ବକ୍ସିଂ ଡେ ଟେଷ୍ଟ: ଉପ-ଅଧିନାୟକ ଯୋଡିଲେ ଶତକ, ପୁଣି ଫେଲ୍ କ୍ୟାପଟେନ କୋହଲି
ପ୍ରଥମ ଇନିଂସରେ କେଏଲ୍ ରାହୁଲ ଏକ ଚମତ୍କାର ଶତକ ହାସଲ କରିଛନ୍ତି । ସେ 218 ବଲରେ ନିଜର ଶତକ ପୂରଣ କରିଛନ୍ତି । ଦକ୍ଷିଣ ଆଫ୍ରିକାରେ ରାହୁଲଙ୍କର ଏହା ପ୍ରଥମ ଶତକ ଏବଂ ତାଙ୍କ ଟେଷ୍ଟ କ୍ୟାରିୟରର ସପ୍ତମ ଶତକ । ଏହି ସମୟରେ ରାହୁଲ 14 ଚୌକା ଓ ଗୋଟିଏ ଛକା ମାରିଛନ୍ତି ।
ସେଞ୍ଚୁରିୟନ୍: 3 ମ୍ୟାଚ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ ସେଞ୍ଚୁରିଅନରେ ଭାରତ ବନାମ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଉଛି । ଏହି ଟେଷ୍ଟର ପ୍ରଥମ ଇନିଂସରେ କେଏଲ୍ ରାହୁଲ ଏକ ଚମତ୍କାର ଶତକ ହାସଲ କରିଛନ୍ତି । ସେ 218 ବଲରେ ନିଜର ଶତକ ପୂରଣ କରିଛନ୍ତି । ଦକ୍ଷିଣ ଆଫ୍ରିକାରେ ରାହୁଲଙ୍କର ଏହା ପ୍ରଥମ ଶତକ ଏବଂ ତାଙ୍କ ଟେଷ୍ଟ କ୍ୟାରିୟରର ସପ୍ତମ ଶତକ । ଏହି ସମୟରେ ରାହୁଲ 14 ଚୌକା ଓ ଗୋଟିଏ ଛକା ମାରିଛନ୍ତି ।
ଏହାପୂର୍ବରୁ ରୋହିତ ଶର୍ମାଙ୍କ ଅନୁପସ୍ଥିତିରେ କେଏଲ୍ ରାହୁଲ ଏବଂ ମୟଙ୍କ ଅଗ୍ରୱାଲ ଇନିଂସ ଆରମ୍ଭ କରିଥିଲେ। ଏହି ଯୋଡି ପ୍ରଥମ ୱିକେଟ୍ ପାଇଁ 117 ରନ୍ ଯୋଡିଥିଲା । ଏହି ସ୍କୋରରେ ମୟଙ୍କ 60 ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ଆଫ୍ରିକାରେ 11 ବର୍ଷ ପରେ, ଭାରତର ଓପନିଂ ଯୋଡି ଏକ ଶତକିୟ ଭାଗିଦାରୀ ଖେଳିଛି । ଏହାପୂର୍ବରୁ 2010 ରେ ଗୌତମ ଗମ୍ଭୀର ଏବଂ ବିରେନ୍ଦର ସେହୱାଗ ପ୍ରଥମ ୱିକେଟ୍ ପାଇଁ 137 ରନ୍ ଭାଗିଦାରୀ କରିଥିଲେ।
କେଏଲ୍ ରାହୁଲଙ୍କ ଏହି ଇନିଂସ ମଧ୍ୟ ସ୍ୱତନ୍ତ୍ର। କାରଣ ଆହତ ରୋହିତ ଶର୍ମାଙ୍କ ସ୍ଥାନରେ ଏହି ଟେଷ୍ଟ ସିରିଜ୍ ପାଇଁ ତାଙ୍କୁ ଟିମ୍ ଇଣ୍ଡିଆର ଉପ-ଅଧିନାୟକ କରାଯାଇଛି ଏବଂ ଏହି ଦାୟିତ୍ୱ ପାଇବା ପରେ ସେ ପ୍ରଥମ ମ୍ୟାଚ୍ରେ ଏକ ଶତକ ହାସଲ କରିଛନ୍ତି।
ଚଳିତ ବର୍ଷ ଟେଷ୍ଟରେ ଏହା କେଏଲ୍ ରାହୁଲଙ୍କ ଦ୍ୱିତୀୟ ଶତକ । ଏହାପୂର୍ବରୁ ସେ ଇଂଲଣ୍ଡ ବିପକ୍ଷରେ ଲର୍ଡ ଟେଷ୍ଟରେ 129 ରନ୍ ସଂଗ୍ରହ କରିଥିଲେ। ଦକ୍ଷିଣ ଆଫ୍ରିକାରେ ଟେଷ୍ଟ ଶତକ ହାସଲ କରିବାରେ ରାହୁଲ ଦଶମ ଭାରତୀୟ। ତାଙ୍କ ପୂର୍ବରୁ ବିରାଟ କୋହଲି ଦକ୍ଷିଣ ଆଫ୍ରିକା ଗସ୍ତରେ ଏକ ଶତକ ହାସଲ କରିଥିଲେ। ସେ ସେଞ୍ଚୁରିଅନରେ 153 ରନର ଏକ ଇନିଂସ ଖେଳିଥିଲେ । ତେବେ ଭାରତ ଏହି ଟେଷ୍ଟରେ ହାରିଥିଲା । ଦକ୍ଷିଣ ଆଫ୍ରିକାରେ ସଚିନ ତେନ୍ଦୁଲକର ସର୍ବାଧିକ 5 ଶତକ ହାସଲ କରିଛନ୍ତି। ଏହା ପରେ ବିରାଟ କୋହଲି 2 ଶତକ ହାସଲ କରିଛନ୍ତି। ଆଫ୍ରିକୀୟ ମାଟିରେ ପ୍ରଭିନ ତାମ୍ରେ ଭାରତ ପାଇଁ ପ୍ରଥମ ଟେଷ୍ଟ ଶତକ ହାସଲ କରିଥିଲେ।
ବିଦେଶରେ ଯଥା, ଦକ୍ଷିଣ ଆଫ୍ରିକା, ଇଂଲଣ୍ଡ, ନ୍ୟୁଜିଲାଣ୍ଡ ଏବଂ ଅଷ୍ଟ୍ରେଲିଆରେ ଓପନର୍ ଭାବରେ କେଏଲ୍ ରାହୁଲଙ୍କ ଏହା ହେଉଛି ଚତୁର୍ଥ ଶତକ । ଏହି ପରିପ୍ରେକ୍ଷୀରେ ସୁନୀଲ ଗାଭାସ୍କର 8 ଶତକ ସହିତ ତାଙ୍କଠାରୁ ଆଗରେ ଅଛନ୍ତି। ଇନିଂସ ଖୋଲିବାବେଳେ ବିରେନ୍ଦର ସେହୱାଗ, ରବି ଶାସ୍ତ୍ରୀ ଏବଂ ଭିନୋ ମଙ୍କଡ ଏହି ଦେଶରେ ପ୍ରତ୍ୟେକ ତିନି ଶତକ ହାସଲ କରିଛନ୍ତି।
Click it and Unblock the Notifications
Sign in with Google