ରେ ଭାରତୀୟ ଦଳ ଆୟର୍ଲାଣ୍ଡ ଗସ୍ତ କରି ତିନିଟି ମ୍ୟାଚ ବିଶିଷ୍ଟ ଶୃଙ୍ଖଳା ଖେଳିଥିଲା। କିନ୍ତୁ ଏଥର ଭାରତର ବ୍ୟସ୍ତବହୁଳ କାର୍ଯ୍ୟସୂଚୀ ଯୋଗୁଁ ଦଳ ୨ଟି ମ୍ୟାଟ୍‌ ଖେଳିବ।

English summary

India to play two limited overs matches against Ireland