IND vs WI: ବିଜୟର ଦ୍ୱାର ଦେଶରେ ଭାରତ, ବର୍ଷା ସାଜିପାରେ ବାଧକ

Updated: Monday, July 24, 2023, 18:27 [IST]

Ind vs WI, 2nd Test, Weather Report: ୱେଷ୍ଟଇଣ୍ଡିଜ୍ ବିପକ୍ଷ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ଭାରତୀୟ କ୍ରିକେଟ୍ ଦଳର ଆଶା ଏକ ବିପର୍ଯ୍ୟୟର ସମ୍ମୁଖୀନ ହୋଇପାରେ । ପୋର୍ଟ ଅଫ୍ ସ୍ପେନ୍ ଟେଷ୍ଟରେ ଭାରତ ମ୍ୟାଚର ଚତୁର୍ଥ ଦିନରେ ଦୃଢ ସ୍ଥିତିରେ ରହିଛି । ଏପରି କହିପାରିବା କି, ଭ୍ରମଣକାରୀ ଦଳ ଏବେ ବିଜୟର ଦ୍ବାର ଦେଶରେ ରହିଛି ।

ଭାରତର ନିଜର ଦ୍ୱିତୀୟ ଇନିଂସରେ 2 ୱିକେଟ୍ ପାଇଁ 181 ରନ୍ ସ୍କୋର କରିବା ପରେ କ୍ୟାପଟେନ ରୋହିତ ଶର୍ମା ଇନିଂସ ଘୋଷଣା କରିଥିଲେ । ପ୍ରଥମ ଇନିଂସରେ 438 ରନ୍ ସ୍କୋର କରିବା ପରେ ୱେଷ୍ଟଇଣ୍ଡିଜ୍ ଟିମ୍ ତାର ପ୍ରଥମ ଇଂନିଶରେ ମାତ୍ର 255 ରନ୍ ସଂଗ୍ରହ କରିଥିଲା । ଫଳରେ ଭାରତ ପ୍ରଥମ ପାଳି ଆଧାରରେ ଘରୋଇ ଇଣ୍ଡିଜ୍ ଦଳ ଆଗରେ 356 ରନ୍ ଲକ୍ଷ୍ୟ ଧାର୍ଯ୍ୟ ହୋଇଥିଲା ।

ତେବେ ଗତକାଲି (ରବିବାର), 4ର୍ଥ ଦିନ ୱେଷ୍ଟଇଣ୍ଡିଜ୍ ତାର ଦ୍ୱିତୀୟ ଇନିଂସ ଆରମ୍ଭ କରିଥିଲା । ମାତ୍ର ଚତୁର୍ଥ ଦିନର ଷ୍ଟମ୍ପ ଅପସାରଣ ସୁଦ୍ଧା ଘରୋଇ ଇଣ୍ଡିଜ୍ ଦଳ ଦୁଇ ମୂଲ୍ୟବାନ ୱିକେଟ୍ ହରାଇ ମାତ୍ର 76 ରନ କରିପାରିଛି । ଫଳରେ ଶେଷ ଦିନରେ କାରବିଆନ ଦଳକୁ ବିଜୟ ପାଇଁ 289 ରନ୍ ଆବଶ୍ୟକ ରହିଛି । ଯାହାକି ଘରୋଇ ଦଳ ପାଇଁ ଅସମ୍ଭବ ହେବା ଭଳି ଲାଗୁଛି । ତେଣୁ ଏପରି ସ୍ଥିତିରେ ଭାରତର ବିଜୟ ନିଶ୍ଚିତ ବୋଲି ଚର୍ଚ୍ଚା ହେଉଛି । ମାତ୍ର ଭାରତ ବିଜୟ ଦ୍ବାର ଦେଶରେ ଥିବାବେଳେ ବର୍ଷା ଦ୍ୱିତୀୟ ଟେଷ୍ଟ ମ୍ୟାଚ୍ ଉପରେ ପ୍ରଭାବ ପକାଇ ପାରେ ବୋଲି ପାଣିପାଗ ରିପୋର୍ଟ କହୁଛି । ମ୍ୟାଚର ତୃତୀୟ ତଥା ଚତୁର୍ଥ ଦିନରେ ବହୁ ସମୟ ନଷ୍ଟ କରିବା ପରେ ପଞ୍ଚମ ଦିନରେ ମଧ୍ୟ ବର୍ଷା ବାଧକ ସାଜିପାରେ ।

