ENG Vs IND: ସେମିଫାଇନାଲରେ ବଡ଼ ପରିବର୍ତ୍ତନ କରିବ ଟିମ୍ ଇଣ୍ଡିଆ ! କ'ଣ ରହିବ ପ୍ରତିପକ୍ଷର ରଣନୀତି

IND vs ENG Semi Final: ଟି୨୦ ବିଶ୍ୱକପ୍ ଟୁର୍ଣ୍ଣାମେଣ୍ଟରେ ଆଜି ଖେଳାଯିବ ଦ୍ୱିତୀୟ ସେମି ଫାଇନାଲ୍ । ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯିବାକୁ ଥିବା ହାଇ ଭୋଲଟେଜ୍ ମ୍ୟାଚକୁ ନେଇ କ୍ରୀଡ଼ା ପ୍ରେମୀ ବେଶ୍ ଉତ୍ସାହିତ ଅଛନ୍ତି । ସବୁଠାରୁ ବଡ କଥା ହେଉଛି ପ୍ରଥମ ସେମିଫାଇନାଲ ପରି, ଆଜିର ମ୍ୟାଚ୍ ପାଇଁ କୌଣସି ରିଜର୍ଭ ଡେ ନାହିଁ ।

ଭାରତ ଏବଂ ଇଂଲଣ୍ଡର ଦ୍ୱିତୀୟ ସେମିଫାଇନାଲ ରାତି 8 ଟାରୁ ଖେଳାଯିବ । ତେବେ ହାଇ-ଭୋଲଟେଜ୍ ମ୍ୟାଚ୍ ପୂର୍ବରୁ, ଆସନ୍ତୁ ଉଭୟ ଦଳର ରଣନୀତି ଏବଂ ସମ୍ଭାବ୍ୟ ଏକାଦଶ ଉପରେ ନଜର ପକାଇବା ।
ସବୁଠୁ ବଡ ପ୍ରଶ୍ନ ହେଉଛି, ପ୍ରୋଭିଡେନ୍ସ ଷ୍ଟାଡିୟମର ପିଚ୍ ଆଜି କାହାକୁ ସାଥ୍ ଦେବ ? ପୁରୁଣା ରେକର୍ଡ ଦେଖିଲେ ପାୱାରପ୍ଲେରେ ସର୍ବାଧିକ ରନ୍ ରେଟ୍ ୬.୪ ରହିଛି । ମିଡିଲ୍ ଓଭରରେ ଏହା ୫.୫ କୁ ଖସିଯାଏ ଏବଂ ଶେଷ ବେଳକୁ ଏହା ୭.୬ ରେ ପହଞ୍ଚିଥାଏ । ବିଶ୍ୱକପ୍ ମ୍ୟାଚ୍ ରେ ବାଉଣ୍ଡ୍ରି ପ୍ରତିଶତ ପ୍ରାୟ ୫୦ ପ୍ରତିଶତ ରହିଛି । ମୋଟାମୋଟି ଭାବେ କହିବାକୁ ଗଲେ ଏହି ପିଚ୍ ବ୍ୟାଟ୍ସମ୍ୟାନଙ୍କ ଅପେକ୍ଷା ବୋଲରଙ୍କ ସପକ୍ଷରେ ଯାଇପାରେ ।

ଭାରତ ହାତରେ ପ୍ରତିଶୋଧ ନେବା ସୁଯୋଗ
୨୦୨୨ ସଂସ୍କରଣର ସେମିଫାଇନାଲରେ ମଧ୍ୟ ଭାରତ ଏବଂ ଇଂଲଣ୍ଡ ମୁହାଁମୁହିଁ ହୋଇଥିଲେ । ଭାରତକୁ ଇଂଲଣ୍ଡ ୧୦ ୱିକେଟରେ ପରାସ୍ତ କରିଥିଲା । କିନ୍ତୁ ଚଳିତ ସଂସ୍କରଣରେ ବାଜି ପଲଟିଯାଇଛି । ଭାରତୀୟ ଦଳ ବେଶ୍ ଭଲ ଫର୍ମରେ ଥିବା ସହ ଚମତ୍କାର ପ୍ରଦର୍ଶନ କରିଆସିଛି ।

