ପ୍ରଥମ ଦିନିକିଆ: ବିରାଟଙ୍କ ଶତକ, ରୋହିତଙ୍କ ବିଗ୍ ହିଟ୍; ଶ୍ରୀଲଙ୍କା ଆଗରେ ବିଶାଳ ବିଜୟ ଲକ୍ଷ୍ୟ ଠିଆ କଲା ଭାରତ

ଭାରତ ବନାମ ଶ୍ରୀଲଙ୍କା ପ୍ରଥମ ଦିନିକିଆରେ ବିଶାଳ ରନ କରିଛି ଘରୋଇ ଭାରତୀୟ ଦଳ । କୋହଲିଙ୍କ ଶତକ ଓ ଆରମ୍ଭରୁ ରୋହିତଙ୍କ ବିଗ୍ ହିଟ୍ ବଳରେ ପ୍ରଥମ ଦିନିଆରେ ଭାରତ ୭ ୱିକେଟ ହରାଇ ୩୭୩ ରନ କରିଛି ।

Published: Tuesday, January 10, 2023, 18:02 [IST]

ଗୌହାଟୀ: ଭାରତ ବନାମ ଶ୍ରୀଲଙ୍କା ପ୍ରଥମ ଦିନିକିଆରେ ବିଶାଳ ରନ କରିଛି ଘରୋଇ ଭାରତୀୟ ଦଳ । କୋହଲିଙ୍କ ଶତକ ଓ ଆରମ୍ଭରୁ ରୋହିତଙ୍କ ବିଗ୍ ହିଟ୍ ବଳରେ ପ୍ରଥମ ଦିନିଆରେ ଭାରତ ୭ ୱିକେଟ ହରାଇ ୩୭୩ ରନ କରିଛି । ଫଳରେ ବିପକ୍ଷ ଶ୍ରୀଲଙ୍କା ଆଗରେ ଏବେ ୩୭୪ ରନର ଟାର୍ଗେଟ ରହିଛି ।

ସ୍ଥାନୀୟ ବର୍ଷାପରା ଷ୍ଟାଡିୟମରେ ଖେଳାଯାଉଥିବା ପ୍ରଥମ ଦିନିକିଆରେ ଶ୍ରୀଲଙ୍କାର ଅଧିନାୟକ ଦସୁନ ଶନକା ଟସ୍‌ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି । ଫଳରେ ବ୍ୟାଟିଂ ପାଇଁ ଆସିଥିଲା ଭାରତ । ଭାରତ ଆରମ୍ଭରୁ ଚମତ୍କାର ପ୍ରଦର୍ଶନ କରିଥିଲା । ଦୁଇ ଓପନର ୧୪୩ ରନର ପାର୍ଟନରସିପ କରିଥିଲେ । ଏହି ମ୍ୟାଚରେ ଭାରତ ପକ୍ଷରୁ ବିରାଟ କୋହଲି ୧୧୩, ରୋହିତ ଶର୍ମା ୮୩, ଶୁଭମନ ଗିଲ ୭୦ ଓ କେଏଲ ରାହୁଲ ୩୯ ରନ କରିଥିଲେ ।

ତେବେ ୪୯ ଓଭର ଶେଷ ସୁଦ୍ଧା ଭାରତ ୭ ୱିକେଟ ହରାଇ ୩୬୭ ରନ କରିଥିଲା। ଶେଷ ଓଭର ବୋଲିଂ କରିବାକୁ ଆସିଥିଲେ କରୁଣାରତ୍ନେ । ସେ ମାତ୍ର ୬ ରନ ଦେବାରୁ ଭାରତ ନିର୍ଦ୍ଧାରିତ ୫୦ ଓଭରରେ ୭ ୱିକେଟ ହରାଇ ୩୭୩ ରନ କରିଛି ।

Published On January 10, 2023