ନୂଆବର୍ଷରେ ନୂଆ ଜର୍ସି ପିନ୍ଧି ପଡିଆକୁ ଓହ୍ଲାଇବ ଟିମ ଇଣ୍ଡିଆ

ନୂଆବର୍ଷରେ ନୂଆ ଜର୍ସି । ଟିମ ଇଣ୍ଡିଆ ନୂଆ ଜର୍ସି ସହ ନୂଆ ବର୍ଷରେ ନୂଆ ମିଶନ । ଆଜିଠୁ ଭାରତୀୟ ଦଳ ଶ୍ରୀଲଙ୍କା ବିପକ୍ଷରେ ୩ ମ୍ୟାଚ ବିଶିଷ୍ଟ ଘରୋଇ ଟି-୨୦ ସିରିଜ ଖେଳିବ ।

Published: Tuesday, January 3, 2023, 18:40 [IST]

ନୂଆଦିଲ୍ଲୀ: ନୂଆବର୍ଷରେ ନୂଆ ଜର୍ସି । ଟିମ ଇଣ୍ଡିଆ ନୂଆ ଜର୍ସି ସହ ନୂଆ ବର୍ଷରେ ନୂଆ ମିଶନ । ଆଜିଠୁ ଭାରତୀୟ ଦଳ ଶ୍ରୀଲଙ୍କା ବିପକ୍ଷରେ (ଭାରତ ବନାମ ଶ୍ରୀଲଙ୍କା) ୩ ମ୍ୟାଚ ବିଶିଷ୍ଟ ଘରୋଇ ଟି-୨୦ ସିରିଜ ଖେଳିବ । ପ୍ରଥମ ମ୍ୟାଚ ମୁମ୍ବାଇରେ ହେବାକୁ ଥିବା ବେଳେ ଆଜି ଖେଳାଳଙ୍କୁ ନୂଆ ଜର୍ସିରେ ଦେଖିବାକୁ ମିଳିଛି ।

ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ଅଧିନାୟକତ୍ୱରେ ଏହି ସିରିଜର ପ୍ରଥମ ମ୍ୟାଚ ଖେଳିବା ପାଇଁ ମଇଦାନକୁ ଓହ୍ଲାଇବ ଟିମ ଇଣ୍ଡିଆ । ତେବେ ମ୍ୟାଚ ପୂର୍ବରୁ ସ୍ପିନର ୟୁଜବେନ୍ଦ୍ର ଚହଲ ନିଜର ସୋସିଆଲ ମିଡିଆ ସାଇଟରେ ଏକ ଫୋଟ ସେୟାର କରିଛନ୍ତି । ତାଙ୍କର ଏହି ଫଟୋରେ ଟିମ ଇଣ୍ଡିଆର ଜର୍ସିରେ କିଛି ପରିବର୍ତ୍ତନ କରାଯାଇଥିବା ଲକ୍ଷ୍ୟ କରାଯାଇଛି ।

୩ ମ୍ୟାଚ ବିଶିଷ୍ଟ ଏହି ଟି-୨୦ ସିରିଜ ଆରମ୍ଭ ହେବା ପୂର୍ବରୁ ଖେଳାଳୀଙ୍କର ଏକ ଫଟୋସୁଟ କରାଯାଇଛି । ସୁଟ ପରେ ୟୁଜବେନ୍ଦ୍ର ଚହଲ ନିଜ ସୋସିଆଲ ମିଡିଆ ସାଇଟରେ ଏହି ଫଟୋକୁ ସେୟାର କରିଛନ୍ତି । ଫଟୋରେ ଅଛନ୍ତି ୟୁଜବେନ୍ଦ୍ର ଚହଲ,ଉମରାନ ମଲ୍ଲିକ, ଅର୍ଶଦୀପ ସିଂ, ମୁକେଶ କୁମାର ଏବଂ ସାଥୀରେ ଅଛନ୍ତି ଋତୁରାଜ ଗାୟକୱାଡ ।

ତେବେ ବିସିସିଆଇ ମଙ୍ଗଳବାର ଟ୍ୱିଟରରେ ଏକ ଭିଡିଓ ସେୟାର କରିଛି । ଯେଉଁଠାରେ ଖେଳାଳିମାନେ କିଲର ଲୋଗୋ ସହିତ କିଟ୍ ପିନ୍ଧିଥିବାର ନଜର ଆସିଛନ୍ତି । ତେବେ ବୋର୍ଡ ପକ୍ଷରୁ ଏହି ପରିବର୍ତ୍ତନ ବିଷୟରେ କୌଣସି ସ୍ପଷ୍ଟିକରଣ ଦିଆଯାଇ ନାହିଁ ।

