ଟି-20 ବିଶ୍ୱକପ: ନୂଆ ରୂପରେ ଭାରତୀୟ ପେସ୍ ଆଟାକ୍, ଶାମି, ସିରାଜ୍, ଶାର୍ଦ୍ଦୁଲ ଯିବେ ଅଷ୍ଟ୍ରେଲିଆ !
ଟି -20 ବିଶ୍ୱକପ ପୂର୍ବରୁ ପ୍ରସ୍ତୁତି ପାଇଁ ଟିମ୍ ଇଣ୍ଡିଆ ଅଷ୍ଟ୍ରେଲିଆରେ ପହଞ୍ଚିଛି। ଟି-20 ଟୁର୍ଣ୍ଣାମେଣ୍ଟର ଅଷ୍ଟମ ସିଜନ 16 ଅକ୍ଟୋବରରୁ ଆରମ୍ଭ ହେଉଛି । ତେବେ ଆହତ କାରଣରୁ ଦ୍ରୁତ ବୋଲର ଜସପ୍ରୀତ ବୁମରା ଟୁର୍ଣ୍ଣାମେଣ୍ଟରୁ ବାଦ ପଡିଛନ୍ତି ।
ନୂଆଦିଲ୍ଲୀ: ଟି -20 ବିଶ୍ୱକପ ପୂର୍ବରୁ ପ୍ରସ୍ତୁତି ପାଇଁ ଟିମ୍ ଇଣ୍ଡିଆ ଅଷ୍ଟ୍ରେଲିଆରେ ପହଞ୍ଚିଛି। ଟି-20 ଟୁର୍ଣ୍ଣାମେଣ୍ଟର ଅଷ୍ଟମ ସିଜନ 16 ଅକ୍ଟୋବରରୁ ଆରମ୍ଭ ହେଉଛି । ତେବେ ଆହତ କାରଣରୁ ଦ୍ରୁତ ବୋଲର ଜସପ୍ରୀତ ବୁମରା ଟୁର୍ଣ୍ଣାମେଣ୍ଟରୁ ବାଦ ପଡିଛନ୍ତି । ତାଙ୍କ ସ୍ଥାନରେ ମହମ୍ମଦ ଶାମି 15 ସଦସ୍ୟ ବିଶିଷ୍ଟ ଦଳରେ ସ୍ଥାନ ପାଇପାରିବେ। ଶାମି ବର୍ତ୍ତମାନ ଏନସିଏରେ ଅଛନ୍ତି ଏବଂ ଶୀଘ୍ର ଅଷ୍ଟ୍ରେଲିଆ ଯାଇପାରନ୍ତି ।
ଶାମି ପୂର୍ବରୁ ଷ୍ଟାଣ୍ଡବାଇରେ ଥିଲେ । ବର୍ତ୍ତମାନ ମହମ୍ମଦ ସିରାଜ ଷ୍ଟାଣ୍ଡବାଇରେ ସ୍ଥାନ ପାଇପାରିବେ । ସେ ଗତ ଦକ୍ଷିଣ ଆଫ୍ରିକା ବିପକ୍ଷ ସିରିଜରେ ଚମତ୍କାର ପ୍ରଦର୍ଶନ କରିଥିଲେ ଏବଂ ପ୍ଲେୟାର ଅଫ୍ ଦି ସିରିଜ୍ ଥିଲେ । ଏଥି ସହ ଦ୍ରୁତ ବୋଲର ଦୀପକ ଚହର ମଧ୍ୟ ଆହତ ହୋଇଛନ୍ତି। ତାଙ୍କ ସ୍ଥାନରେ ଅଲରାଉଣ୍ଡର ଶାର୍ଦ୍ଦୁଲ ଠାକୁରଙ୍କୁ ଟି -20 ବିଶ୍ୱକପ ପାଇଁ ଷ୍ଟାଣ୍ଡବାଇ ଭାବରେ ଚୟନ କରାଯାଇପାରିବ। ଅର୍ଥାତ୍ ଭାରତର ପେସ୍ ଆଟାକ୍ ସଂପୂର୍ଣ୍ଣ ରୂପେ ପରିବର୍ତ୍ତିତ ହୋଇପାରେ |
ଦକ୍ଷିଣ ଆଫ୍ରିକା ବିପକ୍ଷ ଦିନିକିଆ ସିରିଜର ଶେଷ ଦୁଇଟି ମ୍ୟାଚରେ ମହମ୍ମଦ ସିରାଜଙ୍କର ବହୁତ ଭଲ ପ୍ରଦର୍ଶନ ଥିଲା । ରାଞ୍ଚିରେ ଖେଳାଯାଇଥିବା ଦ୍ୱିତୀୟ ମ୍ୟାଚରେ ସେ 10 ଓଭରରେ 38 ରନ୍ ପାଇଁ 3 ୱିକେଟ୍ ନେଇଥିଲେ। ଏଥି ସହିତ ଦିଲ୍ଲୀରେ ଖେଳାଯାଇଥିବା ତୃତୀୟ ଦିନିକିଆରେ ସେ 17 ରନ୍ ପାଇଁ 2 ୱିକେଟ୍ ନେବାରେ ସଫଳ ହୋଇଥିଲେ। ଭାରତୀୟ ଦଳ ସିରିଜକୁ 2-1ରେ କାବୁ କରିଥିଲା।
ବିସିସିଆଇ ଶୀଘ୍ର ଏହି ଖେଳାଳିମାନଙ୍କୁ ଅଷ୍ଟ୍ରେଲିଆ ପଠାଇପାରେ । ଯାହା ଦ୍ୱାରା ସେମାନେ ନିଜକୁ ପରିବେଶ ସହ ଅନୁକୂଳ କରିପାରିବେ। 23 ଅକ୍ଟୋବରରେ ପ୍ରଥମ ମ୍ୟାଚରେ ଭାରତୀୟ ଦଳ ପାକିସ୍ତାନକୁ ଭେଟୁଛି ।
Click it and Unblock the Notifications
Sign in with Google