IND vs ENG: ଋଷଭ ପନ୍ତ ଦମଦାର ଶତକ ବଳରେ ଡ୍ରାଇଭର ସିଟରେ ଭାରତ

ଆଜି ଦିନର ଷ୍ଟମ୍ପ ଅପସାରାଣ ସୁଦ୍ଧା ଘରୋଇ ଦଳ 7 ୱିକେଟ ବ୍ୟୟରେ 294ରନ କରି 89ରନର ଆଗ୍ରଣୀ ହାସଲ କରିଛି ।

Published: Friday, March 5, 2021, 18:49 [IST]

ଅହମଦାବାଦ୍: ଭାରତ ବନାମ ଇଂଲଣ୍ଡ ଚତୁର୍ଥ ଟେଷ୍ଟ ମ୍ୟାଚର 2ୟ ଦିନରେ ଡ୍ରାଇଭର ସିଟରେ ବସିଛି ଘରୋଇ ଦଳ । ଆଜି ଦିନ ଆରମ୍ଭରୁ ଭ୍ରମଣକାରୀ ଇଂଲଣ୍ଡ ଦଳର ଦବାଦବା ଜାରି ରହିଥିଲା । ମାତ୍ର ଯୁବ ୱିକେଟକିପର ବ୍ୟାଟ୍ସ ମ୍ୟାନ ଋଷବ ପନ୍ତଙ୍କ ଶତକ ଭାରତୀୟ ଦଳର ପ୍ରଥମ ପାଳିକୁ ମଜବୁତ କରିଛି । ଆଜି ଦିନର ଷ୍ଟମ୍ପ ଅପସାରାଣ ସୁଦ୍ଧା ଘରୋଇ ଦଳ 7 ୱିକେଟ ବ୍ୟୟରେ 294ରନ କରି 89ରନର ଆଗ୍ରଣୀ ହାସଲ କରିଛି ।

121/5 ସ୍କୋରରେ ଭାରତୀୟ ଦଳର ବ୍ୟାଟିଂ ଟଳମଳ ଦେଖାଯାଉଥିଲା । ମଧ୍ୟାହ୍ନ ଭୋଜନ ପରେ ଅର୍ଦ୍ଧଶତକରୁ ବଞ୍ଚିତ ହୋଇ ରୋହିତ ଶର୍ମା ବିଦାୟ ନେଇଥିଲେ । କିନ୍ତୁ ସେତେବେଳେକୁ ଭାରତୀୟ ପାଳି ସମ୍ଭଳିଥିଲେ ଋଷବ ପନ୍ତ । 23 ବର୍ଷ ବର୍ଷିୟ ପନ୍ତ ଇଂଲଣ୍ଡ ବୋଲରଙ୍କୁ ଖୁବ ଧୋଇଥିଲେ । 118 ବଲରୁ 13ଟି ଚୌକା ଓ ଦୁଇଟି ଛକା ସହାୟତାରେ ପନ୍ତ 101ରନର ଶତକୀୟ ପାଳି ଖେଳିଥିଲେ । ତେବେ ଆଜି ଦିନର ଖେଳ ଶେଷ ବେଳକୁ ୱାଶିଂଟନ୍ ସୁନ୍ଦର (60) ଏବଂ ଆକ୍ସର ପଟେଲ (11 ) କ୍ରିଜରେ ଆପରାଜିତ ରହିଛନ୍ତି ।

It's Stumps on Day 2 of the 4⃣th @Paytm #INDvENG Test! #TeamIndia 294/7, lead England by 89 runs. @RishabhPant17 1⃣0⃣1⃣@Sundarwashi5 6⃣0⃣*

Scorecard 👉 https://t.co/9KnAXjaKfb

Join us tomorrow for Day 3⃣ action! pic.twitter.com/oRbJ569oZK
— BCCI (@BCCI) March 5, 2021