ବର୍ତ୍ତମାନ ଟିମ ଇଣ୍ଡିଆର ଏହି ନୂଆ ଜର୍ସିରେ ନୂଆ କିଟ ସ୍ପନସରର ନା' ଦେଖିବାକୁ ମିଳିବ । ଏହା ପୂର୍ବରୁ ପ୍ରଥମେ ଜର୍ସିରେ ବିସିସିଆଇର ଲୋଗୋ ସହ ଏମ.ପି.ଏଲ ସ୍ପୋର୍ଟସର ନା ଦେଖିବାକୁ ମିଳୁଥିଲା । କିନ୍ତୁ ଏବେ ନୁଆ ଜର୍ସିରେ 'କିଲର' ଲେଖାଥିବା ଦେଖିବାକୁ ମିଳିବ । ଏହା ପୂର୍ବରୁ ଟିମ ଇଣ୍ଡିଆର କିଟ ସ୍ପନସରର ରାଇଟସ କେବଳ ଏମପିଏଲ ସ୍ପୋର୍ଡ୍ସ ପାଖରେ ରହିଥିଲା ।

ଟିମ ଇଣ୍ଡିଆର ନୂଆ ମିଶନ:

ଏହି ଘରୋଇ ସିରିଜରେ ଭାରତର ୩ ସୁପରଷ୍ଟାର ରୋହିତ ଶର୍ମା, ବିରାଟ କୋହଲି ଓ ଲୋକେଶ ରାହୁଲଙ୍କୁ ସାମିଲ କରାଯାଇ ନାହିଁ। ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏହି ନୂଆ ଭାରତୀୟ ଟି-୨୦ ଦଳର ନେତୃତ୍ୱ ନେବେ। ଅନ୍ୟ ପକ୍ଷରେ କହିବାକୁ ଗଲେ ଏବେ ଭାରତୀୟ ଟି-୨୦ ଦଳର ଭାଗ୍ୟ ବିଧାତା ହେବେ ହାର୍ଦ୍ଦିକ। ନୂଆ ଖେଳାଳି, ନୂଆ ଟିମ୍‌‌ ଓ ନୂଆ ମ୍ୟାନେଜମେଣ୍ଟ ସହ ଭାରତ ତାହାର ଟି-୨୦ ଅଭିଯାନ ଆରମ୍ଭ କରିବ।

ସେହିପରି ଅଲରାଉଣ୍ଡର ଭୂମିକାରେ ପାଣ୍ଡ୍ୟାଙ୍କ ସହ ଦୀପକ ହୁଡ୍ଡା, ୱାଶିଂଟନ ସୁନ୍ଦର ରହିବେ । ୟୁଜଭେନ୍ଦ୍ର ଚହଲ ଓ ଅକ୍ସର ପଟେଲଙ୍କ ମଧ୍ୟରେ ଅନ୍ୟ ସ୍ଥାନ ଲାଗି ପ୍ରତିଦ୍ୱନ୍ଦ୍ୱିତା ହୋଇ ପାରେ। ଅଭିଜ୍ଞ ହର୍ଷଲ ପଟେଲ, ଅର୍ଶଦୀପ ସିଂ ଓ ଉମ୍ରାନ ମଲ୍ଲିକଙ୍କ ଉପରେ ପେସ ବାହିନୀର ଦାୟିତ୍ୱ ରହିବ।

ଟିମ ଇଣ୍ଡିଆ: ହାର୍ଦ୍ଦିକ ପାଣ୍ଡ୍ୟା(ଅଧିନାୟକ), ସୂର୍ଯ୍ୟକୁମାର ଯାଦବ, ଈଶାନ କିଶାନ, ରିତୁରାଜ ଗାଏକ୍ୱାଡ, ଶୁଭମନ ଗିଲ, ଦୀପକ ହୁଦା, ରାହୁଲ ତ୍ରିପାଠୀ, ସଞ୍ଜା ସାମସନ, ୱାଶିଂଟନ ସୁନ୍ଦର, ୟୁଜଭେନ୍ଦ୍ର ଚହଲ, ଅକ୍ଷର ପଟେଲ, ଅର୍ଶଦୀପ ସିଂ, ଉମରାନ ମଲିକ, ଶିବମ ମାବୀ ଓ ମୁକେଶ କୁମାର ।

ଭାରତ ଶ୍ରୀଲଙ୍କା ମଧ୍ୟରେ ସିରିଜର ପ୍ରଥମ ମ୍ୟାଚ ଜାନୁଆରୀ ୩ ମଙ୍ଗଳବାର ମୁମ୍ବାଇରେ ଖେଳାଯିବାକୁ ଥିବାବେଳେ ଦ୍ୱିତୀୟ ମ୍ୟାଚଟି ଜାନୁଆରୀ ୫ ପୁନେ ଠାରେ ଖେଳାଯିବ, ଏହା ସହିତ ସିରିଜର ଫାଇନାଲ ମ୍ୟାଚଟି ଜାନୁଆରୀ ୭ ରାକକୋଟ ଠାରେ ଖେଳାଯିବ ।

Published On January 3, 2023