IND vs AUS: ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଲା ଅଷ୍ଟ୍ରେଲିଆ

ଭାରତ ବିପକ୍ଷ ତୃତୀୟ ଏକଦିବସୀୟ ମ୍ୟାଚ୍‌ରେ ଅଷ୍ଟ୍ରେଲିଆ ଅଧିନାୟକ ମିଚେଲ ମାର୍ଶ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ । ଅଷ୍ଟ୍ରେଲିଅ ଖେଳାଳି ଜାଭିୟର ବାର୍ଟଲେଟ୍‌ଙ୍କ ସ୍ଥାନରେ ଏଲିସ୍‌ଙ୍କୁ ନେଇ ଖେଳିବା ପାଇଁ ଏକାଦଶରେ ଗୋଟିଏ ପରିବର୍ତ୍ତନ ହୋଇଛି । ସେହିପରି ଭାରତ ଖେଳାଳି କୁଲଦୀପ ଯାଦବ ଏବଂ ପ୍ରସିଦ୍ଧ କୃଷ୍ଣଙ୍କୁ ନେଇ ଦୁଇଟି ପରିବର୍ତ୍ତନ କରିଛି । ନୀତିଶ ରେଡ୍ଡୀ ଏବଂ ଅର୍ଶଦୀପ ସିଂହଙ୍କ ସ୍ଥାନରେ କୁଲଦୀପ ଏବଂ ପ୍ରସିଦ୍ଧଙ୍କୁ ନେଇ ଖେଳିଥିଲେ।

IND vs AUS : ଉଭୟ ଦଳର ପ୍ଲେଇଁ ଏକାଦଶ
ଭାରତ: ରୋହିତ ଶର୍ମା, ଶୁଭମନ ଗିଲ୍ (ଅଧିନାୟକ), ବିରାଟ କୋହଲି, ଶ୍ରେୟସ ଆୟର, ଅକ୍ଷର ପଟେଲ, କେଏଲ ରାହୁଲ (ଉଇକେଟକିପର), ୱାଶିଂଟନ୍ ସୁନ୍ଦର, ହର୍ଷିତ ରାଣା, କୁଲଦୀପ ଯାଦବ, ମହମ୍ମଦ ସିରାଜ, ପ୍ରସିଦ୍ଧ କୃଷ୍ଣ।

ଅଷ୍ଟ୍ରେଲିଆ: ମିଚେଲ ମାର୍ଶ (ଅଧିନାୟକ), ଟ୍ରାଭିସ୍ ହେଡ୍, ମାଥ୍ୟୁ ସର୍ଟ, ମ୍ୟାଟ୍ ରେନଶା, ଆଲେକ୍ସ କ୍ୟାରି (ଉଇକେଟକିପର), କୁପର କନୋଲି, ମିଚେଲ ଓୱେନ୍, ନାଥନ୍ ଏଲିସ୍, ମିଚେଲ ଷ୍ଟାର୍କ, ଆଡାମ ଜାମ୍ପା, ଜୋଶ୍ ହାଜେଲଉଡ୍।

ଅଷ୍ଟ୍ରେଲିଆ ଗସ୍ତରେ ଥିବା ଭାରତୀୟ ପୁରୁଷ କ୍ରିକେଟ୍‌ ଦଳ ପ୍ରଥମ ଦୁଇ ଏକଦିବସୀୟ ମ୍ୟାଚ୍‌ ହାରି ଶୃଙ୍ଖଳା ହାତଛଡ଼ା କରିସାରିଛି। ଶୃଙ୍ଖଳାର ତୃତୀୟ ଦିନିକିଆ ଶନିବାର ଖେଳାଯିବ। ଏହି ମ୍ୟାଚ୍‌ ଜିତି ଶୁବମନ ଗିଲ୍‌ଙ୍କ ଦଳ ସମ୍ମାନ ରକ୍ଷା ଆଶାରେ ରହିବ। ଅନ୍ୟପକ୍ଷରେ ମିଚେଲ୍‌ ମାର୍ସଙ୍କ ଦଳ ୩-୦ ଐତିହାସିକ ସଫଳତା ଲକ୍ଷ୍ୟରେ ରହିଛି। ‌ଏହି ମ୍ୟାଚ୍‌ ଜିତିଲେ ଭାରତ ବିପକ୍ଷରେ ପ୍ରଥମ ଥର ଲାଗି ଦିନିକିଆ ଶୃଙ୍ଖଳା ମୂଳପୋଛ କରିବ ଅଷ୍ଟ୍ରେଲିଆ।

