IND vs IRE: ଆଜି ପ୍ରଥମ ଟି-20 ମ୍ୟାଚ୍, ପ୍ରଥମଥର ପାଇଁ ପାଣ୍ଡ୍ୟାଙ୍କ କାନ୍ଧରେ ଟିମ ଇଣ୍ଡିଆ ଭାର
ଆଜିଠୁ ଆରମ୍ଭ ହେବାକୁ ଯାଉଛି ଭାରତ ବନାମ ଆୟର୍ଲାଣ୍ଡ ମଧ୍ୟରେ ଦୁଇ ଟିକିଆ ଟି-20 ସିରିଜ୍ । ସିରିଜର ପ୍ରଥମ ମ୍ୟାଚ୍ ଆଜି ଡବ୍ଲିନରେ ଖେଳାଯିବ । ଆଇପିଏଲରେ ଗୁଜରାଟ ଟାଇଟନ୍ସର ଚାମ୍ପିଇନ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ପ୍ରଥମଥର ଜାତୀୟ ଦଳର ନେତୃତ୍ୱ ନେବେ ।
ଡବ୍ଲିନ୍: ଆଜିଠୁ ଆରମ୍ଭ ହେବାକୁ ଯାଉଛି ଭାରତ ବନାମ ଆୟର୍ଲାଣ୍ଡ ମଧ୍ୟରେ ଦୁଇ ଟିକିଆ ଟି-20 ସିରିଜ୍ । ସିରିଜର ପ୍ରଥମ ମ୍ୟାଚ୍ ଆଜି ଡବ୍ଲିନରେ ଖେଳାଯିବ । ଆଇପିଏଲରେ ଗୁଜରାଟ ଟାଇଟନ୍ସର ଚାମ୍ପିଇନ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ପ୍ରଥମଥର ଜାତୀୟ ଦଳର ନେତୃତ୍ୱ ନେବେ । ଆଗାମୀ ଟି-20 ବିଶ୍ୱକପ ପାଇଁ ଏହା ହେବ ପାଣ୍ଡ୍ୟାଙ୍କ ପରୀକ୍ଷା । ଯଦିଓ ଆୟର୍ଲାଣ୍ଡ ଏକ ଶକ୍ତ ଦଳ ନୁହେଁ । କିନ୍ତୁ ସେ ଅଧିନାୟକ ଭାବେ ସେ ନିଜର ପ୍ରଥମ ସିରିଜକୁ ସ୍ମରଣୀୟ କରିବାକୁ ଚାହିଁବେ । ଭାରତୀୟ ସମୟ ରାତି ୯ଟାରେ ଖେଳ ଆରମ୍ଭ ହେବ ।
ସେପଟେ ଟିମ୍ ଇଣ୍ଡିଆର ସିନିୟର ଖେଳାଳିଙ୍କ ଅନୁପସ୍ଥିତିରେ ଭାରତୀୟ ଦଳରେ ବ୍ୟାଟିଂ ଭାର ସମ୍ଭାଳିବେ ସୂର୍ଯ୍ୟ କୁମାର ଯାଦବ, ଇଶାନ କିଷନ, ଋତୁରାଜ ଗାଏକ୍ୱାଡଙ୍କ ସମେତ ନବାଗତ ରାହୁଲ ତ୍ରିପାଠୀ । ସେହିପରି ଭୁବନେଶ୍ୱର କୁମାର, ହର୍ଷଲ ପଟେଲ, ଉମ୍ରାନ ମଲ୍ଲିକ ଓ ୟୁଜବେନ୍ଦ୍ର ଚହଲ ସମ୍ଭାଳିବେ ଟିମ୍ ଇଣ୍ଡିଆର ବୋଲିଂ ଭାର ।
ସେପଟେ ଜୁଲାଇ ୩ ତାରିଖରୁ ଭାରତୀୟ ଟିମ୍ ଇଂଲଣ୍ଡ ବିପକ୍ଷ ଏକମାତ୍ର ଟେଷ୍ଟ ମ୍ୟାଚ୍ ଖେଳିବ । ତେଣୁ ଏହାକୁ ଦୃଷ୍ଟିରେ ରଖି ବିସିସିଆଇ ଆୟର୍ଲାଣ୍ଡ ସିରିଜ୍ ପାଇଁ ଦ୍ୱିତୀୟ ସ୍ତରର ଟିମ୍ ପଠାଇଛି ।
Click it and Unblock the Notifications
Sign in with Google