ଟିମ୍ ଇଣ୍ଡିଆ ପୁଣି ଦୁଇ ଖେଳାଳି କରୋନା ପଜିଟିଭ୍
ପ୍ରଥମେ କ୍ରୁନାଲ ପାଣ୍ଡ୍ୟାଙ୍କ ଠାରୁ ଆରମ୍ଭ ହୋଇଥିବା ଏହି ଚେନ ଭାରତୀୟ ଦଳର ବାୟୋ ବବୁଲରେ ପ୍ରବେଶ କରିଛି । ବର୍ତ୍ତମାନ ୟୁଜୁଭେନ୍ଦ୍ର ଚହଲ ଏବଂ କୃଷ୍ଣପ୍ପା ଗୋଥାମ ମଧ୍ୟ କୋଭିଡ ପଜିଟିଭ ବୋଲି ଜଣାପଡିଛି।
ନୂଆଦିଲ୍ଲୀ: ଶ୍ରୀଲଙ୍କା ଗସ୍ତରେ ଥିବା ଭାରତୀୟ ଦଳର ଶିବିରରେ କରୋନା ଭାଇରସ ହଇଚଇ ମଚାଇଲାଣି । ପ୍ରଥମେ କ୍ରୁନାଲ ପାଣ୍ଡ୍ୟାଙ୍କ ଠାରୁ ଆରମ୍ଭ ହୋଇଥିବା ଏହି ଚେନ ଭାରତୀୟ ଦଳର ବାୟୋ ବବୁଲରେ ପ୍ରବେଶ କରିଛି । ବର୍ତ୍ତମାନ ୟୁଜୁଭେନ୍ଦ୍ର ଚହଲ ଏବଂ କୃଷ୍ଣପ୍ପା ଗୋଥାମ ମଧ୍ୟ କୋଭିଡ ପଜିଟିଭ ବୋଲି ଜଣାପଡିଛି।
କ୍ରୁନାଲ ପାଣ୍ଡ୍ୟାଙ୍କ ସହ ଘନିଷ୍ଠ ସମ୍ପର୍କ ଥିବା 8 ଖେଳାଳିଙ୍କ ମଧ୍ୟରେ ଉଭୟ ଅଛନ୍ତି। 27 ଜୁଲାଇରେ କୁନାଲ ପାଣ୍ଡ୍ୟାଙ୍କ କୋଭିଡ-19 ପରୀକ୍ଷା ସକରାତ୍ମକ ହୋଇଥିଲା। ବର୍ତ୍ତମାନ ଶୁଣିବାକୁ ମିଳିଛି ଯେ, ଚହଲ, ଗୋଥାମ ଏବଂ କୁନାଲ ପାଣ୍ଡ୍ୟାଙ୍କ ବ୍ୟତୀତ ଆଉ 6 ଜଣ ଖେଳାଳି କଲମ୍ବୋରେ ରହିବେ ଏବଂ ଭାରତୀୟ ଦଳ ତୁରନ୍ତ ଭାରତକୁ ଫେରିବେ।
କରୋନା କାରଣରୁ ଭାରତ ମଧ୍ୟ ଟି -20 ସିରିଜ୍ ହରାଇଛି । କାରଣ ଏଥିରେ ଅନଅଭିଜ୍ଞ ଖେଳାଳି ଏଥିରେ ଖେଳିଛନ୍ତି ଏବଂ ଆୟୋଜକ ଦେଶ ଏହି ସିରିଜକୁ 2-1ରେ ଜିତିବାରେ ସଫଳ ହୋଇଛି। କ୍ରୁନାଲ ପାଣ୍ଡ୍ୟା, ୟୁଜବେନ୍ଦ୍ର ଚହଲ ଏବଂ କୃଷ୍ଣ ଗୋଥାମ କୋଭିଡ -19 ପଜିଟିଭ ଏବଂ ଅବଶିଷ୍ଟ 6 ଜଣ ଖେଳାଳି ହେଉଛନ୍ତି ହାର୍ଦ୍ଦିକ ପାଣ୍ଡ୍ୟା, ପୃଥ୍ବୀ ଶ, ଦୀପକ ଚହର, ମନୀଷ ପାଣ୍ଡେ, ସୂର୍ଯ୍ୟକୁମାର ଯାଦବ ଏବଂ ଇଶାନ କିଷନ। କ୍ରୁନାଲ ପାଣ୍ଡ୍ୟାଙ୍କୁ ତୁରନ୍ତ ଆଇସୋଲେସନ କରାଯାଇଥିଲା, କିନ୍ତୁ ଅବଶିଷ୍ଟ 7 ଜଣ ଖେଳାଳି ଦଳ ହୋଟେଲରେ ରହିଥିଲେ ହେଁ ସେମାନଙ୍କୁ ଅନ୍ୟ ଖେଳାଳିଙ୍କ ସହ ସାକ୍ଷାତ କରିବାକୁ ଅନୁମତି ଦିଆଯାଇ ନଥିଲା।
ଟି-20 ପୂର୍ବରୁ ଭାରତ ଦିନିକିଆ ସିରିଜକୁ 2-1ରେ ଜିତି ନେଇଥିଲା। ଏହା ପରେ ନିୟମିତ ଭାରତୀୟ ଦଳ ଅଗଷ୍ଟ 4 ରେ ଇଂଲଣ୍ଡ ବିପକ୍ଷରେ ପାଞ୍ଚ ମ୍ୟାଚ୍ ଟେଷ୍ଟ ସିରିଜ୍ ଆରମ୍ଭ କରିବ ।
Click it and Unblock the Notifications
Sign in with Google