Ind vs Aus: କର ବା ମର ମ୍ୟାଚରେ ଭାରତ ଆଗରେ ଆହତ ସମସ୍ୟା, କଣ ହେବ ଭାରତୀୟ ଏକାଦଶ ?

ଭାରତ ପାଇଁ ଖେଳାଳିଙ୍କ ଆଘାତ ଏହି ମ୍ୟାଚରେ ସବୁଠାରୁ ବଡ ସମସ୍ୟା ହୋଇଛି । ରବୀନ୍ଦ୍ର ଜାଡେଜା ଏବଂ ହନୁମା ବିହାରୀ ସିରିଜରୁ ବାଦ ପଡିସାରିଛନ୍ତି ।

| Updated: Thursday, January 14, 2021, 22:08 [IST]

ବ୍ରିସବେନ: ଭାରତ ବନାମ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ବର୍ଡର-ଗାଭାସ୍କର ଟ୍ରଫିର ଚତୁର୍ଥ ତଥା ଶେଷ ଟେଷ୍ଟ ମ୍ୟାଚ୍ ଆସନ୍ତାକାଲି ଭାରତୀୟ ସମୟ ସକାଳ 5:30ରୁ ବ୍ରିସବେନର ଗବ୍ବା ଠାରେ ଖେଳାଯିବ। ଚାରି ମ୍ୟାଚ୍ ବିଶିଷ୍ଟ ଏହି ଟେଷ୍ଟ ସିରିଜ୍ ବର୍ତ୍ତମାନ 1-1ରେ ବରାବର ରହିଛି । ତେଣୁ ଫାଇନାଲ୍ ଟେଷ୍ଟରେ ଜିତିବା ଦଳ ହିଁ ସିରିଜକୁ ନିଜ ନାମରେ ନାମିତ କରିବ ।

ତେବେ ଭାରତ ପାଇଁ ଖେଳାଳିଙ୍କ ଆଘାତ ଏହି ମ୍ୟାଚରେ ସବୁଠାରୁ ବଡ ସମସ୍ୟା ହୋଇଛି । ରବୀନ୍ଦ୍ର ଜାଡେଜା ଏବଂ ହନୁମା ବିହାରୀ ସିରିଜରୁ ବାଦ ପଡିସାରିଛନ୍ତି । ଏଥି ସହିତ ଜସପ୍ରୀତ ବୁମରା ଏବଂ ଆର ଅଶ୍ୱୀନଙ୍କ ଖେଳିବା ନେଇ ମଧ୍ୟ ସନ୍ଦେହ ସୃଷ୍ଟି ହୋଇଛି । ସେଥିପାଇଁ ଟିମ୍ ଇଣ୍ଡିଆ ଗୋଟିଏ ଦିନ ପୂର୍ବରୁ ବ୍ରିସବେନ୍ ଟେଷ୍ଟ ପାଇଁ ଦଳୀୟ ଏକାଦଶ ଘୋଷଣା କରି ନାହିଁ।

ଭାରତୀୟ ଦଳରେ ହୋଇପାରେ ଏହି ସବୁ ପରିବର୍ତ୍ତନ:

ଭାରତ ପାଇଁ ଚତୁର୍ଥ ଟେଷ୍ଟରେ ସ୍ପିନର କୁଲଦୀପ ଯାଦବ ରବିନ୍ଦ୍ର ଜାଡେଜାଙ୍କ ସ୍ଥାନ ନେବାକୁ ସୁଯୋଗ ପାଇପାରନ୍ତି। ଏହା ବ୍ୟତୀତ ହନୁମା ବିହାରୀଙ୍କ ସ୍ଥାନରେ ରିଦ୍ଧିମାନ ସାହା କିମ୍ବା ମୟଙ୍କ ଅଗ୍ରୱାଲଙ୍କ ଦଳକୁ ପ୍ରତ୍ୟାବର୍ତ୍ତନ ହୋଇପାରେ। ଜସପ୍ରୀତ ବୁମରାଙ୍କ ବଦଳରେ ଶାର୍ଦ୍ଦୁଲ ଠାକୁରଙ୍କୁ ଦେଖିବାକୁ ମିଳିପାରନ୍ତି ।

ତୃତୀୟ ଟେଷ୍ଟରେ ଋଷଭ ପନ୍ତ ମଧ୍ୟ ଆହତ ହୋଇଥିଲେ। ଯଦିଓ ଦ୍ୱିତୀୟ ଇନିଂସରେ ସେ 5 ନମ୍ବରରେ ବ୍ୟାଟିଂ କରୁଥିବାବେଳେ 97 ରନର ଏକ ଚମତ୍କାର ପାଳି ଖେଳିଥିଲେ । କିନ୍ତୁ ଏହା ସତ୍ତ୍ୱେ ସେ ଅନ୍ତିମ ଟେଷ୍ଟରେ ବ୍ୟାଟ୍ସମ୍ୟାନ୍ ଭାବେ 5ମ ସ୍ଥାନରେ ଖେଳିପାରିବେ ଏବଂ ୱିକେଟ୍ କିପିଂର ଦାୟିତ୍ୱ ରିଦ୍ଧିମାନ ସାହାଙ୍କୁ ଦିଆଯାଇପାରିବ ।

