Click it and Unblock the Notifications
MUST READ
-
-
-
-
-
-
IND vs NZ: ଡେବ୍ୟୁ ମ୍ୟାଚରେ ଧାମକା କଲେ ଶ୍ରେୟସ ଆୟର
ଶ୍ରେୟସ ଆୟର ତାଙ୍କର ଟେଷ୍ଟ ଡେବ୍ୟୁ କରିଛନ୍ତି । ପ୍ରଥମ ଟେଷ୍ଟ (ଭାରତ ବନାମ ନ୍ୟୁଜିଲାଣ୍ଡ) ପାଇଁ ସେ ପ୍ଲେଇଙ୍ଗ-11 ରେ ସ୍ଥାନ ପାଇଛନ୍ତି । ଭାରତୀୟ ପୂର୍ବତନ ଅଧିନାୟକ ସୁନୀଲ ଗାଭାସ୍କର ତାଙ୍କୁ ଟେଷ୍ଟ କ୍ୟାପ ଦେଇଥିଲେ।
କାନପୁର: ଶ୍ରେୟସ ଆୟର ତାଙ୍କର ଟେଷ୍ଟ ଡେବ୍ୟୁ କରିଛନ୍ତି । ପ୍ରଥମ ଟେଷ୍ଟ (ଭାରତ ବନାମ ନ୍ୟୁଜିଲାଣ୍ଡ) ପାଇଁ ସେ ପ୍ଲେଇଙ୍ଗ-11 ରେ ସ୍ଥାନ ପାଇଛନ୍ତି । ଭାରତୀୟ ପୂର୍ବତନ ଅଧିନାୟକ ସୁନୀଲ ଗାଭାସ୍କର ତାଙ୍କୁ ଟେଷ୍ଟ କ୍ୟାପ ଦେଇଥିଲେ। ଏହି ମ୍ୟାଚରେ ଟିମ୍ ଇଣ୍ଡିଆର ଅଧିନାୟକ ଅଜିଙ୍କ୍ୟ ରାହାନେ ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। କାନପୁରର ଗ୍ରୀନ୍ ପାର୍କରେ 5 ବର୍ଷ ପରେ ଟେଷ୍ଟ ମ୍ୟାଚ ଖେଳାଯାଉଛି । ଏହି ଟେଷ୍ଟ ସିରିଜ୍ ବିଶ୍ୱ ଟେଷ୍ଟ ଚାମ୍ପିଅନସିପ୍ (WTC) ର ଏକ ଅଂଶ । ରାହୁଲ ଦ୍ରାବିଡ ମଧ୍ୟ ଜଣେ ପ୍ରଶିକ୍ଷକ ଭାବରେ ଏକ ନୂତନ ଆରମ୍ଭ କରୁଛନ୍ତି।
ତେବେ ଡେବ୍ୟୁ ମ୍ୟାଚରେ ଅର୍ଦ୍ଧଶତକୀୟ ପାଳି ଖେଳିଛନ୍ତି ଆୟର । 122 ବଲରୁ 7ଟି ଚୌକା ଓ ଗୋଟିଏ ଛକା ସହାୟତାରେ 69 ରନର ପାଳି ଖେଳି ଅପରାଜତି ରହିଛନ୍ତି ଶ୍ରେୟସ । ସେ ଭାରତୀୟ ଦଳ 303 ତମ ଖେଳାଳି ହୋଇଛନ୍ତି, ଯିଏ ଦଳ ପାଇଁ ଟେଷ୍ଟ ଡେବ୍ୟୁ କରିଛନ୍ତି ।
ବର୍ତ୍ତମାନର ବିଶ୍ୱ ଟେଷ୍ଟ ଚାମ୍ପିୟନସିପର ଏହା ହେଉଛି ଭାରତର ଦ୍ୱିତୀୟ ସିରିଜ୍ । ଇଂଲଣ୍ଡରେ ଖେଳାଯାଇଥିବା 5 ମ୍ୟାଚ୍ ବିଶିଷ୍ଟ ସିରିଜରେ ଟିମ୍ ଇଣ୍ଡିଆ 2-1ରେ ଆଗୁଆ ଥିଲା । କରୋନା କାରଣରୁ 5ମ ମ୍ୟାଚ୍ ସ୍ଥଗିତ ରଖାଯାଇଥିଲା। ଏହି ଟେଷ୍ଟ ବର୍ତ୍ତମାନ ଆସନ୍ତା ବର୍ଷ ଅନୁଷ୍ଠିତ ହେବ । ଏହା ହେଉଛି ନ୍ୟୁଜିଲାଣ୍ଡର ବିଶ୍ୱ ଟେଷ୍ଟ ଚାମ୍ପିଅନସିପରେ ପ୍ରଥମ ସିରିଜ୍ । କେନ୍ ୱିଲିୟମସନଙ୍କ ଅଧିନାୟକତ୍ୱରେ ଦଳ ପ୍ରଥମ ବିଶ୍ୱ ଟେଷ୍ଟ ଚାମ୍ପିଅନସିପ୍ ଟାଇଟଲ୍ ଜିତିଥିଲା ।
