ବିଶ୍ୱ ଟେଷ୍ଟ ଚାମ୍ପିୟନଶିପ ଫାଇନାଲରୁ ବାଦ ପଡିଲେ ବିଶ୍ୱର ନମ୍ୱର ୱାନ୍ ଟେଷ୍ଟ ବୋଲର

Published: Wednesday, June 7, 2023, 20:55 [IST]

India vs Australia WTC Final 2023: ଆଜି (ଜୁନ୍ 7) ଠାରୁ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଇଂଲଣ୍ଡର ଓଭାଲ ଗ୍ରାଉଣ୍ଡରେ ବିଶ୍ୱ ଟେଷ୍ଟ ଚାମ୍ପିୟନଶିପର ଫାଇନାଲ ମ୍ୟାଚ ଆରମ୍ଭ ହୋଇଛି । ଆଜି ମ୍ୟାଚରେ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି ଟିମ୍‌ ଇଣ୍ତିଆ ଅଧିନାୟକ ରୋହିତ ଶର୍ମା ।

ତେବେ ଚୁଡାନ୍ତ ଏକାଦଶରେ ଭାରତୀୟ ଦଳ ୪ ପେସ୍ ବୋଲରଙ୍କୁ ନେଇ ପଡିଆକୁ ଓହ୍ଲାଇଛି । ଦଳରେ ଏକମାତ୍ର ସ୍ପିନର ଭାବେ ଖେଳୁଛନ୍ତି ଅଲରାଉଣ୍ଡର ରବୀନ୍ଦ୍ର ଜାଡେଜା । ଭେଟେରାନ୍ ସ୍ପିନର ରବିଚନ୍ଦ୍ରନ୍ ଅଶ୍ୱିନ ଚୂଡାନ୍ତ ଏକାଦଶରୁ ବାଦ ପଡିଛନ୍ତି । ଯାହା ଏବେ ଚର୍ଚ୍ଚାର ବିଷୟ ପାଲଟିଛି । ସୋସିଆଲ ମିଡି଼ଆଠାରୁ କ୍ରୀଡ଼ା ବିଶେଷଜ୍ଞଙ୍କ ମନରେ ଗୋଟିଏ ପ୍ରଶ୍ନ ରବିଚନ୍ଦ୍ରନ୍ ଅଶ୍ୱିନଙ୍କୁ ଚୁଡା଼ାନ୍ତ ଏକାଦଶରେ ଅନ୍ତର୍ଭୁକ୍ତ ନ କରି ଭାରତ ଭୁଲ କରିଛି କି ?

ଏହା ଉପରେ ମତ ରଖି ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ କହିଛନ୍ତି ଯେ, ଯେ ବିଶ୍ୱ ଚାମ୍ପିୟନଶିପର ଫାଇନାଲରେ ଭାରତୀୟ ଦଳ ସବୁଜ ପିଚ‌ ଭ୍ରମରେ ପଡ଼ି ଦଳୀୟ ଏକାଦଶରେ ଆର ଅଶ୍ୱିନଙ୍କୁ ସ୍ଥାନ ଦେଇ ନାହିଁ ।

ଟେଲିଭିଜନ୍ ମନ୍ତବ୍ୟ ସମୟରେ ପଣ୍ଟିଂ କହିଛନ୍ତି ଯେ ପିଚ୍ ଭିତର ଭାଗରେ ଶୁଖିଲା ଏବଂ ଉପରେ କେବଳ ସବୁଜ ଘାସ ଅଛି । ଅଷ୍ଟ୍ରେଲିଆର ଚାରିଜଣ ବାମହାତୀ ବ୍ୟାଟ୍ସମ୍ୟାନ୍ ସେମାନଙ୍କ ଶ୍ରେଷ୍ଠ ସାତରେ ରହିଥିବାରୁ ଅଶ୍ୱିନ୍ ଏଭଳି ସମୟରେ ଭାରତ ପାଇଁ ସହାୟକ ହୋଇଥାନ୍ତେ । ସେ କହିଛନ୍ତି, "ଭାରତ ବର୍ତ୍ତମାନ ନୂଆ ବଲ ସହ ୱିକେଟ ନେବାକୁ ଚାହିଁବ । ଏହି ମ୍ୟାଚ ଆଗକୁ ବଢିବ ସହ ସ୍ପିନରମାନଙ୍କୁ ପିଚ ସୁହାଇବ । ଯଦି ଅଶ୍ୱିନ ଏକାଦଶରେ ଥାଆନ୍ତେ, ତେବେ ସେ ବାମହାତୀ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନଙ୍କୁ ଅଡ଼ୁଆରେ ପକାଇ ପାରିଥାନ୍ତେ । "

