ଜୋହାନ୍ସବର୍ଗରେ ଶାର୍ଦ୍ଦୁଲଙ୍କ ଶିକାର, ଏମିତି କରିବାରେ ଷଷ୍ଠ ଭାରତୀୟ

ଦକ୍ଷିଣ ଆଫ୍ରିକା ବିପକ୍ଷ ଦ୍ୱିତୀୟ ଟେଷ୍ଟରେ ଦକ୍ଷିଣ ଆଫ୍ରିକାର ପ୍ରଥମ ଇନିଂସରେ ଭାରତର ଶାର୍ଦ୍ଦୁଲ ଠାକୁର 5 ୱିକେଟ୍ ହଲ ଶିକାର କରିଛନ୍ତି । ଟେଷ୍ଟ କ୍ୟାରିୟରରେ ଏହା ଶାର୍ଦ୍ଦୁଲଙ୍କ ପ୍ରଥମ 5 ୱିକେଟ୍ ହଲ ।

Published: Tuesday, January 4, 2022, 19:38 [IST]

ଜୋହାନ୍ସବର୍ଗ: ଦକ୍ଷିଣ ଆଫ୍ରିକା ବିପକ୍ଷ ଦ୍ୱିତୀୟ ଟେଷ୍ଟରେ ଦକ୍ଷିଣ ଆଫ୍ରିକାର ପ୍ରଥମ ଇନିଂସରେ ଭାରତର ଶାର୍ଦ୍ଦୁଲ ଠାକୁର 5 ୱିକେଟ୍ ହଲ ଶିକାର କରିଛନ୍ତି । ଟେଷ୍ଟ କ୍ୟାରିୟରରେ ଏହା ଶାର୍ଦ୍ଦୁଲଙ୍କ ପ୍ରଥମ 5 ୱିକେଟ୍ ହଲ । ୱିକେଟ୍ ନେବା ପରେ ଶାର୍ଦ୍ଦୁଲ ଏକ ସ୍ୱତନ୍ତ୍ର ରେକର୍ଡ ସୃଷ୍ଟି କରିଛନ୍ତି। ଜୋହାନ୍ସବର୍ଗରେ ଏକ ଇନିଂସରେ ପାଞ୍ଚ ୱିକେଟ୍ ନେଇ ଠାକୁର ଷଷ୍ଠ ଭାରତୀୟ ବୋଲର ଏବଂ ପଞ୍ଚମ ଭାରତୀୟ ଦ୍ରୁତ ବୋଲର ମଧ୍ୟ ହୋଇଛନ୍ତି । ଶାର୍ଦ୍ଦୁଲଙ୍କ ପୂର୍ବରୁ, ଏହି କୀର୍ତ୍ତିମାନ ମହମ୍ମଦ ଶାମିଙ୍କ ଦ୍ୱାରା ଜୋହାନ୍ସବର୍ଗରେ 2018ରେ କରାଯାଇଥିଲା ।

ଜୋହାନ୍ସବର୍ଗର ପ୍ରଥମ 5 ୱିକେଟ୍ ହଲ୍ ଅନିଲ କୁମ୍ବଲେ 1992 ମସିହାରେ ନେଇଥିଲେ । ଏହା ପରେ, 1997 ରେ ଶ୍ରୀନାଥ ଏକ ଇନିଂସରେ 5 ୱିକେଟ୍ ନେଇଥିଲେ। ଏହା ପରେ, 2006 ର ପ୍ରସିଦ୍ଧ ଟେଷ୍ଟ ବିଜୟରେ ଶ୍ରୀସନ୍ତ 5 ୱିକେଟ୍ ନେଇ ଏକ ଚମତ୍କାର କାର୍ଯ୍ୟ କରିଥିଲେ ।

A 5-WKT haul for @imShard 👏👏

This is his first five-wicket haul in Test cricket.

Live - https://t.co/b3aaGXmBg9 #SAvIND pic.twitter.com/jAfTaC2hwd
— BCCI (@BCCI) January 4, 2022

2018 ରେ ଭାରତର ଜସପ୍ରୀତ ବୁମରା 5 ୱିକେଟ୍ ନେଇଥିଲେ। 2018 ରେ ସମାନ ଟୁରରେ ମହମ୍ମଦ ଶାମି 5 ୱିକେଟ୍ ନେଇଥିଲେ । ତେବେ ଶାର୍ଦ୍ଦୁଲ ମାତ୍ର 68 ବଲ ବୋଲିଂ କରିବା ପରେ 5 ୱିକେଟ୍ ନେଇଥିଲେ, ଯାହା ଏକ ବଡ଼ କଥା ।

ଟେଷ୍ଟ ମ୍ୟାଚ୍ ବିଷୟରେ କହିବାକୁ ଗଲେ ଭାରତ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରି ଭାରତ 202 ରନ ସଂଗ୍ରହ କରିଥିଲା ଯେଉଁଥିରେ କେଏଲ୍ ରାହୁଲ 50 ରନ୍ କରିଥିଲେ ଏବଂ ଅଶ୍ୱିନ୍ 46 ରନ୍ କରିଥିଲେ।

Published On January 4, 2022