Independence Day 2025: ୭୮ ନା ୭୯ ତମ ସ୍ୱାଧୀନତା ଦିବସ ?

ଆଉ ୪ ଦିନ ପରେ ସାରା ଦେଶ ପାଳିବ ଗୌରବର ଦିବସ । ଗାଁ ଗହଳିରୁ ସହର ଯାଏଁ ଚାରିଆଡ଼େ ଫରଫର୍ ହୋଇ ଉଡ଼ିବ ତ୍ରିରଙ୍ଗା । ଜାତୀୟ ପତାକାକୁ ସମ୍ମାନ ଜଣାଇବା ସହ ଇଂରେଜ କବଳରୁ ଆମ ଦେଶ ମାତୃକାକୁ ସ୍ୱାଧୀନ କରିଥିବା ମହାନ ବ୍ୟକ୍ତିତ୍ୱଙ୍କୁ ମନେ ପକାଇ ନିଜକୁ ଭାରତୀୟ ଭାବେ ଗର୍ବ ଅନୁଭବ କରିବା । ଯଦିଓ ଏହି ଦିନ ଆମ ସମସ୍ତ ଭାରତୀୟଙ୍କ ପାଇଁ ଏକ ଗୌରବର ଦିନ ତଥାପି ଏହାକୁ ନେଇ ଆମ ମନରେ କିଛି ଦ୍ୱନ୍ଦ ରହିଥାଏ । ପ୍ରତିବର୍ଷ ଏହା କେତେ ତମ ସ୍ୱାଧୀନତା ଦିବସ ତାକୁ ନେଇ ଅନେକ ଦ୍ୱନ୍ଦ ଭିତରେ ରହିଥାନ୍ତି ।

୧୯୪୭ ମସିହା ଅଗଷ୍ଟ ୧୫ ତାରିଖରେ ଦେଶ ୨୦୦ ବର୍ଷର ବ୍ରିଟିଶ ଶାସନରୁ ସ୍ୱାଧୀନ ହୋଇଥିଲା । ୧୫ ଅଗଷ୍ଟ ୧୯୪୭ ରେ, ଭାରତରେ ବ୍ରିଟିଶ ଉପନିବେଶ ଶାସନ ଶେଷ ହେଲା, ପ୍ରାୟ ୨୦୦ ବର୍ଷର ବ୍ରିଟିଶ ଶାସନ ଶେଷ ହେଲା । ସେହି ଐତିହାସିକ ଦିନଠାରୁ, ୧୫ ଅଗଷ୍ଟକୁ ଭାରତର ସ୍ୱାଧୀନତା ଦିବସ ଭାବେ ପାଳନ କରାଯାଏ । ୧୫ ଅଗଷ୍ଟ ୧୯୪୭ ରେ, ଭାରତ ସ୍ୱାଧୀନତାର ପ୍ରଥମ ବାର୍ଷିକୀ ପାଳନ କଲା । ତେଣୁ, ଦେଶ ସ୍ୱାଧୀନତାର ୭୮ ବର୍ଷ ପୂରଣ କରିସାରିଛି ।

ଅନ୍ୟପକ୍ଷରେ, ଯଦି ଆମେ ସ୍ୱାଧୀନତାର ପ୍ରକୃତ ତାରିଖରୁ ଗଣନା କରିବା - ୧୫ ଅଗଷ୍ଟ ୧୯୪୭, ଏହାର ଅର୍ଥ ହେଉଛି ୧୯୪୭ ସର୍ବଦା ଭାରତର ସ୍ୱାଧୀନତାର ପ୍ରଥମ ବର୍ଷ ଏବଂ ପ୍ରଥମ ସ୍ୱାଧୀନତା ଦିବସ ଭାବରେ ସ୍ମରଣୀୟ ହୋଇ ରହିବ । ଫଳସ୍ୱରୂପ, ୨୦୨୫ ରେ ଦେଶ ଏହାର ୭୯ ତମ ସ୍ୱାଧୀନତା ଦିବସ ପାଳନ କରିବ ।

କଣ ରହିଛି ଚଳିତ ବର୍ଷର ଥିମ୍ :

ଏହି ବର୍ଷ ସ୍ୱାଧୀନତା ଦିବସ ଗୁରୁବାର ଦିନ ପଡୁଛି, ଥିମ୍ ରହିଛି 'ବିକାଶ ଭାରତ' । ଏହି ଥିମ୍ ସ୍ଵାଧୀନତାର (୨୦୪୭) ୧୦୦ ବର୍ଷ ପରେ ବିକଶିତ ରାଷ୍ଟ୍ର ହୋଇ ଏକ ପ୍ରଗତିଶୀଳ, ଅନ୍ତର୍ଭୂକ୍ତ ଏବଂ ସଶକ୍ତ ଭାରତର ଦୃଷ୍ଟିକୁ ପ୍ରତିଫଳିତ କରେ । ପ୍ରତିବର୍ଷ ଭଳି, ଏହି ବର୍ଷ ମଧ୍ୟ ଅଗଷ୍ଟ ୧୫ ରେ, ଦେଶ ତ୍ରିରଙ୍ଗାର ରଙ୍ଗରେ ରଙ୍ଗୀନ ହେବ ।