ଜୁନରେ ବାରବାଟୀ ଟି-20 !
ଆସନ୍ତା ଜୁନ ମାସରେ ବାରବାଟୀରେ ହୋଇପାରେ ଟି-୨୦ ମ୍ୟାଚ । ବାରବାଟୀରେ ଦକ୍ଷିଣ ଆଫ୍ରିକାକୁ ଭେଟିବ ଭାରତ ।
କଟକ: ଓସିଏକୁ ଫେରୁଛି ଗୋଟିଏ ପରେ ଗୋଟିଏ ଅନ୍ତର୍ଜାତୀୟ ମ୍ୟାଚ । ଫେବୃଆରୀରେ ଭାରତ ବନାମ ୱେଷ୍ଟଇଣ୍ଡିଜ୍ ଟି-20 ମ୍ୟାଚକୁ ବାରବାଟୀରୁ ସ୍ଥାନାନ୍ତିରତ କରାଯିବା ପରେ, ଏବେ ଓସିଏ (ଓଡିଶା କ୍ରିକେଟ ଆସୋସିଏସନ) ଆଶା ବାନ୍ଧିଛି ଆଉ ଏକ ଟି-20 ମ୍ୟାଚ ଆୟୋଜନ ନେଇ ।
ମିଳିଥିବା ଖବର ଅନୁସାରେ, ଆସନ୍ତା ଜୁନ ମାସରେ ବାରବାଟୀରେ ହୋଇପାରେ ଟି-୨୦ ମ୍ୟାଚ । ବାରବାଟୀରେ ଦକ୍ଷିଣ ଆଫ୍ରିକାକୁ ଭେଟିବ ଭାରତ । ଟି-୨୦ ମ୍ୟାଚ ନେଇ ଓସିଏ ସମ୍ପାଦକ ସଞ୍ଜୟ ବେହେରା ସୂଚନା ଦେଇଛନ୍ତି । ଏନେଇ ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କ ସହ ଆଲୋଚନା ହୋଇଥିବା ନେଇ ସେ କହିଛନ୍ତି ।
ସୂଚନା ଅନୁସାରେ କୋଭିଡ ମହାମାରୀ ପାଇଁ ୧୫ ତାରିଖରେ ହେବାକୁ ଥିବା ମ୍ୟାଚକୁ ବାରବାଟୀରୁ ସ୍ଥାନାନ୍ତର କରି ନିଆଯାଇଥିଲା । ୱେଷ୍ଟଇଣ୍ଡିଜ ବିପକ୍ଷରେ ସମସ୍ତ ଟି-୨୦ ମ୍ୟାଚ କୋଲକାତାରେ ଖେଳାଯିବା ନେଇ ବିସିସିଆଇ ନିଷ୍ପତ୍ତି ନେଇଛି ।
Click it and Unblock the Notifications
Sign in with Google