IND vs PAK, ଏସିଆ କପ୍ 2023: ଭାରତ-ପାକ୍ ମ୍ୟାଚରେ ବର୍ଷା ହେଲେ କିଏ ହେବ ବିଜେତା ? DLS ନିୟମ କଣ ?

Published: Saturday, September 2, 2023, 9:06 [IST]

IND vs PAK Asia Cup 2023 (ଇଣ୍ଡିଆ ବନାମ ପାକିସ୍ଥାନ ଏସିଆ କପ୍ ମ୍ୟାଚ୍ 2023): ଏସିଆ କପ 2023ରେ ଆଜି ଅର୍ଥାତ୍ ଶନିବାର, ସେପ୍ଟେମ୍ବର 2 ତାରିଖରେ ଦୁଇ ପାରପାମ୍ପାରିକ ପ୍ରତିଦ୍ବନ୍ଦ୍ୱୀ ଭାରତ ଏବଂ ପାକିସ୍ତାନର ମୁହାଁମୁହିଁ ହେବେ । ଏହି ମ୍ୟାଚ୍ ପାଲଲେକେ ଇଣ୍ଟରନ୍ୟାସନାଲ ଷ୍ଟାଡିୟମରେ ଖେଳାଯିବ । ଭାରତୀୟ ସମୟ ଅପରାହ୍ନ 2.30ରୁ ମ୍ୟାଚ ଆରମ୍ଭ ହେବ ।

ତେବେ ଏହି ମ୍ୟାଚ ପାଇଁ ବର୍ଷା ସବୁଠାରୁ ବଡ ମ୍ୟାଚ୍ ରେ ଭିଲେନ୍ ସାଜିପାରେ । ଏଭଳି ପରିସ୍ଥିତିରେ ବର୍ଷା ହେତୁ ଏହି ମ୍ୟାଚରେ ଡକୱର୍ଥ-ଲୁଇସ୍ (DL / S) ନିୟମ ପ୍ରଯୁଜ୍ୟ ହେବାର ସମ୍ଭାବନା ଅଛି । କିନ୍ତୁ ଏହି ନିୟମ କେବେ ଓ କିପରି ଲାଗୁ ହେବ ? ଆସନ୍ତୁ ଆମେ ଆପଣଙ୍କୁ ଏଠାରେ ସବୁ କିଛି ବୁଝାଇ କହିବୁ....

ବାସ୍ତବରେ, ଏକ ଦିନିକିଆ ଆନ୍ତର୍ଜାତୀୟ କ୍ରିକେଟରେ ଫଳାଫଳ ପାଇଁ 20-20 ଓଭରର ଖେଳ ରହିବା ଆବଶ୍ୟକ । କାଣ୍ଡିରେ ଦିନସାରା ମେଘୁଆ ପାଗ ପାଇଁ ପୂର୍ବାନୁମାନ କରାଯାଇଛି । Accuweather ଅନୁଯାୟୀ, 10 ମିଲିମିଟର ବର୍ଷା ହୋଇପାରେ । 91 ପ୍ରତିଶତ ପର୍ଯ୍ୟନ୍ତ ବର୍ଷା ହେବାର ସମ୍ଭାବନା ଅଛି । ଯଦି ବର୍ଷା ମଧ୍ୟବର୍ତ୍ତୀ ସମୟରେ ଜାରି ରହେ ତେବେ ଡକୱର୍ଥ-ଲୁଇସ୍ ନିୟମ ପ୍ରୟୋଗ ହୋଇପାରିବ । ଯଦି ବର୍ଷା ଯୋଗୁଁ ଏହି ମ୍ୟାଚ୍ ବାତିଲ ହୁଏ, ତେବେ ଉଭୟ ଦଳ ପ୍ରତ୍ୟେକଙ୍କୁ ଗୋଟିଏ ପଏଣ୍ଟ ପାଇବେ । ଏଭଳି ପରିସ୍ଥିତିରେ ପାକିସ୍ତାନ ଦଳ ସୁପର 4 ପାଇଁ ଯୋଗ୍ୟତା ଅର୍ଜନ କରିନେବ । ଅନ୍ୟପଟେ ସୁପର ଫୋର୍ ପାଇଁ ଭାରତୀୟ ଦଳକୁ ନେପାଳକୁ ଯେମିତି ହେଲେ ପରାସ୍ତ କରିବାକୁ ପଡ଼ିବ।

କିପରି ଲାଗୁ ହେବ (DLS) ନିୟମ ?