ଭାରତର ପୂର୍ବତନ ବ୍ୟାଟ୍ସମ୍ୟାନ୍ ସଞ୍ଜୟ ମଞ୍ଜରେକର ମଧ୍ୟ ପଣ୍ଟିଂଙ୍କ କଥା ସହ ସହମତ ଥିବା ଜଣାପଡିଛି । ESPNcricinfo ର ମ୍ୟାଚ୍ ଡେ ସୋ'ରେ ସେ କହିଛନ୍ତି, "ଭାରତୀୟ ଦଳ ପରିଚାଳନା ଅନୁଭବ କରୁଛି ଯେ ଏହି ପିଚ୍ ଦ୍ରୁତ ବୋଲରଙ୍କ ପାଇଁ ଅନୁକୂଳ ଅଟେ । ପିଚ୍ ଉପରୁ ବହୁତ ସବୁଜ, କିନ୍ତୁ ଭିତରୁ ଶୁଖିଲା । ତେଣୁ ଏହା ଦୃତ ବୋଲରଙ୍କୁ ସେତେଟା ସାହାଯ୍ୟ କରିନ ପାରେ ।" ତେବେ ମଞ୍ଜରେକର ଏହା ମଧ୍ୟ ଅନୁଭବ କରିଛନ୍ତି ଯେ ଜସପ୍ରୀତ ବୁମରାଙ୍କ ଅନୁପସ୍ଥିତି ଭାରତକୁ ଚାରି ଦ୍ରୁତ ବୋଲରଙ୍କ ସହ ଯିବାକୁ ବାଧ୍ୟ କରିଛି ।

ସେହିପରି ଅଷ୍ଟ୍ରେଲିଆର ପୂର୍ବତନ ୱିକେଟ୍ କିପର ବ୍ୟାଟ୍ସମ୍ୟାନ୍ ବ୍ରାଡ ହାଡିନ ବିଶ୍ୱାସ କରନ୍ତି ଯେ ଅଶ୍ୱିନଙ୍କ ଅନୁପସ୍ଥିତି ଭାରତର ଗତି ଆକ୍ରମଣ ଉପରେ ମଧ୍ୟ ଚାପ ପକାଇବ । ସେ କହିଛନ୍ତି, "ଯଦି ବାମହାତୀ ବିରୋଧୀ ବ୍ୟାଟ୍ସମ୍ୟାନ୍ ଭାବରେ ଅଶ୍ୱିନଙ୍କ ନାମ ଟିମ୍ ସିଟରେ ଥାନ୍ତା, ମୁଁ ଚିନ୍ତିତ ଥାଆନ୍ତି । ଆପଣ ବଡ଼ ମ୍ୟାଚରେ ଦଳର ଖେଳାଳି ଚାହାଁନ୍ତି । ଅଷ୍ଟ୍ରେଲିଆ ବିପକ୍ଷରେ ଅଶ୍ୱିନ ଖେଳିବାକୁ ଭଲ ପାଆନ୍ତି । ଅଶ୍ୱିନଙ୍କ ଉପସ୍ଥିତିରେ ଭାରତୀୟ ଦଳ ଅଷ୍ଟ୍ରେଲିଆକୁ ଅନେକ ବଡ଼ ଦିନରେ ପରାସ୍ତ କରିଛି । ଭାରତୀୟ ଦ୍ରୁତ ବୋଲରମାନେ ନିଶ୍ଚିତ ଭାବରେ ମଧ୍ୟମ ଓଭରରେ ଅଶ୍ୱିନଙ୍କୁ ହରାଇବେ। "

Published On June 7, 2023