ବର୍ଡର-ଗାଭାସ୍କର ଟ୍ରଫିରେ ବଡ ବିବାଦ: ବଲ ସ୍ପିନ ପାଇଁ ଆଙ୍ଗୁଠିରେ ରହସ୍ୟମୟ ଜିନିଷ ପ୍ରୟୋଗ କରୁଛନ୍ତି ଜାଡେଜା !

ରବିନ୍ଦ୍ର ଜାଡେଜାଙ୍କ ବୋଲିଂକୁ ଭୟ କରି ଅଷ୍ଟ୍ରେଲିଆ ଗଣମାଧ୍ୟମ ତାଙ୍କ ବିରୋଧରେ ଏକ ବଡ଼ ଷଡଯନ୍ତ୍ର ରଚିଛି । ଏହାର ଭିଡିଓ ମଧ୍ୟ ବହୁତ ଭାଇରାଲ ହେବାରେ ଲାଗିଛି ।

Updated: Thursday, February 9, 2023, 21:21 [IST]

IND vs AUS, Nagpur Test: ଭାରତ ବାନାମ ଅଷ୍ଟ୍ରେଲିଆ ମଧ୍ୟରେ ଚାରି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ ନାଗପୁରରେ ଖେଳା ଯାଉଛି । ଏହି ମ୍ୟାଚରେ ଜାଡେଜା ଅଷ୍ଟ୍ରେଲିଆର ପ୍ରଥମ ଇନିଂସରେ ପାଞ୍ଚଟି ୱିକେଟ୍ ଅକ୍ତିଆର କରିଛନ୍ତି । ତେବେ ବର୍ଡର-ଗାଭାସ୍କର ଟ୍ରଫିର ପ୍ରଥମ ଦିନରେ ଏକ ବଡ ବିବାଦ ବାହାରକୁ ଆସିଛି । ରବିନ୍ଦ୍ର ଜାଡେଜାଙ୍କ ବୋଲିଂକୁ ଭୟ କରି ଅଷ୍ଟ୍ରେଲିଆ ଗଣମାଧ୍ୟମ ତାଙ୍କ ବିରୋଧରେ ଏକ ବଡ଼ ଷଡଯନ୍ତ୍ର ରଚିଛି । ଏହାର ଭିଡିଓ ମଧ୍ୟ ବହୁତ ଭାଇରାଲ ହେବାରେ ଲାଗିଛି ।

ବାସ୍ତବରେ, ଭିଡିଓରେ ମ୍ୟାଚ୍ ବେଳେ ଜାଡେଜା ମହମ୍ମଦ ସିରାଜଙ୍କ ହାତରୁ କିଛି ନେଇ ଆଙ୍ଗୁଠିରେ ଲଗାଉ ଥିବାର ନଜର ଆସିଛନ୍ତି । ଏହା ଏକ ମଲମ ଭଳି କିଛି । ଏହା ପରେ ଅଷ୍ଟ୍ରେଲିଆର ମିଡିଆ ଆଉଟଲେଟ୍ ଫକ୍ସ ସ୍ପୋର୍ଟ ଟ୍ୱିଟ୍ କରି ଏହାର ଏକ ଭିଡିଓ ପୋଷ୍ଟ କରିଛି । ଏହି ଟୁଇଟ୍ ଏବଂ ବିବାଦକୁ ଇଂଲଣ୍ଡର ପୂର୍ବତନ ଅଧିନାୟକ ମାଇକେଲ୍ ଭନ୍ ଏବଂ ଅଷ୍ଟ୍ରେଲିଆର ପୂର୍ବତନ ଅଧିନାୟକ ଟିମ୍ ପାଏନ୍ ମଧ୍ୟ ସମର୍ଥନ କରିଛନ୍ତି । ଫକ୍ସ ସ୍ପୋର୍ଟର ଟ୍ୱିଟକୁ ରିଟ୍ବିଟ କରି ମାଇକେଲ୍ ଭନ୍ ଲେଖିଛନ୍ତି - ଜାଡେଜା ତାଙ୍କ ସ୍ପିନ୍ ଆଙ୍ଗୁଠିରେ କ'ଣ ଲଗାଉଛନ୍ତି ? ମୁଁ ଏହା ପୂର୍ବରୁ କେବେ ଦେଖି ନାହିଁ ।

