ବିରାଟ କୋହଲିଙ୍କୁ ପଛରେ ପକାଇଲେ ଜୋ ରୁଟ

ଦ୍ୱିଶତକ ହାସଲ କରିବା ପରେ ଇଂଲଣ୍ଡ ଅଧିନାୟକ ଜୋ ରୁଟ୍ ସଦ୍ୟ ପ୍ରକାଶିତ ଆଇସିସି ଟେଷ୍ଟ ମାନ୍ୟତାରେ ତୃତୀୟ ସ୍ଥାନ ଅଧିକାର କରିଥିବାବେଳେ ପ୍ରଥମ ଟେଷ୍ଟରେ 227 ରନ୍ ପରାଜୟ ପରେ ଭାରତ ଅଧିନାୟକ ବିରାଟ କୋହଲି ପଞ୍ଚମ ସ୍ଥାନକୁ ଖସି ଆସିଛନ୍ତି।

ନୂଆଦିଲ୍ଲୀ: ଦ୍ୱିଶତକ ହାସଲ କରିବା ପରେ ଇଂଲଣ୍ଡ ଅଧିନାୟକ ଜୋ ରୁଟ ସଦ୍ୟ ପ୍ରକାଶିତ ଆଇସିସି ଟେଷ୍ଟ ମାନ୍ୟତାରେ ତୃତୀୟ ସ୍ଥାନ ଅଧିକାର କରିଥିବାବେଳେ ପ୍ରଥମ ଟେଷ୍ଟରେ 227 ରନ୍ ପରାଜୟ ପରେ ଭାରତ ଅଧିନାୟକ ବିରାଟ କୋହଲି ପଞ୍ଚମ ସ୍ଥାନକୁ ଖସି ଆସିଛନ୍ତି। ରୁଟ୍ ତାଙ୍କର 100 ତମ ଟେଷ୍ଟରେ ଭାରତ ବିପକ୍ଷ ପ୍ରଥମ ଇନିଂସରେ 218 ରନ୍ ସଂଗ୍ରହ କରିଥିଲେ ଏବଂ ଦ୍ୱିତୀୟ ଇନିଂସରେ 40 ରନ୍ ସଂଗ୍ରହ କରିଥିଲେ। କୋହଲି 11 ଓ 72 ସ୍କୋର କରିଥିଲେ।

ଅଷ୍ଟ୍ରେଲିଆର ମାର୍ନୁସ ଲାବୁସେନେ ମଧ୍ୟ ଗୋଟିଏ ସ୍ଥାନ ଖସି ଚତୁର୍ଥ ସ୍ଥାନକୁ ଖସି ଆସିଛନ୍ତି। ପାକିସ୍ତାନ ଅଧିନାୟକ ବାବର ଆଜମ ଗୋଟିଏ ସ୍ଥାନ ହାସଲ କରି ଷଷ୍ଠ ସ୍ଥାନରେ ଥିବାବେଳେ ଚେତେଶ୍ୱର ପୂଜାରା ଗୋଟିଏ ଖସି ସ୍ଥାନ ସପ୍ତମ ସ୍ଥାନରେ ରହିଛନ୍ତି । ହେନେରୀ ନିକୋଲସ୍ (8ମ), ବେନ୍ ଷ୍ଟୋକ୍ସ (9ମ) ଏବଂ ଡେଭିଡ ୱାର୍ଣ୍ଣର (10ମ) ର଼୍ୟାଙ୍କିଙ୍ଗରେ ଟପ୍ -10ରେ ସ୍ଥାନ ପାଇଛନ୍ତି। ଏକ ନମ୍ବର ସ୍ଥାନରେ ଅଛନ୍ତି କେନ୍ ୱିଲିୟମ୍ସନ୍ ଏବଂ 2ୟରେ ଷ୍ଟିଭ୍ ସ୍ମିଥ୍ | କ୍ରମାଗତ ଭାବରେ ଭଲ ପ୍ରଦର୍ଶନ କରୁଥିବା ଋଷଭ ପନ୍ତଙ୍କୁ 13 ତମ ସ୍ଥାନକୁ ଉଠିଛନ୍ତି । ଶୁଭମନ ଗିଲ 7ଟି ସ୍ଥାନ ଉପରକୁ ଉଠି 40 ତମ ସ୍ଥାନକୁ ଉନ୍ନୀତ ହୋଇଛନ୍ତି।

💥 Joe Root enters top three
🔼 Babar Azam, Ben Stokes move up one spot
📉 Virat Kohli slips to No.5

A lot of changes in the latest @MRFWorldwide ICC Test Player Rankings for batting 👀

Full rankings: https://t.co/OMjjVwOboH pic.twitter.com/TRwJwuRx88

— ICC (@ICC) February 10, 2021

ବୋଲିଂରେ ଭାରତ ବିପକ୍ଷରେ ଚମତ୍କାର ପ୍ରଦର୍ଶନ କରିଥିବା ଜେମ୍ସ ଆଣ୍ଡରସନ ତୃତୀୟ ସ୍ଥାନକୁ ଉନ୍ନୀତ ହୋଇଛନ୍ତି। ଚେନ୍ନାଇରେ ଆଣ୍ଡରସନ ପାଞ୍ଚଟି ୱିକେଟ୍ ନେଇଥିଲେ। ଚେନ୍ନାଇର ଦ୍ୱିତୀୟ ଇନିଂସରେ 6 ୱିକେଟ୍ ନେଇଥିବା ରବିଚନ୍ଦ୍ରନ୍ ଅଶ୍ୱୀନ୍ ଗୋଟିଏ ସ୍ଥାନ ଉପରକୁ ଉଠି ସପ୍ତମ ସ୍ଥାନକୁ ଉନ୍ନୀତ ହୋଇଛନ୍ତି। ବୁମରା 8 ନମ୍ବର ସ୍ଥାନରେ ଅଛନ୍ତି ।

English summary

ICC Test Rankings: Joe Root, Anderson jump, Kohli slides down