ପର୍ଥ ଟେଷ୍ଟର ପ୍ରଥମ ଇଂନିସରେ ଭାରତ ୧୫୦ ରନରେ ଅଲଆଉଟ୍
ପର୍ଥ ଟେଷ୍ଟର ପ୍ରଥମ ଇଂନିସରେ ୧୫୦ ରନରେ ଅଲଆଉଟ୍ ହେଲା ଟିମ୍ ଇଣ୍ଡିଆ । ଭାରତ ଟସ୍ ଜିତି ପର୍ଥ ଷ୍ଟାଡିୟମରେ ବିଶ୍ୱର ଦ୍ରୁତତମ ଟ୍ରାକରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ହେଲେ ପ୍ରଥମ ଟେଷ୍ଟ ମ୍ୟାଚରେ ଟିମ୍ ଇଣ୍ତିଆର ବ୍ୟାଟିଂ ବିପର୍ଯ୍ୟୟ ଘଟିଛି । ପ୍ରଥମ ଇନିଂସରେ ଟିମ୍ ଇଣ୍ତିଆ ମାତ୍ର ୧୫୦ ରନ କରି ଅଲ୍ ଆଉଟ୍ ହୋଇ ଯାଇଛି ।
ଭାରତ ଓ ଅଷ୍ଟ୍ରେଲିଆ ମ୍ୟାଚରେ ଜସପ୍ରୀତ ବୁମ୍ରା ତାଙ୍କ ଏକାଦଶ ଖେଳିବାରେ ଆଶ୍ଚର୍ଯ୍ୟଜନକ ପରିବର୍ତ୍ତନ କରିଥିଲେ ଏବଂ ଅଭିଜ୍ଞ ଖେଳାଳିଙ୍କ ସ୍ଥାନରେ ଦୁଇ ଜଣ ଯୁବକଙ୍କୁ ସୁଯୋଗ ଦେଇଥିଲେ।
ପ୍ରଥମ ଇନିଂସରେ ଟିମ୍ ଇଣ୍ଡିଆର ବ୍ୟାଟିଂ ବହୁତ ଦୁର୍ବଳ ଦେଖାଯାଉଥିଲା। ଭାରତୀୟ ଦଳ ୪୯.୩ ଓଭରରେ ମାତ୍ର ୧୫୦ ରନ୍ ସ୍କୋର କରିପାରିଛି। ଭାରତୀୟ ବ୍ୟାଟ୍ସମ୍ୟାନ୍ ଆରମ୍ଭରୁ ହିଁ ଭଲ ପ୍ରଦର୍ଶନ କରି ନଥିଲେ । ଯଶସ୍ୱୀ ଜୈସୱାଲ ଏବଂ ଦେବଦତ୍ତ ପଡିକ୍କଲ ଖାତା ଖୋଲି ପାରିନଥିଲେ । ଏହା ପରେ ବିରାଟ କୋହଲି ପାଞ୍ଚ ରନ୍ ସ୍କୋର କରିବା ପରେ ଏବଂ ଧ୍ରୁଭ ଜୁରେଲ ୧୧ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ।
ଏହା ପରେ ୱାଶିଂଟନ୍ ସୁନ୍ଦର ମଧ୍ୟ ଚାରି ରନରେ ଆଉଟ୍ ହୋଇଯାଇଥିଲେ । ଋଷଭ ପନ୍ଥ ଏବଂ ନୀତୀଶ ରେଡ୍ଡୀଙ୍କ ମଧ୍ୟରେ ସପ୍ତମ ୱିକେଟ୍ ପାଇଁ ୪୮ ରନର ଏକ ପାର୍ଟନସିପ୍ ହୋଇଥିଲା । କିନ୍ତୁ ପନ୍ଥ ଆଉଟ୍ ହେବା ମାତ୍ରେ ଭାରତୀୟ ଇନିଂସ ଶେଷ ହୋଇଥିଲା। ନୀତୀଶ ସର୍ବାଧିକ ୪୧ ରନ ସ୍କୋର କରିଥିବାବେଳେ ପନ୍ଥ ୩୭ ରନ ସଂଗ୍ରହ କରିଥିଲେ। ଯଥାକ୍ରମେ ସାତ ଓ ଆଠ ରନ୍ ସ୍କୋର କରିବା ପରେ ହର୍ଷିତ ରାଣା ଏବଂ ଜସପ୍ରୀତ ବୁମ୍ରା ଆଉଟ୍ ହୋଇଯାଇଥିଲେ ।
Click it and Unblock the Notifications
Sign in with Google