What do you think of this @tdpaine36 Looks like one player giving grippo to the bowler and him rubbing it all over his spinning finger to me. Thoughts? pic.twitter.com/XjcNedJ3Sc
— Darren Lock (@Dags_L) February 9, 2023

ତେବେ ଆଇସିସି ନିୟମ ଅନୁଯାୟୀ, ବଲରେ କିଛି ଲଗାଇବା କିମ୍ବା ବଲ ସହିତ କିଛି ଛେଡ୍ ଛାଡ୍ କରିବା ନିଷେଧ । ମାତ୍ର ଭିଡିଓରେ, ଜାଡେଜା ଏଭଳି କିଛି କରୁଥିବା ଦେଖିବାକୁ ମିଳୁନାହିଁ । ତେବେ ସ୍ପିନରଙ୍କ ଆଙ୍ଗୁଠିରେ ଘା' ହେବା କିମ୍ବା ଚର୍ମ ବାହାରିବା ସାଧାରଣ କଥା । ଏଭଳି ପରିସ୍ଥିତିରେ ଜାଡେଜାଙ୍କୁ ସିରାଜ କିଛି କ୍ରିମ୍ କିମ୍ବା ମଲମ ଆଣି ଦେଇଛନ୍ତି । ମାତ୍ର ଅଷ୍ଟ୍ରେଲିଆ ଗଣମାଧ୍ୟମ ଏହାକୁ ଏକ ବିବାଦ ଭାବେ ଆରମ୍ଭ କରିଛି ।

କହିରଖୁ କି, ଯେଉଁ ଅଷ୍ଟ୍ରେଲିଆ ଦଳ ଏବେ ଭାରତୀୟ ଖେଳାଳିଙ୍କୁ ଦୋଷାରୋପ କରୁଛି । କେବେ ସେହି ଦେଶର ଖେଳାଳି ଡେଭିଡ ୱାର୍ଣ୍ଣର, ଷ୍ଟିଭ ସ୍ମିଥ ଏବଂ କ୍ୟାମେରନ ବାନକ୍ରଫ୍ଟ ବଲ ଟେମ୍ପରିଂରେ ଧରାପଡି ଦଣ୍ଡିତ ହୋଇଛନ୍ତି । ଅନ୍ୟପଟେ 2020/21 ରେ ଭାରତ ଚାରି ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ଅଷ୍ଟ୍ରେଲିଆକୁ 2-1 ରେ ପରାସ୍ତ କରିଥିଲା । ଏହା ବ୍ୟତୀତ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ ନାଗପୁରର ପ୍ରଥମ ଟେଷ୍ଟରେ କିଛି ବିଶେଷ କରିପାରି ନଥିଲେ ଓ 177 ରନ୍ ପାଇଁ ଆଉଟ୍ ହୋଇଥିଲେ। ଏହି ସବୁ ଘଟଣାରେ ହତାଶ ହୋଇ ଅଷ୍ଟ୍ରେଲୀୟ ଗଣମାଧ୍ୟମ ବର୍ତ୍ତମାନ ଏକ ନୂଆ ପ୍ରସଙ୍ଗ ପାଇଛି ।

ନିକଟରେ ଅଷ୍ଟ୍ରେଲୀୟ ଗଣମାଧ୍ୟମ ଏବଂ ଦଳ ମଧ୍ୟ ପିଚକୁ ନେଇ ବିବାଦ ସୃଷ୍ଟି କରିଥିଲେ। ସେ ଅଭିଯୋଗ କରିଛନ୍ତି ଯେ ଦଳକୁ ସାହାଯ୍ୟ କରିବା ପାଇଁ ଭାରତ ସୁଚିନ୍ତିତ ଭାବେ ପିଚ୍ ସହିତ ଟେଣ୍ଡର କରିଥିଲା । ଅନେକ କ୍ରିକେଟ୍ ବିଶେଷଜ୍ଞ ଅଷ୍ଟ୍ରେଲିଆ ଗଣମାଧ୍ୟମ ଏବଂ ଦଳକୁ ସମାଲୋଚନା କରିଥିଲେ ।