ଯଦି ଭାରତୀୟ ଦଳ ପ୍ରଥମେ ବ୍ୟାଟିଂ କରୁଥିବାବେଳେ ପାକିସ୍ତାନକୁ 320 ରନ୍ ଟାର୍ଗେଟ୍ ଦେଇଥାଏ ଏବଂ ତା'ପରେ ପାକିସ୍ତାନ ଦଳ ଟାର୍ଗେଟକୁ ଗୋଡ଼ାଇ 10 ଓଭରରେ 80 ରନ୍ ସ୍କୋର କରିଥାଏ ଏବଂ ଏହା ପରେ ବର୍ଷା ଯୋଗୁଁ ଖେଳ କିଛି ସମୟ ବନ୍ଦ ରହେ । ପରେ ପୁଣି ପାକିସ୍ତାନ ଦଳ 15 ଓଭର ପରେ ଖେଳ ଆରମ୍ଭ କରିବ ଏବଂ ତାଙ୍କୁ ସଂଶୋଧିତ ଟାର୍ଗେଟ ଦିଆଯିବ । ସେମାନଙ୍କ ଅବଶିଷ୍ଟ ୱିକେଟ୍ ଓଭର ଆଧାରରେ ପାକ୍ ଦଳକୁ ନୂଆ ଟାର୍ଗେଟ୍ ଦିଆଯିବ। ମାତ୍ର ଯଦି ବର୍ଷା ହେତୁ ଏହା ପରେ ଖେଳ ସମ୍ଭବ ନୁହେଁ, ତେବେ ମ୍ୟାଚ୍ ବାତିଲ ହୋଇଯିବ ।

ଇଣ୍ଡିଆ ବନାମ ପାକିସ୍ଥାନ ହେଡ୍ ଟୁ ହେଡ୍

ଭାରତ ଏବଂ ପାକିସ୍ତାନର ଦଳ ଏସିଆ କପ୍ (ଦିନିକିଆ ଫର୍ମାଟ୍) ରେ ଏପର୍ଯ୍ୟନ୍ତ 13 ଥର ଭେଟିଛନ୍ତି, ଯେଉଁଠାରେ ଟିମ୍ ଇଣ୍ଡିଆ 7 ଟି ମ୍ୟାଚ୍ ଜିତିଥିବାବେଳେ ପାକିସ୍ତାନ 5 ଟି ମ୍ୟାଚ୍ ଜିତିଛି । ଗୋଟିଏ ମ୍ୟାଚ୍ ବାତିଲ ହୋଇଛି । ଭାରତୀୟ ଦଳ ଏହି ଟୁର୍ଣ୍ଣାମେଣ୍ଟକୁ ସର୍ବାଧିକ 7 ଥର ଜିତିଥିବା ବେଳେ ପାକିସ୍ତାନ 2 ଥର ଟ୍ରଫି ହାସଲ କରିଛି । ଭାରତ ଏବଂ ପାକିସ୍ତାନର ଦଳ ମୋଟ ଦିନିକିଆରେ 132 ଥର ଭେଟିଛନ୍ତି, ଯେଉଁଠାରେ ଭାରତ 55 ଟି ମ୍ୟାଚ ଜିତିଥିବା ବେଳେ ପାକିସ୍ତାନ 73 ଟି ମ୍ୟାଚ ଜିତିଛି ।

ପାକିସ୍ତାନ ଚୁଡାନ୍ତ ଏକାଦଶ: ବାବର ଆଜାମ (ଅଧିନାୟକ), ଶାଦବ ଖାନ, ଫଖର ଜମାନ, ଇମାମ ଉଲ ହକ, ସଲମାନ ଅଲି, ଇଫ୍ଟିଖର ଅହମ୍ମଦ, ମହମ୍ମଦ ରିଜୱାନ (ୱିକେଟ୍ କିପର), ମହମ୍ମଦ ନୱାଜ, ନାସିମ ଶାହା, ଶାହିନ ଆଫ୍ରିଦି, ହରିସ ରାଉଫ।
ଭାରତର ସମ୍ଭାବ୍ୟ ଏକାଦଶ: ରୋହିତ ଶର୍ମା (ଅଧିନାୟକ), ଶୁଭମନ ଗିଲ, ବିରାଟ କୋହଲି, ଶ୍ରେୟସ ଆୟର, ଇଶାନ କିଷାନ (ୱିକେଟ୍ ରକ୍ଷକ), ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, କୁଲଦୀପ ଯାଦବ, ଜସପ୍ରୀତ ବୁମରା, ମହମ୍ମଦ ଶାମି ଏବଂ ମହମ୍ମଦ ସିରାଜ ।

Published On September 2, 2023