୨ୟ ଟେଷ୍ଟ, ପ୍ରଥମ ଦିନ: ଅଷ୍ଟ୍ରେଲିଆ ୨୬୩ ରନରେ ଅଲଆଉଟ୍, ଭାରତର ବ୍ୟାଟିଂ ଆରମ୍ଭ

ମ୍ୟାଚର ପ୍ରଥମ ଦିନରେ ଅତିଥି ଅଷ୍ଟ୍ରେଲିଆ ତାର ପ୍ରଥମ ପାଳିରେ ୨୬୩ ରନରେ ଅଲଆଉଟ ହୋଇ ଯାଇଛି । ମ୍ୟାଚରେ ଭାରତୀୟ ବୋଲରମାନଙ୍କ ଦମଦାର ପ୍ରଦର୍ଶନ ଦେଖିବାକୁ ମିଳିଛି ।

Published: Friday, February 17, 2023, 22:03 [IST]

ଦିଲ୍ଲୀ: ବର୍ଡର ଗାଭାସ୍କର ଟେଷ୍ଟ ସିରିଜର ଦ୍ବିତୀୟ ମ୍ୟାଚ ଆଜିଠୁ ଆରମ୍ଭ ହୋଇଛି । ମ୍ୟାଚର ପ୍ରଥମ ଦିନରେ ଅତିଥି ଅଷ୍ଟ୍ରେଲିଆ ତାର ପ୍ରଥମ ପାଳିରେ ୨୬୩ ରନରେ ଅଲଆଉଟ ହୋଇ ଯାଇଛି । ମ୍ୟାଚରେ ଭାରତୀୟ ବୋଲରମାନଙ୍କ ଦମଦାର ପ୍ରଦର୍ଶନ ଦେଖିବାକୁ ମିଳିଛି ।

ଭାରତ ପକ୍ଷରୁ ମହମ୍ମଦ ସାମି ୪, ଅଶ୍ୱିନୀ ୩ ଓ ଜାଡେଜା ୩ଟି ଲେଖାଏଁ ୱିକେଟ ନେଇଛନ୍ତି । ତେବେ ପ୍ରଥମ ଦିନରେ ହିଁ ଭାରତ ତାର ପ୍ରଥମ ଇଂନିସ ଖେଳ ଆରମ୍ଭ କରି ଦେଇଛି । ଆଜି ଦିନର ଷ୍ଟମ ଅପସାରଣ ବେଳକୁ ଭାରତ ୨୧ ରନ କରିଥିବା ବେଳ କୌଣସି ୱିକେଟ୍ ବ୍ୟୟ କରି ନାହିଁ । ରୋହିତ ଶର୍ମା ୧୩ ଓ କେଏଲ ରାହୁଲ ୪ ରନ କରି ଅପରାଜିତ ରହିଛନ୍ତି ।

ଏହି ମ୍ୟାଚରେ ଅଷ୍ଟ୍ରେଲିଆ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା । ଦଳର ଦୁଇ ଓପନର ଡେଭିଡ୍ ୱାର୍ନର ଓ ଉସମାନ ଖ୍ବାଜା ଭଲ ଆରମ୍ଭ କରିଥିଲେ । ତେବେ ୱାର୍ନର ମାତ୍ର ୧୫ ରନରେ ଆଉଟ ହୋଇଥିବା ବେଳେ ଖ୍ବାଜା ୮୧ ରନ କରିଥିଲେ । ତେବେ ଦଳ ମଧ୍ୟକ୍ରମ ପୁଣି ବିଫଳ ହୋଇଥିଲା । ମଧ୍ୟକ୍ରମର ୩ ବ୍ୟାଟ୍ସମ୍ୟାନ ଶସ୍ତାରେ ପାଭିଲିୟନ ଫେରିଥିଲେ । ତେବେ ପିଟର ହାଣ୍ଡସକମ୍ବ ଓ ପାଟ କମିନ୍ସ ଲଢୁଆ ବ୍ୟାଟିଂ କରି ସ୍କୋରକୁ ଆଗେଇ ନେଇଥିଲେ । ହାଣ୍ଡସକମ୍ବ ୭୨ ଓ କମିନ୍ସ ୩୩ ରନ କରିଥିଲେ । ଫଳରେ ଦଳ ୨୬୩ ପର୍ଯ୍ୟନ୍ତ ପହଞ୍ଚି ପାରିଥିଲା ।

ସୂଚନାଥାଉ କି, ପ୍ରଥମ ଟେଷ୍ଟରେ ଅଷ୍ଟ୍ରେଲିଆ ଭାରତ ଠାରୁ ଗୋଟିଏ ଇନିଂସ ଓ ୧୩୨ ରନରେ ପରାସ୍ତ ହୋଇଥିଲା ।

Published On February 17, 2023