ଭାରତୀୟ ଦଳରେ ପରିବର୍ତ୍ତନ !
ଭାରତ ଭଲ ପ୍ରଦର୍ଶ କରିବା ଆଶା କରାଯାଉଛି, କିନ୍ତୁ ଟିମ୍ ମ୍ୟାନେଜମେଣ୍ଟ କାହିଁକି ଚାରିଜଣ ସ୍ପିନରଙ୍କୁ ଦଳରେ ରଖିଛନ୍ତି ସେନେଇ ରୋହିତ ଶର୍ମାଙ୍କ ପୂର୍ବ ମନ୍ତବ୍ୟ ଉପରେ କିଛି କଳ୍ପନାଜଳ୍ପନା ଜାରି ରହିଛି । ଦଳରେ ସ୍ପିନର ଚହଲଙ୍କୁ ସାମିଲ କରିବାକୁ ସେମାନେ ବିଚାର କରିବେ କି ନାହିଁ ତାହା ଉପରେ ରହିଛି ନଜର । ଯଦି ସେପରି ହୁଏ, ତେବେ କିଏ ଦଳରୁ ବାଦ୍ ପଡ଼ିବ ? ଓପନିଂ ସମାନ ରହିବାର ସମ୍ଭାବନା ଅଛି ।

କଣ ରହିବ ଇଂଲଣ୍ଡର ରଣନୀତି
ଅଧିନାୟକ ବଟଲରଙ୍କ ଆଗରେ ସବୁଠୁ ବଡ ଦ୍ୱନ୍ଦ ହେଉଛି ହ୍ୟାଟ୍ରିକ୍ ନେଇଥିବା କ୍ରିସ୍ ଜୋର୍ଡାନଙ୍କୁ ଦଳରେ ରଖିବା କିମ୍ବା ମାର୍କ ଉଡ୍ ଙ୍କୁ ଦଳରେ ରଖିବା । ଉଡ୍ ଙ୍କ ପ୍ରଦର୍ଶନ ଏକ ଭଲ ବିକଳ୍ପ ହେବ, କିନ୍ତୁ ଇଂଲଣ୍ଡ ପରିଚାଳନା ଜୋର୍ଡାନ ସହିତ ରହିବ ବୋଲି ଆଶା କରାଯାଉଛି ।

ଭାରତର ସମ୍ଭାବ୍ୟ ଏକାଦଶ:
ରୋହିତ ଶର୍ମା (ଅଧିନାୟକ), ବିରାଟ କୋହଲି, ଋଷଭ ପନ୍ତ (ୱିକେଟ୍ କିପର୍), ସୂର୍ଯ୍ୟକୁମାର ଯାଦବ, ଶିବମ୍ ଦୁବେ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଅକ୍ଷର ପଟେଲ, ଜସପ୍ରୀତ ବୁମରା, ଅର୍ଶଦୀପ ସିଂହ, କୁଲଦୀପ ଯାଦବ
ଇଂଲଣ୍ଡର ସମ୍ଭାବ୍ୟ ଏକାଦଶ:
ଫିଲ୍ ସଲ୍ଟ, ଜୋସ୍ ବଟଲର୍ (ଅଧିନାୟକ ତଥା ୱିକେଟ୍ କିପର), ଜନି ବେୟାରଷ୍ଟୋ, ହ୍ୟାରି ବ୍ରୁକ୍, ମୋଇନ୍ ଅଲି, ଲିଆମ୍ ଲିଭିଙ୍ଗଷ୍ଟୋନ୍, ସାମ୍ କରନ୍, କ୍ରିସ୍ ଜୋର୍ଡାନ୍, ଜୋଫ୍ରା ଆର୍ଚର, ରିସ୍ ଟୋପଲି, ଆଦିଲ୍ ରସିଦ୍