ଭାରତ ବନାମ ଇଂଲଣ୍ଡ 4ର୍ଥ ଟି-20: ଚମକିଲେ ସୂର୍ଯ୍ୟ, ଇଂଲଣ୍ଡ ଆଗରେ 186 ରନ ବିଜୟ ଲକ୍ଷ୍ୟ

ଅହମ୍ମଦାବାଦ: ଭାରତ ବନାମ ଇଂଲଣ୍ଡ ଟି-20 ସିରିଜର ଆଜି ଖେଳାଯାଉଛି 4ର୍ଥ ମ୍ୟାଚ । ଟସ୍ ହାରି ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇଥିବା ଘରୋଇ ଦଳ ନିର୍ଦ୍ଧାରିତ 20 ଓଭରରେ 8 ୱିକେଟ ହରାଇ 185ରନ କରିଛି । ତେବେ ସିରିଜ ହାତେଇବା ପାଇଁ ଭ୍ରମଣକାରୀ ଇଂଲଣ୍ଡ ଆଗରେ 186ରନର ବିଜୟ ଲକ୍ଷ୍ୟ ସ୍ଥିର ହୋଇଛି ।

ସମାନ ଓପନର କେଏଲ ରାହୁଲ ଓ ରୋହିତ ଶର୍ମାଙ୍କ ସହ ଆଜି ପଡିଆକୁ ଓହ୍ଲାଇଥିଲା ଟିମ ଇଣ୍ଡିଆ । ମାତ୍ର ପୁଣି ଏକ ଖରାପ ସର୍ଟ ଖେଳି ଜୋଫ୍ରା ଆର୍ଚ୍ଚରଙ୍କ ବଲରେ କ୍ୟାଚ ଆଉଟ ହୋଇଥିଲେ ରୋହିତ ଶର୍ମା (12) । ଅନ୍ୟପଟେ 2ୟ ମ୍ୟାଚରେ ସୁଯୋଗ ପାଇଥିବା ନଥିବା ସୂର୍ଯ୍ୟ କୁମାର ଯାଦବଙ୍କୁ ଇଶାନ କିଷାନଙ୍କ ସ୍ଥାନରେ ଦଳୀୟ ଏକାଦସରେ ସ୍ଥାନ ମିଳିବା ସହିତ 3 ନମ୍ବର ସ୍ଥାନରେ ବ୍ୟାଟିଂ ମିଳିଥିଲା । ଯାହାର ସଠିକ୍ ଉପଯୋଗ କରିଥିଲେ ସୂର୍ଯ୍ୟ । 31 ବଲରୁ ଶାନଦାର 57ରନର ଅର୍ଦ୍ଧଶତକୀୟ ପାଳି ଖେଳି ସମସ୍ତଙ୍କ ମନ ଜିତିଥିଲେ ମୁମ୍ବାଇ ଷ୍ଟାର ।

ତେବେ ସୂର୍ଯ୍ୟଙ୍କ ବ୍ୟତିତ ଋଷବ ପନ୍ତ (30) ଓ ଶ୍ରେୟସ ଆୟାର (37) ରନର ଉଲ୍ଲେଖନୀୟ ପାଳି ଖେଳିଥିଲେ । ଇଂଲଣ୍ଡ ପକ୍ଷରୁ ସର୍ବାଧିକ ଜୋଫ୍ରା ଆର୍ଚ୍ଚର 4ଟି ୱିକେଟ ନେଇଛନ୍ତି ।

English summary

IND vs ENG 4th T20I: England have a target of 186 runs