ପାଣିପାଗ ବିଭାଗ ଅନୁଯାୟୀ, ଆଜି ଦିନରେ 80 ପ୍ରତିଶତ ବର୍ଷା ହେବାର ସମ୍ଭାବନା ରହିଛି । ଏଭଳି ପରିସ୍ଥିତିରେ ମ୍ୟାଚ ଉପରେ ଏହାର ପ୍ରଭାବ ପଡ଼ିବ । ଏହି ମ୍ୟାଚରେ ଭାରତକୁ ତିନୋଟି ଅଧିବେଶନରେ 8 ୱିକେଟ୍ ନେବାକୁ ପଡିବ । ଯାହା ସହଜ ପ୍ରତ୍ୟେୟମାନ ହେଉଛି । କିନ୍ତୁ ବର୍ଷା ହେତୁ ଖେଳରେ ସମୟ ନଷ୍ଟ ହେଲେ ଟିମ୍ ଇଣ୍ଡିଆର କାର୍ଯ୍ୟ ନଷ୍ଟ ହୋଇଯିବ। ଆଇସିସି ବିଶ୍ୱ ଟେଷ୍ଟ ଚାମ୍ପିଅନସିପରେ ପଏଣ୍ଟ ଦୃଷ୍ଟିରୁ ଉଭୟ ଟେଷ୍ଟ ଜିତି ଭାରତ ଅଧିକରୁ ଅଧିକ ପଏଣ୍ଟ କବ୍ଜା କରିବା ଲକ୍ଷ୍ୟରେ ରହିଛି । ମାତ୍ର, ଯଦି ଏହି ମ୍ୟାଚ୍ ଡ୍ର ହେଉଛି, ତେବେ ଭାରତ କ୍ଷତି ସହିବ ।

ବର୍ଷା ହେତୁ ଆଶେସ୍ ସିରିଜର ଚତୁର୍ଥ ମ୍ୟାଚ୍ ଶେଷ ହୋଇପାରି ନଥିଲା ଏବଂ ମ୍ୟାଚ୍ ଡ୍ର ହୋଇଥିଲା । ଅଷ୍ଟ୍ରେଲିଆ କ୍ରମାଗତ ଦୁଇଟି ମ୍ୟାଚ୍ ଏବଂ ଇଂଲଣ୍ଡ ତୃତୀୟ ମ୍ୟାଚ୍ ଜିତିଲା । ଚତୁର୍ଥ ଟେଷ୍ଟରେ ଇଂଲଣ୍ଡର ଦୃଢ ପ୍ରଦର୍ଶନ ପରେ ବି ଦଳ ପଏଣ୍ଟ ବାଣ୍ଟିବାକୁ ବାଧ୍ୟ ହୋଇଥିଲା । ଏହା ମଧ୍ୟ ଭାରତ ସହିତ ହୋଇପାରେ । କାରଣ ଏଠାରେ ଟିମ୍ ଇଣ୍ଡିଆ ବିଜୟ ନିଶ୍ଚିତ ଥିବାବେଳେ, କିନ୍ତୁ ଯଦି ବର୍ଷା ହେତୁ ମ୍ୟାଚ୍ ଡ୍ର ହୁଏ। ତେବେ ପଏଣ୍ଟ ବଣ୍ଟନ କରିବାକୁ ପଡିବ ।