ତୃତୀୟ ଟେଷ୍ଟର ପ୍ରଥମ ଇନିଂସରେ 70 ରନ୍ ଏବଂ ଦ୍ୱିତୀୟ ଇନିଂସରେ 71 ରନ୍ ସହ ରୋହିତ ଶର୍ମା ଏବଂ ଶୁବମନ ଗିଲଙ୍କ ଓପନିଂ ଭାଗିଦାରୀ ହୋଇଥିଲା। ସମାନ ଯୋଡି ବିସବେନରେ ଦଳ ପାଇଁ ଓପନ କରିବେ । ମୟଙ୍କ ଅଗ୍ରୱାଲ ଦଳକୁ ପ୍ରତ୍ୟାବର୍ତ୍ତନ କଲେ ମଧ୍ୟ ସେ ହନୁମା ବିହାରୀଙ୍କ ସ୍ଥାନରେ ମଧ୍ୟମ କ୍ରମରେ ବ୍ୟାଟିଂ କରିବେ।

ଚାଇନମ୍ୟାନ ସ୍ପିନର କୁଲଦୀପ ଯାଦବଙ୍କୁ ପଞ୍ଚମ ଟେଷ୍ଟ ପୂର୍ବରୁ ଟିମ୍ ଇଣ୍ଡିଆ ସହିତ ଭାରି ଅଭ୍ୟାସ କରୁଥିବା ଦେଖିବାକୁ ମିଳିଥିଲା। ସେ ନେଟ୍ସରେ ଦୀର୍ଘ ସମୟ ଧରି ବୋଲିଂ ଅଭ୍ୟାସ ମଧ୍ୟ କରିଥିଲେ। ଏଭଳି ପରିସ୍ଥିତିରେ ରବୀନ୍ଦ୍ର ଜେଜାଙ୍କ ବଦଳରେ କୁଳଦୀପ ଗାବାରେ ଖେଳିବା ନିଶ୍ଚିତ ବୋଲି ବିବେଚନା କରାଯାଉଛି। ଏଥି ସହିତ ଶାର୍ଦ୍ଦୁଲ ଠାକୁରଙ୍କ ସହ ଟି ନାଟାରାଜନ ମଧ୍ୟ ଅନ୍ତିମ ମ୍ୟାଚ ଖେଳିବା ପାଇଁ ଏକ ପ୍ରତିଯୋଗୀ ଭାବରେ ବିବେଚନା କରାଯାଉଛି । ତେବେ ଏହି ଦୁଇଜଣଙ୍କ ମଧ୍ୟରୁ କେବଳ ଜଣଙ୍କୁ ହିଁ ସୁଯୋଗ ମିଳିବ ।

ସମ୍ଭାବ୍ୟ ଭାରତୀୟ ଏକାଦଶ- ରୋହିତ ଶର୍ମା (ଉପ ଅଧିନାୟକ), ଶୁଭମନ ଗିଲ, ଚେତେଶ୍ୱର ପୂଜାରା, ଆଜିଙ୍କ୍ୟ ରାହାଣେ (ଅଧିନାୟକ), ରିଦ୍ଧିମାନ ସାହା / ମାୟାନକ ଅଗ୍ରୱାଲ, ଋଷଭ ପନ୍ତ, ଆର ଅଶ୍ୱୀନ, ଶାର୍ଦ୍ଦୁଲ ଠାକୁର, ମହମ୍ମଦ ସିରାଜ, କୁଲଦୀପ ଯାଦବ ଏବଂ ନବଦୀପ ସାଇନି।

ଅଷ୍ଟ୍ରେଲିଆ ଚୁଡାନ୍ତ ଏକାଦଶ:

ଉଲ୍ଲେଖନୀୟ କଥା ହେଉଛି, ଅଷ୍ଟ୍ରେଲିଆ ଚତୁର୍ଥ ଟେଷ୍ଟ ପାଇଁ ଏକାଦଶ ଖେଳିବାକୁ ଘୋଷଣା କରିଛି। ଚତୁର୍ଥ ଟେଷ୍ଟ ପାଇଁ କଙ୍ଗାରୁ ଦଳରେ ପରିବର୍ତ୍ତନ ଆସିଛି । ଓପନର୍ ୱିଲ୍ ପୁକୋସ୍କିଙ୍କ ସ୍ଥାନରେ ମାର୍କସ୍ ହାରିସଙ୍କୁ ଦଳରେ ସାମିଲ କରାଯାଇଛି।

ଅଷ୍ଟ୍ରେଲିଆ ଚୁଡାନ୍ତ ଏକାଦଶ- ଡେଭିଡ ୱାର୍ନର, ମାର୍କସ ହାରିସ, ମାର୍ନୁସ ଲାବୁଚେନ, ଷ୍ଟିଭ ସ୍ମିଥ, ମାଥ୍ୟୁ ୱେଡ, କାମେରନ ଗ୍ରୀନ, ଟିମ ପେନ (ଅଧିନାୟକ ଏବଂ ୱିକେଟକିପର), ପ୍ୟାଟ କମିନ୍ସ, ମିଚେଲ ଷ୍ଟାର୍କ, ନାଥାନ ଲିୟନ ଏବଂ ଜୋଶ ହେଜଲଉଡ।

ଆମକୁ ଫୋଲୋ କରନ୍ତୁ