ତୃତୀୟ ଟି-20: ଶେଷରେ ଡେବ୍ୟୁ କଲେ ଆବେଶ ଖାନ, ଗାଇକ୍ୱାର୍ଡଙ୍କୁ ବି ମିଳିଲା ମୌକା

ଭାରତ ବାନାମ ୱେଷ୍ଟଇଣ୍ଡିଜ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଟି-20 ସିରିଜର ଶେଷ ମ୍ୟାଚ୍ କୋଲକାତାର ଇଡେନ୍ ଗାର୍ଡେନ୍ସରେ ଖେଳାଯାଉଛି। ୱେଷ୍ଟଇଣ୍ଡିଜ୍ ଅଧିନାୟକ କିରନ୍ ପୋଲାର୍ଡ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି।

କୋଲକତା: ଭାରତ ବନାମ ୱେଷ୍ଟଇଣ୍ଡିଜ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଟି-20 ସିରିଜର ଶେଷ ମ୍ୟାଚ୍ କୋଲକାତାର ଇଡେନ୍ ଗାର୍ଡେନ୍ସରେ ଖେଳାଯାଉଛି। ୱେଷ୍ଟଇଣ୍ଡିଜ୍ ଅଧିନାୟକ କିରନ୍ ପୋଲାର୍ଡ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି। ଆବେଶ ଖାନ ଭାରତ ପାଇଁ ଅନ୍ତର୍ଜାତୀୟ ସ୍ତରରେ ଡେବ୍ୟୁ କରୁଛନ୍ତି। ଶେଷ ମ୍ୟାଚରେ ଭାରତର ଅଧିନାୟକ ରୋହିତ ଶର୍ମା ଦଳରେ ଚାରିଟି ପରିବର୍ତ୍ତନ କରିଛନ୍ତି। ଭାରତୀୟ ଦଳରେ ଋତୁରାଜ ଗାଇକ୍ୱାଡ, ଶ୍ରେୟସ ଆୟର, ଶାର୍ଦ୍ଦୁଲ ଠାକୁର ଏବଂ ଆବେଶ ଖାନଙ୍କୁ ସାମିଲ କରାଯାଇଛି। କ୍ୟାପଟେନ ରୋହିତ ତିନି ନମ୍ବରରେ ଅବତରଣ କରିବେ। ଏଥି ସହିତ ଋତୁରାଜ ଗାଇକୱାଡ ଓପନର୍ ଭୂମିକାରେ ଅଭିନୟ କରିବେ।

ୱେଷ୍ଟଇଣ୍ଡିଜ୍ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ପାଇଁ 25 ବର୍ଷୀୟ ଆବେଶ ଟିମ୍ ଇଣ୍ଡିଆରେ ମନୋନୀତ ହୋଇଥିଲେ । କିନ୍ତୁ ସେ ଡେବ୍ୟୁ କରିବାର ସୁଯୋଗ ପାଇ ନଥିଲେ । ଆଇପିଏଲ୍ ଇତିହାସରେ ଆବେଶ ହେଉଛନ୍ତି ସବୁଠାରୁ ମହଙ୍ଗା ଅନକ୍ୟାପଡ଼ ଖେଳାଳୀ । 20 ଲକ୍ଷ ମୂଲ୍ୟର ମୂଳ ଦାମ ସହିତ ଏହି ଦ୍ରୁତ ବୋଲରଙ୍କୁ 50 ଗୁଣ ଅଧିକ ବିକ୍ରି କରାଯାଇଥିଲା । ଆବେଶ ନୂତନ ଆଇପିଏଲ୍ ଫ୍ରାଞ୍ଚାଇଜ୍ ଲକ୍ଷ୍ନୌ ସୁପର ଜିଆଣ୍ଟସ୍ ଦ୍ୱାରା 10 କୋଟି ମୂଲ୍ୟରେ କ୍ରୟ ହୋଇଛନ୍ତି।

ଭାରତୀୟ ଏକାଦଶ: ଇଶାନ କିଷନ, ଋତୁରାଜ ଗାଇକ୍ୱାଡ, ରୋହିତ ଶର୍ମା (ଅଧିନାୟକ), ଶ୍ରେୟସ ଆୟର, ସୂର୍ଯ୍ୟକୁମାର ଯାଦବ, ଭେଙ୍କଟେଶ ଆୟର, ଶାର୍ଦ୍ଦୁଲ ଠାକୁର, ଦୀପକ ଚହର, ହର୍ଷଲ ପଟେଲ, ରବି ବିଷ୍ଣୋଇ ଏବଂ ଆବେଶ ଖାନ ।

ୱେଷ୍ଟଇଣ୍ଡିଜ୍ ଏକାଦଶ: କାଇଲ୍ ମାୟର୍ସ, ଶାଇ ହୋପ୍, ନିକୋଲାସ୍ ପୁରନ୍ (ୱିକେଟକିପର), ରୋଭମାନ୍ ପାୱେଲ, କିରନ୍ ପୋଲାର୍ଡ (ଅଧିନାୟକ), ଜେସନ୍ ହୋଲ୍ଡର, ରୋଷ୍ଟନ୍ ଚେଜ୍, ରୋମାରିଓ ଶେଫର୍, ଡୋମିନିକ୍ ଡ୍ରାକସ୍, ଫାବିଆନ୍ ଆଲେନ୍, ହେଡେନ ୱାଲଶ ।

English summary

IND vs WI 3rd T20I: Finally Avesh Khan got Chance to Make Debut