ସମସ୍ତଙ୍କ ନଜର ରୋହିତ ଏବଂ କୋହଲିଙ୍କ ଉପରେ ରହିବ

ସିରିଜ୍ ଆରମ୍ଭ ହେବା ପରଠାରୁ, ସବୁଠାରୁ ଚର୍ଚ୍ଚିତ ବିଷୟ ରୋହିତ ଶର୍ମା ଏବଂ ବିରାଟ କୋହଲି। ଏହି ଦୁଇ କିମ୍ବଦନ୍ତୀ ଖେଳାଳିଙ୍କ ପାଇଁ ଏହା ସମ୍ଭବତଃ ଶେଷ ଅଷ୍ଟ୍ରେଲିଆ ଗସ୍ତ, ତେଣୁ ରୋହିତ ଏବଂ କୋହଲିଙ୍କ ଖେଳ ଦେଖିବା ପାଇଁ ପ୍ରଶଂସକମାନେ ସିଡନୀ କ୍ରିକେଟ୍ ଗ୍ରାଉଣ୍ଡରେ ଭିଡ଼ ଜମାଇବେ ବୋଲି ଆଶା କରାଯାଉଛି। ପ୍ରଥମ ମ୍ୟାଚ୍‌ରେ ଶସ୍ତାରେ ଆଉଟ୍ ହେବା ପରେ, ରୋହିତ ଦ୍ୱିତୀୟ ମ୍ୟାଚ୍‌ରେ ଏକ ଦୃଢ଼ ପ୍ରତ୍ୟାବର୍ତ୍ତନ କରି ଅର୍ଦ୍ଧଶତକ ହାସଲ କରିଥିଲେ। ଅନ୍ୟପକ୍ଷରେ, କୋହଲି ଲଗାତାର ଦୁଇଟି ମ୍ୟାଚ୍‌ରେ ଡକରେ ଆଉଟ୍ ହୋଇଥିଲେ। କୋହଲି ସିଡନୀରେ ଏକ ବଡ଼ ଇନିଂସ ଖେଳିବେ ବୋଲି ଆଶା କରାଯିବ। ସିରିଜ୍ ଶେଷ ହେବା ପରେ ରୋହିତ ଏବଂ କୋହଲି ସେମାନଙ୍କର ଏକଦିବସୀୟ ଭବିଷ୍ୟତ ସମ୍ପର୍କରେ କୌଣସି ବଡ଼ ନିଷ୍ପତ୍ତି ନିଅନ୍ତି କି ନାହିଁ ତାହା ଦେଖିବା ମଧ୍ୟ ଆକର୍ଷଣୀୟ ହେବ।

ପ୍ରଥମ ଦୁଇଟି ମ୍ୟାଚ୍‌ରେ ଭାରତ ଅଷ୍ଟ୍ରେଲିଆକୁ ଚ୍ୟାଲେଞ୍ଜ କରିବାରେ ବିଫଳ ହୋଇଥିଲା

ପ୍ରଥମ ଦୁଇଟି ମ୍ୟାଚ୍‌ରେ ଭାରତୀୟ ଦଳ ଅଷ୍ଟ୍ରେଲିଆକୁ ଚ୍ୟାଲେଞ୍ଜ କରିବାରେ ବିଫଳ ହୋଇଥିଲା। ବୋଲରମାନେ ବହୁତ ନିରାଶ କରିଥିଲେ, ଏବଂ ଉଭୟ ମ୍ୟାଚ୍‌ରେ ଟାର୍ଗେଟକୁ ରକ୍ଷା କରିପାରି ନଥିଲେ। ପର୍ଥରେ ପ୍ରଥମ ଦିନିକିଆରେ ବର୍ଷା ବହୁତ ପ୍ରଭାବିତ କରିଥିଲା, କିନ୍ତୁ ଆଡିଲେଡ୍‌ରେ ବୋଲରମାନଙ୍କ ନିରାଶାଜନକ ପ୍ରଦର୍ଶନ ଜାରି ରହିଥିଲା। ଭାରତ କିଛି ଫିଲ୍ଡିଂ ତ୍ରୁଟି ମଧ୍ୟ କରିଥିଲା। ଅକ୍ଷର ପଟେଲ ଏବଂ ମହମ୍ମଦ ସିରାଜଙ୍କ ଭଳି ଖେଳାଳି ସହଜ କ୍ୟାଚ୍ ଛାଡ଼ିବା ଫଳରେ ଅଷ୍ଟ୍ରେଲିଆକୁ ବଞ୍ଚିବାର ସୁଯୋଗ ମିଳିଥିଲା। ଭାରତକୁ ସେମାନଙ୍କର କ୍ଷେତ୍ରରକ୍ଷଣରେ ଉନ୍ନତି ଆଣିବାକୁ ପଡିବ।